مفتیان کرام کا کام فتویٰ دینا ہے، ریاست کو عالمی صورت حال دیکھنی ہوتی ہے، وزیر مذہبی امور
اشاعت کی تاریخ: 17th, April 2025 GMT
وفاقی وزیر مذہبی امور سردار محمد یوسف نے کہا ہے کہ مفتیان کرام کی جانب سے فلسطین کے معاملے پر جہاد کا فتویٰ آیا ہے، ان کا کام فتویٰ دینا ہے البتہ ریاست کو بین الاقوامی صورت حال کو دیکھنا ہوتا ہے تاکہ کسی عمل سے عالمی امن کو کوئی خطرہ نہ ہو۔
کراچی ایئرپورٹ کے باہر میڈیا سے گفتگو کرتے ہوئے انہوں نے کہا کہ کراچی میں استقبال کرنے والوں کا شکریہ ادا کرتا ہوں، اپنی وزرات سے متعلق زمہ داری نبھانے کراچی آیا ہوں، مسلم لیگ ن کی حکومت نے عوام کے لیے اصلاحات کیں جس سے عام افراد کو فائدہ پہنچا۔
ان کا کہنا تھا کہ پیپلز پارٹی اور ایم کیو ایم ہمارے اتحادی ہیں، مسلم لیگ کی حکومت نے فیصلہ کیا ہے کہ سب کو ساتھ لے کر چلیں گے، پہلے دیوالیہ ہونے کی بات ہوتی تھی اب معاشی طور پہ پاکستان بہتری کی طرف گامزن ہے، عسکری اور سیاسی قیات مل کر کام کر رہے ہیں۔
وفاقی وزیر نے کہا کہ اوور سیز پاکستانیوں نے بھی خوشی کا اظہار کیا ہے، پہلی بار اوور سیز پاکستانیوں کو یہاں مدعو کیا گیا، روڈ ٹو مکہ کے تحت رواں سال بھی کراچی ائیرپورٹ پر عازمین حج کی امیگریشن ہوگی۔
سردار یوسف کا کہنا تھا کہ عازمین حج سعودی ائیر پورٹ پر اتر کر براہ راست اپنی رہائش گاہوں میں منتقل ہونگے، لاہور ائیر پورٹ پر روڈ ٹو مکہ پراجیکٹ کے تحت عازمین حج کی روانگی کے لیے بات چیت چل رہی ہے۔
وزیر مذہبی امور نے کہا کہ مفتیان کرام کی جانب سے فلسطین کےمعاملے پرجہاد کا فتویٰ آیا ہے، ان کا کام فتویٰ دینا ہے البتہ ریاست کو بین الاقوامی صورت حال کو دیکھنا ہوتا ہے تاکہ کسی عمل سے عالمی امن کو کوئی خطرہ نہ ہو۔
انہوں نے کہا کہ وزیراعظم پاکستان بھی فلسطین میں جاری جنگ وجدل کی مذمت کرتے ہیں۔
.ذریعہ: Express News
کلیدی لفظ: نے کہا کہ
پڑھیں:
پنجاب میں مدارس کی نمبرشماری مکمل، کتنے مدرسے ہیں؟
پنجاب حکومت نے صوبے میں امن و امان کے قیام اور مذہبی ہم آہنگی کے فروغ کے لیے تاریخی اقدامات کرتے ہوئے مساجد کے نظام کو عوامی امانت قرار دے دیا ہے۔
یہ بھی پڑھیں: کیا 25 ہزار میں آئمہ کرام کا ضمیر خریدنا چاہتے ہو؟ فضل الرحمان کی پنجاب حکومت پر پھر تنقید
حکومت پنجاب کے ترجمان کے مطابق صوبے بھر میں مقامی معززین پر مشتمل مزید مؤثر مسجد مینجمنٹ کمیٹیوں کے قیام پر اتفاق کیا گیا ہے۔
وزیر اعلیٰ پنجاب مریم نواز شریف کی خصوصی ہدایت پر صوبے میں مساجد کی بحالی اور ان کے انتظامی نظام کو شفاف اور مؤثر بنانے کا روح پرور سفر شروع کر دیا گیا ہے۔
وزیراعلیٰ نے خدمتِ دین کرنے والے آئمہ مساجد کے لیے وظائف کی فوری ادائیگی یقینی بنانے کے احکامات جاری کیے ہیں۔
آئمہ کرام کی رجسٹریشن کے لیے فارم کی تیاری آخری مراحل میں داخل ہو چکی ہے اور ہر تحصیل آفس میں خصوصی کاؤنٹرز قائم کیے جا رہے ہیں جہاں فارم جمع کروانے کی مینوئل اور ڈیجیٹل دونوں سہولتیں فراہم ہوں گی۔
حکومت پنجاب کے مطابق آئمہ کرام کو وظائف کی ادائیگی کا عمل چند ہفتوں میں شروع ہو جائے گا۔
پنجاب میں دینی اداروں کی پہلی بار مکمل ڈیجیٹل میپنگتاریخ میں پہلی مرتبہ صوبہ پنجاب میں دینی اداروں کا مکمل ڈیجیٹل ریکارڈ تیار کر لیا گیا ہے۔
مزید پڑھیے: مولانا فضل الرحمان ائمہ کرام کے لیے پنجاب حکومت کے وظیفہ میں رکاوٹ نہ بنیں، علامہ ڈاکٹر راغب نعیمی
صوبے کے 20 ہزار 863 دینی مدارس اور 56 ہزار مساجد کی جیو ٹیکنگ اور نمبر شماری کا عمل مکمل کر لیا گیا ہے جبکہ تمام ریکارڈ ایک شفاف ڈیجیٹل ڈیٹا بیس میں محفوظ کیا گیا ہے۔
محکمہ اوقاف کی زیر نگرانی لاہور سمیت صوبے بھر کی مساجد میں یکجہتی، ہم آہنگی اور مذہبی بھائی چارے کے فروغ کے لیے نیا دور شروع ہو چکا ہے۔
بریفنگ کے مطابق اس وقت 284 مساجد میں محکمہ اوقاف کے آئمہ کرام اور 47 مساجد میں دیگر علما امامت کے فرائض انجام دے رہے ہیں۔ حکومت نے ان کی دینی و ملی خدمات کے اعتراف میں وظائف میں اضافے کا فیصلہ بھی کیا ہے۔
غیر قانونی افغان شہریوں کے خلاف کارروائیاںپنجاب حکومت نے امن و امان کے قیام کے لیے ریاستی رٹ کو مزید مؤثر بنانے کا عزم دہراتے ہوئے کارروائیاں تیز کر دی ہیں۔
افغان شہریوں کو کرائے پر پراپرٹی دینے پر کارروائیترجمان کے مطابق افغان شہریوں کو کرایہ داری دینے والے 64 افراد کو گرفتار کر لیا گیا ہے جبکہ غیر قانونی افغان باشندوں کے ساتھ کاروباری تعلقات رکھنے پر تین فیکٹری مالکان کے خلاف مقدمات درج کیے گئے ہیں۔
مزید پڑھیں: جلسے اور ریلیاں ممنوع، لاؤڈ اسپیکر صرف اذان و خطبے کے لیے محدود، پنجاب میں دفعہ 144 کے نفاذ میں 7 روز کی توسیع
پنجاب بھر میں غیر قانونی طور پر مقیم افغان شہریوں کی نشاندہی کے لیے 45 ہزار سے زائد مقامات پر چیکنگ کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پنجاب آئمہ مساجد پنجاب مدارس پنجاب مدرسے پنجاب مساجد کے امام
کراچی، نادرن بائی پاس پر پلاسٹک کے گودام میں آگ لگ گئی