شہباز شریف آئی ایم ایف سے 3 سال میں 4 معاہدے کرنیوالے واحد وزیراعظم ہیں، پی ٹی آئی
اشاعت کی تاریخ: 10th, April 2025 GMT
پشاور:
پی ٹی آئی نے کہا ہے کہ شہباز شریف آئی ایم ایف سے 3 سال میں 4 معاہدے کرنے والے واحد وزیراعظم ہیں۔
مرکزی سیکرٹری اطلاعات تحریک انصاف شیخ وقاص اکرم اور مشیر خزانہ مزمل اسلم نے پشاور میں پریس کانفرنس کرتے ہوئے کہا کہ این ڈی ایم کی تیسری برسی آج منارہے ہیں ۔ اس موقع پر ان کی کارکردگی کا جائزہ لینا ضروری ہے ۔ صرف برسی کے موقع پر ان یادوں کو ہم پھر اجاگر کررہے ہیں ۔
شیخ وقاص اکرم نے کہا کہ نومبر 2021 میں چیئرمین پی ٹی آئی سعودی عرب گئے، جہاں ٹیم میں شوکت ترین بھی شامل تھے اوروہاں سعودی ولی عہد محمد بن سلمان سے بھی ملاقات ہوئی ۔ صرف 2 ڈالرز کا ڈپازٹ اور 1.
انہوں نے بتایا کہ فروری میں ونٹر اولمپکس میں پہلی بار چائنا کے صدر مختلف ممالک کے صدور سے ملے اور 3 وزرائے اعظم سے ملے، جن میں بانی پی ٹی آئی سے بھی ملاقات ہوئی۔ اسلامک کانفرنس جو پاکستان میں ہوئی، اس میں چائنا کے وزیر خارجہ بھی آئے ۔ برسوں بعد ایسی بہترین اسلامک کانفرنس پاکستان میں ہوئی ۔
پریس کانفرنس میں انہوں نے کہا کہ وزیراعظم ابھی کہتے ہیں سعودی عرب سے تعلقات بہتر کیے ہیں ۔ انہوں نے اتنے چکر اسلام آباد کے نہیں لگائے جتنے سعودی عرب کے لگائے ہیں۔ اتنے چکر کے بعد کیا کوئی پراجیکٹس لے کر آئے ؟۔ ان کی ساری ٹیم یہاں آئی لیکن آپ اتنے نالائق ہیں جو سعودی عرب سے ایک پراجیکٹ لے کر نہیں آئے ۔ اب یہ 2 ارب پر آگئے ہیں۔
پی ٹی آئی رہنما کا کہنا تھا کہ یہ کہتے ہیں دھیلے کی کرپشن ہو تو مجھے بتائیں ، ہم پوچھتے ہیں کہ ان 3 سالوں میں کیا لے کر آئے، ہمیں بتائیں کیا کوئی ایک دھیلہ لے کر آئے ؟۔ ہر بار کہتے ہیں کہ یہ آئی ایم ایف کا آخری پروگرام ہے۔ یہ واحد وزیراعظم ہیں جنہوں نے 3 سال میں آئی ایم ایف سے 4 معاہدے کیے اور الزامات ہم پر لگائے جاتے ہیں، بارودی سرنگوں کی بات کی جاتی ہے، اب کون یہ بچھارہا ہے؟۔
انہوں نے کہا کہ جوائنٹ کانفرنس میں بلاول بھٹو کہتے ہیں یہ پی ٹی آئی نہیں بلکہ پی ٹی آئی ایف ہے۔ ہم بلاول بھٹو کو کہتے ہیں کہ ہم انتظار کررہے ہیں کہ کتنی ڈیل منسوخ کیں ؟۔ اسحاق ڈار فلور آف ہاؤس پر کہتے تھے کہ آئی ایم ایف پروگرام رول کروانا چاہتے ہیں ۔ آئی ایم ایف کو ان کے بیانات کے بعد دو بار اپنی کلیریفکیشن کرنی پڑی ۔
انہوں نے مزید کہا کہ یو اے ای ویزے ہوں یا یورپ کی ٹریول گائیڈ، یا سعودی عرب کی پابندی ہو ، پہلی بار شرم کی بات ہے کہ پاکستان پر سعودی عرب کی جانب سے پابندی عائد کی جارہی ہے ۔ افسوس ناک بات ہے کہ پہلی بار حقیقت میں پاکستان تنہا ہوگیا ہے ۔
مشیر خزانہ خیبر پختونخوا مزمل اسلم نے پریس کانفرنس میں کہا کہ بانی پی ٹی آئی کی حکومت کےخاتمے کےبعد 31 ارب ڈالر لوگوں نے باہر سے بھجوائے۔ ہماری حکومت کے خاتمے کے وقت شرح نمو 6.5 اور اب 3فی صد ہےْآئی ایم ایف کے کہنے پر انہوں نے رئیل اسٹیٹ کو کوئی ریلف نہیں دیا۔
انہوں نے کہا کہ ملکی تاریخ میں پہلی بارشرح نمو اس قدر تنزلی کی شکار رہی ہے۔ 2024کے بعد مہنگائی میں 100فی صد تک اضافہ کردیاہے۔ 2022میں غربت کی شرح 34.2فی صد اور2024 میں 40فی صد ہوگئی۔ 2022میں بے روزگاری کی شرح 6.2اور 2024میں 8.5 فی صد تک بڑھ گئی۔ اسی طرح 2024میں 9لاکھ سے زائد لوگ روزگار چھوڑ کرملک سے باہرچلےگئے۔
مزمل اسلم کا کہنا تھا کہ 2022میں 2لاکھ 31ہزار لوگوں نے گاڑیاں خریدیں اور گزشتہ سال صرف 85ہزار گاڑیاں خریدی گئیں۔حکومت قطر کوکہہ رہی ہےکہ ہم سے ایل این جی فروخت نہیں ہورہی،معاہدہ منسوخ کیاجائے۔آئی ایم ایف کے 4 معاہدوں کے باوجود سرمایہ کاری نہیں ہورہی جب کہ ہماری حکومت نے 3سال 7مہینے میں 18ہزار ارب روپے اورموجودحکومت نے3سالوں میں 22ہزار ارب روپے کاقرضہ لیا۔
انہوں نے کہا کہ خیبرپختونخوا حکومت کےخزانے میں رقم اس لیے شونہیں کررہے،تاکہ نظر نہ لگ جائے۔ خیبرپختونخوا حکومت کاسر پلس بجٹ ڈیڑھ سو ارب ہے۔ 11 ماہ میں صحت کارڈ پر33ارب روپے خرچ کیے، بقایاجات صرف 12ارب رہ گئے ہیں۔ ہمارے دورمیں بجلی 25روپے فی یونٹ اور اب 65 روپے ہے۔ قرض کی ادائیگی ڈیبیٹ فنڈ میں 50سے100ارب روپے ڈالیں گے۔ ہم صرف وہی قرضہ لیں گے، جس سے پیداوار میں اضافہ ممکن ہو۔
ذریعہ: Express News
کلیدی لفظ: انہوں نے کہا کہ آئی ایم ایف پی ٹی آئی پہلی بار کہتے ہیں ارب روپے ہیں کہ
پڑھیں:
وزیراعظم شہباز شریف 2روزہ دورے پر ترکیہ پہنچ گئے
وزیراعظم شہباز شریف 2روزہ دورے پر ترکیہ پہنچ گئے WhatsAppFacebookTwitter 0 22 April, 2025 سب نیوز
انقرہ (سب نیوز)وزیراعظم شہباز شریف ترک صدر رجب طیب اردوان کی دعوت پر 2 روزہ دورے پر ترکیہ پہنچ گئے۔
تفصیلات کے مطابق وزیرِاعظم شہباز شریف 2 روزہ دورے پر ترکیہ کے شہر انقرہ پہنچ گئے، انقرہ ایئرپورٹ پر ترک وزیر دفاع نے شہبازشریف کا استقبال کیا جبکہ ڈپٹی گورنر، صدر پاک ترک کلچرل ایسوسی ایشن اور اعلی حکام بھی موجود تھے۔وزیراعظم کے ہمراہ ترکیہ کا دورہ کرنے والے وفد میں وزیر خارجہ اسحاق ڈار، وزیر اطلاعات و نشریات عطا اللہ تارڑ اور معاون خصوصی طارق فاطمی بھی شامل ہیں۔
وزیراعظم شہباز شریف دورے کے دوران ترکیہ کے صدر رجب طیب اردوان سے دوطرفہ تعلقات پر تفصیلی تبادلہ خیال کریں گے اور خطے اور اس سے باہر کی حالیہ پیش رفت پر تبادلہ خیال کریں گے۔دیرینہ اتحادیوں اور اسٹریٹجک شراکت داروں کی حیثیت سے پاکستان اور ترکیہ باقاعدگی سے اعلی سطح کے تبادلوں کی روایت کو برقرار رکھتے ہیں جو دونوں ممالک کے درمیان بھائی چارے کے غیر معمولی رشتوں کی عکاسی کرتا ہے۔
دونوں ممالک کے درمیان باہمی دلچسپی کے مختلف امور پر تعاون اور کوآرڈینیشن کے لیے اعلی سطح کی اسٹریٹجک تعاون کونسل (ایچ ایل ایس سی سی)کی شکل میں قیادت کی سطح کا ادارہ جاتی میکانزم بھی موجود ہے۔ایچ ایل ایس سی سی کا ساتواں اجلاس 12 اور 13 فروری 2025 کو اسلام آباد میں منعقد ہوا جس کی صدارت صدر اردوان اور وزیر اعظم شہباز شریف نے کی تھی۔آئندہ اجلاس اس مضبوط مکالمے کے تسلسل کی نمائندگی کرتا ہے اور پاکستان اور ترکیہ کے درمیان کثیر الجہتی شراکت داری کو مزید فروغ دینے کے مشترکہ عزم کی نشاندہی کرتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرملک اور عوام کو اسٹیبلشمنٹ اور پی ٹی آئی کی ضرورت ہے، عمران خان ملک اور عوام کو اسٹیبلشمنٹ اور پی ٹی آئی کی ضرورت ہے، عمران خان ایف ای ڈی کا خاتمہ خوش آئند، پراپرٹی سیکٹر میں بہتری آئے گی ، راجہ سجاد حسین ایک سال بعد جرم یاد آنا حیران کن ہے، ناانصافی پر عدالت آنکھیں بند نہیں رکھ سکتی، سپریم کورٹ امریکا کے ساتھ معاشی روابط اور ٹیرف کا معاملہ، وزیرخزانہ کا اہم بیان سامنے آگیا سینیٹ اجلاس ہنگامہ آرائی کی نذر، چیئرمین سینیٹ نے ثانیہ نشتر کا استعفیٰ قبول کیا اور معاملہ الیکشن کمیشن کو بھجوا دیا ایتھوپیا کے سفیر ڈاکٹر جمال بکر عبداللہ کو سیالکوٹ میں بہترین سفیر کے ایوارڈ سے نوازا گیاCopyright © 2025, All Rights Reserved
رابطہ کریں ہمارے بارے ہماری ٹیم
ملک کے مختلف علاقوں میں آج اور کل شدید بارش، ژالہ باری کا امکان