اداکار فیصل رحمان کا قائداعظم سے ملاقات کا دعویٰ، ملاقات سے متعلق کیا بتایا؟
اشاعت کی تاریخ: 25th, April 2025 GMT
پاکستان شوبز انڈسٹری کے معروف اداکار فیصل رحمان نے بانی پاکستان قائداعظم محمد علی جناح سے ملاقات کا دعویٰ کیا ہے۔
فیصل رحمان نے حال ہی میں ایک پروگرام میں شرکت کی جہاں میزبان نے ان سے عمر پوچھی تو اداکار نے عمر بتانے سے انکار کر دیا اور کہا کہ میں آپ کو ایک ہنٹ دیتا ہوں جس سے آپ میری عمر کا اندازہ لگا لیں۔
یہ بھی پڑھیں: بغیر شرٹ کے ویڈیو کیوں پوسٹ کی؟ فیصل رحمان کا مؤقف آگیا
اداکار نے کہا کہ ’میں چھوٹا سا تھا تو قائداعظم سے ملا تھا اس سے اندازا لگا لیں کہ میری عمر کیا ہو گی‘۔ میزبان نے کہا کہ آپ 80 سال کے ہوں گے جس پر اداکار نے کہا کہ ’نہیں 80 سال سے تھوڑی کم عمر ہے‘۔
میزبان نے پوچھا کہ جب آپ قائداعظم سے ملے تو آپ کو سمجھ تھی جس کے جواب میں اداکار کا کہنا تھا کہ نہیں وہ بہت چھوٹے تھے اور انہیں یہ ملاقات خواب کی طرح یاد ہے۔
View this post on Instagram
A post shared by ShowbizShowsha (@showbizshowsha)
فیصل رحمان کے عمر سے متعلق انکشاف اور قائداعظم سے ملاقات کے دعوے پر صارفین کی جانب سے مختلف ردعمل کا اظہار کیا گیا۔ کسی نے اداکار کو جھوٹا قرار دیا تو کوئی یہ کہتا نظر آیا کہ سمجھ نہیں آ رہا کہ یہ مذاق کر رہے ہیں یا سچ بول رہے ہیں۔
ایک صارف نے کہا کہ فیصل رحمان تو نوجوان لگ رہے ہیں تو کسی نے کہا کہ اگر اداکار سچ بول رہے ہیں تو ہمیں ان کی صحت کا راز پوچھنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامے فیصل رحمان قائداعظم قائداعظم ملاقات.ذریعہ: WE News
کلیدی لفظ: پاکستانی ڈرامے فیصل رحمان قائداعظم ملاقات فیصل رحمان نے کہا کہ رہے ہیں
پڑھیں:
عمران خان کے شیر افضل مروت سے متعلق سخت ریمارکس، وکلا سے ملاقات کی اندرونی کہانی سامنے آگئی
پاکستان تحریک انصاف (پی ٹی آئی) کے بانی عمران خان سے اڈیالہ جیل میں وکلا سے ملاقات ہوئی ہے، جس میں انہوں نے کہاکہ شکر ہے شیر افضل مروت سے ہماری جان چھوٹ گئی۔
یہ بھی پڑھیں پی ٹی آئی کے سوشل میڈیا کی وجہ سے عمران خان کے لیے مشکلات بڑھ رہی ہیں، شیر افضل مروت
عمران خان سے وکلا کی ملاقات کی اندرونی کہانی سامنے آگئی ہے، آج اڈیالہ جیل میں ملاقاتوں کا دن تھا، لیکن بانی پی ٹی آئی کی بہنوں کو ایک بار پھر بھائی تک رسائی نہ مل سکی۔
میڈیا رپورٹس کے مطابق عمران خان نے وکلا سے گفتگو کرتے ہوئے کہاکہ شیر افضل مروت کو پی ٹی آئی کے اندر ہمارے خلاف لانچ کیا گیا، شکر ہے جان چھوٹ گئی۔
میڈیا رپورٹس کے مطابق عمران خان نے شیر افضل مروت کی علیمہ خان سے متعلق گفتگو پر برہمی کا اظہار کیا، جبکہ وکلا کی فیسوں سے متعلق ان کی گفتگو کی بھی مذمت کی۔
میڈیا رپورٹس کے مطابق عمران خان نے مائنز اینڈ منرلز بل کے حوالے سے بات چیت کرنے کے لیے وزیراعلیٰ خیبرپختونخوا علی امین گنڈاپور کو ملاقات کے لیے بلا لیا ہے۔ بانی پی ٹی آئی کی جانب سے بل پر تحفظات کا اظہار کیا گیا۔
عمران خان نے پارٹی لیڈر شپ کو پیغام بھیجا کہ وہ تمام تر اختلافات ختم کریں، جبکہ چیئرمین پی ٹی آئی بیرسٹر گوہر کو معذرت خواہانہ رویے پر سخت پیغام بھجوایا۔
میڈیا رپورٹس کے مطابق عمران خان نے کہاکہ افغانستان کے ساتھ بات چیت میں حکومت نے دیر کردی۔
یہ بھی پڑھیں ’عمران خان بار بار گمراہ ہوجاتے ہیں، ہر چیز کی حد ہوتی ہے‘، شیر افضل مروت کی بانی پی ٹی آئی پر تنقید
اس کے علاوہ عمران خان نے ہدایت کی ہے کہ پی ٹی آئی کے سیکریٹری جنرل سلمان اکرم راجا قانون کی عملداری نہ ہونے پر چیف جسٹس پاکستان کو خط لکھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بشریٰ بی بی پاکستان تحریک انصاف پی ٹی آئی سخت ریمارکس شیر افضل مروت علیمہ خان عمران خان عمران خان ملاقات وکلا وی نیوز
پشاور میں سماعت سے محروم بچوں کیلئے کوکلیئر امپلانٹ پروگرام کا آغاز