اسلام آباد میں شاندار ایڈوانچر پارک کی تعمیر کا امکان
اشاعت کی تاریخ: 12th, April 2025 GMT
کیپٹل ڈویلپمنٹ اتھارٹی (سی ڈی اے) اسلام آباد میں ایک ایڈونچر سٹی پارک کی تعمیر پر غور کر رہی ہے، جس کا مقصد شہر کے سب سے بڑے سیاحتی مقامات میں سے ایک بنانا ہے۔
اس اقدام کے حوالے سے گزشتہ روز سی ڈی اے ہیڈ کوارٹرز میں وفاقی سیکرٹری داخلہ محمد خرم آغا کی زیر صدارت اجلاس کے دوران تبادلہ خیال کیا گیا۔
یہ بھی پڑھیں:عیدالفطر پر بلوچستان کے کون سے سیاحتی مقامات کی سیر کی جاسکتی ہے؟
اجلاس میں چیئرمین سی ڈی اے محمد علی رندھاوا، ممبر ماحولیات اور سی ڈی اے کے دیگر متعلقہ سینئر افسران نے شرکت کی۔
ملاقات میں اسلام آباد میں ایک مناسب جگہ پر ایڈونچر سٹی پارک کے قیام پر تبادلہ خیال کیا گیا جو مستقبل میں اسلام آباد کے بہترین سیاحتی مقامات میں سے ایک ہوگا۔
بریفنگ کے دوران بتایا گیا کہ اسلام آباد میں سیاحت کو فروغ دینا سی ڈی اے کی اولین ترجیح ہے جس کے لیے تمام ضروری وسائل بروئے کار لائے جا رہے ہیں۔
ایڈونچر سٹی میں واک ویز کی تعمیر، سائیکلنگ ٹریک اور جامع ماحولیاتی اور تفریحی انفراسٹرکچر کو مربوط کرنا شامل ہوگا۔ اجلاس میں دارالحکومت میں سیاحت سے متعلق منصوبوں کی نمایاں صلاحیت کو اجاگر کیا گیا۔
یہ بھی پڑھیں:عید کی چھٹیوں میں خیبر پختونخوا کے من پسند سیاحتی مقامات کیا ہیں؟
چیئرمین سی ڈی اے محمد علی رندھاوا نے کہا کہ خوبصورتی اور سیاحتی مقامات کے ساتھ ساتھ اسلام آباد کے پارکوں کی خوبصورتی میں ماحول دوست درخت لگانے کے ذریعے مزید اضافہ کیا جائے۔
انہوں نے کہا کہ ایڈونچر سٹی پراجیکٹ کے لیے حکمت عملی تیار کی جا رہی ہے تاکہ سیاحت کے عالمی معیار کے ساتھ ساتھ دیگر فیکلٹیز کو یقینی بنایا جا سکے تاکہ اسلام آباد کے شہریوں کی ایڈونچر سٹی کی ضروریات کو پورا کیا جا سکے جس میں قومی اور بین الاقوامی فوڈ چینز، ثقافتی اور سماجی خدمات کے علاوہ سیاحت سے متعلق منصوبے ایک جگہ پر دستیاب ہوں گے۔
رندھاوا نے کہا کہ ایڈونچر سٹی پارک کے لیے مالی اور آپریشنل قابل عمل ماڈل اپنائے جائیں گے۔ انہوں نے یہ بھی ہدایت کی کہ ماحولیاتی استحکام کے لیے ایڈونچر سٹی کے ساتھ سیوریج ٹریٹمنٹ پلانٹ (STP) کی تنصیب کو یقینی بنایا جائے۔
چیئرمین سی ڈی اے نے کہا کہ یہ منصوبہ جدید ترین تفریحی سہولیات سے آراستہ ہو گا تاکہ اسلام آباد کو عالمی سیاحتی مقام کے طور پر بلند کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد ایڈونچرپارک سی ڈی اے سیاحت کیپٹل ڈویلپمنٹ اتھارٹی.ذریعہ: WE News
کلیدی لفظ: اسلام اباد ایڈونچرپارک سی ڈی اے سیاحت سیاحتی مقامات اسلام آباد نے کہا کہ سی ڈی اے کے لیے
پڑھیں:
اسلام آباد بار کونسل کے انتخابات میں انڈیپنڈنٹ گروپ کامیاب
اسلام آباد بار کونسل کے انتخابات میں انڈیپینڈنٹ گروپ نے کامیابی حاصل کرلی ہے۔
یہ بھی پڑھیں: سپریم کورٹ بار ایسوسی ایشن انتخابات، عاصمہ جہانگیر گروپ کو برتری، صدارتی امیدوار رؤف عطا نے میدان مار لیا
غیر حتمی، غیر سرکاری نتائج کے مطابق وزیرِ قانون اعظم نذیر تارڑ کے انڈیپینڈنٹ گروپ نے اسلام آباد بار کونسل کی زیادہ تر نشستیں جیت لی ہیں، جبکہ اس گروپ کو عاصمہ جہانگیر گروپ کی حمایت بھی حاصل تھی۔
اسلام آباد بار کونسل الیکشن کے فائنل نتائج
اعظم نذیر تارڑ/ احسن بھون گروپ کے 3 امیدواروں نے کامیابی حاصل کی جبکہ حامد خان گروپ کے ایک امیدوار کو کامیابی ملی جبکہ ظفر کھو کھر بطور انڈیپینڈینٹ امیدوار میدان مار لیا pic.twitter.com/EQxujY1rz9
— Khalid Hussain Taj (@KhalidHusainTaj) November 1, 2025
اسلام آباد بار کونسل کی 5 نشستوں میں سے 4 انڈیپینڈنٹ گروپ کے امیدواروں نے اپنے نام کرلی ہیں۔
یہ بھی پڑھیں: فاروق ایچ نائیک پاکستان بار کونسل کے وائس چیئرمین منتخب
انڈیپینڈنٹ گروپ کے حمایت یافتہ عبدالرحمان حربا جوہ اور راجا علیم عباسی کامیاب ہوئے ہیں، جبکہ ظفر کھوکھر اور آصف عرفان بھی منتخب قرار پائے ہیں۔
حامد خان گروپ کے ایک امیدوار کو کامیابی ملی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد بار کونسل اعظم نذیر تارڑ انتخابات انڈیپینڈنٹ گروپ وزیرقانون
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟