زمین کے گرد گھومتا روس کا بے قابو سیٹلائیٹ
اشاعت کی تاریخ: 28th, April 2025 GMT
ایک رپورٹ میں خبردار کیا ہے کہ روس کے نیوکلیئر ہتھیار کے پروگرام کا ممکنہ حصہ ایک خفیہ سیٹلائیٹ زمین کے گرد قابو سے باہر گھوم رہا ہے۔
کوس موس 2553 نامی سیٹلائیٹ (جو روس نے 2022 میں یوکرین پر حملے سے تین ہفتے قبل خلا میں بھیجا تھا) مبینہ طور پر مدار میں مسائل کا سامنا کرنے کے بعد سے فعال نہیں ہے۔
ڈوپلر ریڈار اور اسپیس ٹریکنگ فرم لیو لیبز سے حاصل ہونے والے ڈیٹا سے معلوم ہوتا ہے کہ یہ مصنوعی سیارچہ گزشتہ نومبر کے وسط سے مدار میں ڈگمگا رہا ہے۔
تجزیہ کاروں کا خیال ہے کہ یہ سیٹلائیٹ ممکنہ طور پر مستقبل کے خلائی نیوکلیئر ہتھیاروں کے حوالے سے ایک تجربہ ہوسکتا ہے جبکہ روس کی وزارتِ دفاع کا کہنا ہے کہ کوس موس 2553 ایک ٹیکنالوجیکل اسپیس کرافٹ ہے جس پر شعاعوں اور ہیوی چارجڈ ذرات میں آزمائش کے لیے جدید آلات اور نظام نصب ہیں۔
واشنگٹن کے ایک تھنک ٹینک سینٹر فار اسٹریٹیجک اینڈ انٹرنیشنل اسٹڈیز (سی ایس آئی ایس) کی جاری کردہ تجزیاتی رپورٹ کے مطابق اس سیٹلائیٹ پر ممکنہ طور پر ایک ’ڈمی وار ہیڈ‘ نصب ہے۔
رپورٹ میں بتایا گیا کہ اگر سیٹلائیٹ نئی ٹیکنالوجیز کی آزمائش کر رہا ہے تو اس کو دور مدار میں تعین کیا جا سکتا ہے کیوں کہ ایسا کرنے سے یہ دیگر سیٹلائیٹ کو کم متاثر کرے گا
.ذریعہ: Express News
پڑھیں:
مون سون کا پانچواں اسپیل,گلگت بلتستان، آزاد کشمیر میں سیلاب کا الرٹ جاری
اسلام آباد:این ڈی ایم اے کے نیشنل ایمر جنسی آپریشن سینٹر نے گلگت بلتستان اور آزاد کشمیر میں ممکنہ بارشوں کے باعث سیلاب کا الرٹ جاری کر دیا۔گلگت بلتستان میں گلگت، اسکردو، ہنزہ اور شگر کے علاقوں 28 تا 31 جولائی کے دوران بارش متوقع ہے. اس دوران کشمیر میں مظفرآباد، وادی نیلم اور باغ میں بھی بارشوں کا امکان ہے۔بارشوں کے باعث سیلابی صورتحال پیدا ہونے جبکہ پہاڑی علاقوں میں شدید بارشوں کے پیش نظر لینڈ سلائیڈنگ کا خدشہ ہے۔وادی چترال، بونی اور ریشن کے علاقوں میں ممکنہ بارش اور گلیشرز کے پگھلنے کے باعث دریائے چترال کے بہاؤ میں اضافہ متوقع ہے۔ بارشوں کے پیش نظر مظفرآباد اور باغ کے شہری علاقوں میں سیلابی صورتحال متوقع ہے۔این ڈی ایم اے کی تمام متعلقہ اداروں کو ممکنہ صورتحال کے پیش نظر پیشگی اقدامات کی ہدایت جاری کر دی۔ تمام ادارے ہنگامی حالات سے نمٹنے کے لیے اہلکار، مشینری اور ریسکیو ٹیمیں تیار رکھیں۔مقامی انتظامیہ اور پی ڈی ایم ایز کو ہنگامی صورتحال سے نمٹنے اور بروقت اقدامات کی ہدایت جاری کر دی گئی۔
امریکا: امیگریشن چھاپے کے دوران کسان کی موت، کیلیفورنیا میں شدید ردعمل