ہیموفیلیا میں جسم سے خون بہنے لگے تو رُکتا نہیں
اشاعت کی تاریخ: 17th, April 2025 GMT
ہیموفیلیا خون کی بیماریوں کی ایک ایسی قسم ہے جس میں انسان کے جسم سے خون بہنا شروع ہو جاتا ہے اور پھر کسی بھی طور پر نہیں رکتا۔
اس مرض کے مریضوں میں اضافہ ہو رہا ہے جس کے حوالے سے آج پوری دنیا میں شعور اجاگر کرنے کا دن منایا جا رہا ہے۔
وقت گزر نے کے ساتھ خون سے متعلق سامنے آنے والی بیماریوں میں ایک ہیموفیلیا بھی ہے۔
یہ ایک ایسی بیماری ہے جس میں مبتلا مریضوں کو اگر چوٹ لگ جائے تو ان کا خون رکنے کا نام ہی نہیں لیتا، ایسے مریضوں کو زندہ رہنے کے لیے خون سے لیا گیا پلازمہ لگانے کی ضرورت پڑتی ہے۔
ماہرینِ صحت کا کہنا ہے کہ اس بیماری کا شکار مریضوں میں ایسے پروٹین کی کمی واقع ہو جاتی ہے جو خون جمانے کے عمل میں کلیدی کردار ادا کرتا ہے، جس کے باعث اس مرض میں مبتلا افراد کا خون معمولی چوٹ یا زخم لگ جانے کی صورت میں مسلسل بہنے لگتا ہے۔
خیبر پختون خوا میں ہیموفیلیا کے مرض میں مبتلا مریضوں کی تعداد 2 ہزار سے زیادہ ہے، جن میں سے بیشتر کا تعلق دیہی علاقوں سے ہے۔
ہیموفیلیا کا تعلق بھی ان بیماریوں میں سے ہے جو شعور کی کمی کی وجہ سے لوگوں کو لگ جاتی ہیں۔
ماہرینِ صحت کا کہنا ہے کہ علاج و معالجہ اپنی جگہ تاہم حکومت کو چاہیے کہ عوام میں اس بیماری سے متعلق شعور اجاگر کرنے کے لیے بھی اقدامات کرے۔
Post Views: 3.ذریعہ: Daily Mumtaz
پڑھیں:
آشوبِ چشم کی وبا شدت اختیار کر گئی، اسپتالوں میں مریضوں کی تعداد میں اضافہ
data-id="863a0a8" data-element_type="widget" data-widget_type="theme-post-content.default">
کراچی: شہرِ قائد میں آشوبِ چشم (ریڈ آئی، پنگ آئی انفیکشن) کی وبا تیزی سے پھیلنے لگی ہے، جس کے باعث سرکاری اور نجی اسپتالوں میں روزانہ درجنوں مریض علاج کے لیے پہنچ رہے ہیں۔
میڈیا رپورٹس کےمطابق شہریوں کی بڑی تعداد آنکھوں کی سرخی، درد، سوجن، روشنی سے چبھن اور پانی آنے جیسی علامات کے ساتھ اسپتالوں میں رپورٹ کر رہی ہے۔
ماہرین صحت کا کہنا ہے کہ حالیہ بارشوں کے بعد ہوا میں نمی اور صفائی کی ناقص صورتحال نے ایڈینو وائرس کے پھیلاؤ کو تیز کردیا ہے، جو اس مرض کی سب سے بڑی وجہ ہے۔
جناح اسپتال کراچی کے سربراہ امراض چشم نے بتایا کہ بارشوں کے بعد کیسز میں نمایاں اضافہ ہوا ہے اور اب روزانہ 15 سے 20 مریض اسپتال کا رخ کر رہے ہیں۔
ان کے مطابق آشوبِ چشم زیادہ تر ہاتھوں کے ذریعے منتقل ہوتا ہے، خاص طور پر جب متاثرہ شخص آنکھ ملنے کے بعد کسی اور سے ہاتھ ملائے، زیادہ تر کیسز میں ایک ہی آنکھ متاثر ہوتی ہے۔
انہوں نے مزید بتایا کہ ہلکے کیسز میں برف یا ٹھنڈے پانی کی سکائی کافی ہوتی ہے، جب کہ درمیانے اور شدید انفیکشن میں مصنوعی آنسو والے ڈراپس تجویز کیے جاتے ہیں جو محفوظ ہیں اور ان کے کوئی نقصانات نہیں۔
طبی ماہر نے خبردار کیا کہ بیٹناسول جیسی اسٹیرائیڈ ڈراپس کا ازخود استعمال نقصان دہ ثابت ہوسکتا ہے۔ یہ وقتی آرام تو دیتا ہے لیکن طویل مدتی استعمال آنکھوں کے لیے خطرناک ہو سکتا ہے اور شدید کیسز میں قرنیہ بھی متاثر ہو سکتا ہے، جس سے نظر دھندلا جانا، روشنی سے شدید چبھن اور درد جیسی علامات سامنے آ سکتی ہیں۔
سول اسپتال کراچی کی ماہر امراض چشم نے بھی اس وبا کی تصدیق کرتے ہوئے بتایا کہ اسپتال میں روزانہ 10 سے 12 مریض آشوبِ چشم کے ساتھ رپورٹ کر رہے ہیں، مریضوں کا تعلق شہر کے مختلف علاقوں جیسے قائد آباد، کیماڑی، بلدیہ ٹاؤن اور لیاقت آباد سے ہے، جس سے ظاہر ہوتا ہے کہ انفیکشن تیزی سے پھیل رہا ہے۔
ماہرین صحت نے شہریوں کو مشورہ دیا ہے کہ وہ اپنی آنکھوں کو بار بار ہاتھ لگانے سے گریز کریں، بار بار ہاتھ دھوئیں، تولیے یا تکیا دوسروں کے ساتھ شیئر نہ کریں، اور متاثرہ افراد سے ہاتھ ملانے یا قریبی رابطے سے اجتناب کریں۔ آنکھوں میں شدید درد، دھندلا دیکھائی دینے یا روشنی سے ناقابلِ برداشت تکلیف کی صورت میں فوری طور پر ڈاکٹر سے رجوع کرنے کی ہدایت کی گئی ہے۔
یہ وبا اگرچہ جان لیوا نہیں ہے مگر تیزی سے پھیلنے کے باعث ماہرین نے خبردار کیا ہے کہ شہری احتیاط کریں تاکہ مرض کو مزید پھیلنے سے روکا جا سکے۔
قازقستان کے ساتھ براہ راست فضائی روابط سے کاروباری اور عوامی تعلقات کو فروغ ملے گا، صدر مملکت