پشاور؛ گاڑی پر فائرنگ سے 6 افراد جاں بحق، شہر میں 24 گھنٹوں کے دوران 10 افراد قتل
اشاعت کی تاریخ: 27th, April 2025 GMT
پشاور:
جمیل چوک میں مسلح افراد نے گاڑی پر اندھادھند فائرنگ کرکے 6 افراد کو قتل اور ایک کو زخمی کردیا جبکہ شہر میں 24 گھنٹوں کے دوران فائرنگ کے واقعات میں 10 افراد جاں بحق ہوگئے۔
پشاور کے تھانہ پھندو پولیس کے مطابق 6 افراد کے قتل کا واقعہ جمیل چوک رنگ روڈ پر پیش آیا ہے جب وہ شادی کی تقریب کے بعد واپس گاڑی میں جا رہے تھے اسی دوران ان کی گاڑی پر گولیوں کی بوچھاڑ کردی گئی۔
نامعلوم افراد کی فائرنگ سے 5 افراد موقع پر جاں بحق ہوگئے، جن کی شناخت عبد اللہ ولد بادام گل، طاہر ولد نواب، اسامہ ولد حمایت اللہ، اویس ولد سید بادشاہ اور وقاص کے نام سے ہوئی۔
پشاور میں فائرنگ کے مذکورہ واقعے میں ایک راہگیر یحییٰ ولد سرکار بھی گولیاں لگنے سے جاں بحق ہوا اور ثاقب ولد سید احمد شاہ زخمی ہوا ہے۔
واقعے کے حوالے سے بتایا گیا کہ افسوس ناک واقعے میں جاں بحق ہونے والوں میں تین دوست شامل ہیں، جن میں سے ایک کا تعلق ہزار خوانی اور دوسرے کا صوابی سے بتایا جا رہا ہے۔
گاڑی پر فائرنگ کی اطلاع پر ایس پی فقیر آباد محمد ارشد خان اور ڈی ایس پی عمر آفریدی بھی نفری کے ہمراہ موقع پر پہنچ گئے اور لاشوں کو پوسٹمارٹم اور زخمی کو ابتدائی طبی امداد کے لیے اسپتال منتقل کردیا۔
پولیس کا کہنا تھا کہ واقعہ سابقہ دشمنی کا شاخسانہ ہے تاہم مقتولین کے لواحقین کی شکایت پر ملزمان کے خلاف مقدمہ درج کیا جائے گا۔
پولیس کے مطابق پھندو میں پیش آنے والے افسوس ناک واقعے میں ہزار خوانی کے سابق ناظم حمایت خان کے جوان سالہ فرزند اسامہ کو بھی قتل کردیا گیا اور پولیس نے بتایا کہ بڈھ بیر سے تعلق رکھنے والے مقتولین کی سابقہ دشمنی چلی آرہی تھی۔
خیال رہے کہ پشاور میں اسلحے کی بھرمار اور گلی گلی اسلحے کی نمائش کے باعث قتل کی بڑھتی وارداتوں پر سوشل میڈیا صارفین نے بھی سوالات اٹھا دیے ہیں جہاں 24 گھنٹوں کے دوران فقیر آباد، پھندو، شاہ پور سمیت شہر کے دیگر علاقوں میں 10 افراد کے قتل کےبعد شہر کی فضا سوگوار ہوگئی ہے۔
پشاور کے علاقے فقیر آباد میں اسکول ٹیچر کو قتل کیا گیا تھا اور فقیر آباد میں ہی ٹک ٹاکر خاتون کو فائرنگ کرکے قتل کیا گیا، اسی طرح شاہ پور میں لیڈی کانسٹیبل اور پھندو میں گاڑی پر فائرنگ کرکے 6 افراد کے قتل کا واقعہ پیش آیا۔
.ذریعہ: Express News
پڑھیں:
پشاور سی ٹی ڈی تھانے میں دھماکا، پاک افغان مذاکرات کے دوران دہشتگردی کا نیا واقعہ
افغانستان کے ساتھ حالیہ سیکیورٹی مذاکرات اور سرحدی رابطوں کے حساس مرحلے میں پشاور کے یونیورسٹی روڈ پر واقع کاؤنٹر ٹیررازم ڈیپارٹمنٹ (سی ٹی ڈی) کے تھانے میں دھماکا ہوا ہے۔
ابتدائی اطلاعات کے مطابق دھماکے سے عمارت کے ایک حصے کو نقصان پہنچا، تاہم فوری طور پر کسی جانی نقصان کی اطلاع نہیں ملی۔
پولیس کی کارروائی اور سیکیورٹی اقدامات
ایس ایس پی آپریشنز پشاور کے مطابق واقعے کے فوراً بعد علاقے کو گھیرے میں لے لیا گیا، بم ڈسپوزل اسکواڈ نے جائے وقوعہ کا معائنہ کیا، اور تھانے میں موجود تمام ملزمان کو حفاظتی اقدام کے طور پر سی ٹی ڈی ہیڈکوارٹرز منتقل کر دیا گیا۔
دہشتگردی کے تناظر میں واقعہ
یہ واقعہ ایسے وقت میں پیش آیا ہے جب پاکستان اور افغانستان کے درمیان دہشتگردی کے خاتمے اور سرحدی تعاون کے حوالے سے اعلیٰ سطح کے مذاکرات جاری ہیں۔
سیکیورٹی ماہرین کا کہنا ہے کہ ایسے حملے ممکنہ طور پر مذاکراتی عمل کو متاثر کرنے یا پاکستان میں عدم استحکام پیدا کرنے کی کوشش کا حصہ ہو سکتے ہیں۔
پولیس اور قانون نافذ کرنے والے اداروں نے دھماکے کی نوعیت جاننے کے لیے تحقیقات شروع کر دی ہیں، جبکہ ابتدائی شبہ داخلی تخریب کاری یا تخریبی مواد کے غیر ارادی دھماکے کی جانب کیا جا رہا ہے۔
مزید تفصیلات تفتیش مکمل ہونے کے بعد سامنے آئیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی حملوں سے "غزہ میں جنگبندی" کی خلاف ورزی نہیں ہوتی، ٹرمپ کا دعوی