جگر کی بیماری کی قبل ازا وقت تشخیص کیلئے خون کا نیا ٹیسٹ وضع
اشاعت کی تاریخ: 29th, April 2025 GMT
ایک نئی تحقیق میں بتایا گیا ہے کہ ڈاکٹر فیٹی لیور بیماری کی پیشگوئی علامات ظاہر ہونے سے 16 برس پہلے کر سکتے ہیں۔
محققین کی تازہ ترین رپورٹ کے مطابق وضع کیا گیا ایک نیا خون کا ٹیسٹ پانچ مخصوص پروٹینز کی تلاش کرتا ہے جو جگر کے بیماری سے تعلق رکھنے والے میٹابولک ڈسفنکشن کی پیشگوئی کر سکتے ہیں۔
رپورٹ میں بتایا گیا کہ پانچ پروٹین کا یہ ٹیسٹ جگر کی بیماری کی تشخیص پانچ برس قبل کرنے کے لیے 84 فی صد جبکہ 16 برس قبل تشخیص کرنے کے لیے 76 فی صد کارکردگی سامنے آئی۔
تحقیق کے سربراہ نے ایک نیوز ریلیز میں کہا کہ اکثر اوقات لوگوں کو یہ نہیں معلوم ہوتا کے ان کو جگر کے مرض کا خطرہ ہے۔
انہوں نے کہا کہ اس شعبے میں مؤثر بائیومارکر اور تشخیصی ماڈلز کی ضرورت ہے اور ہماری تحقیق بتاتی ہے پلازما پروٹین قبل از وقت تشخیص کے لیے نایاب صلاحیت رکھتا ہے۔
.ذریعہ: Express News
پڑھیں:
بھارت کیخلاف فیصلہ کن ٹیسٹ سے قبل انگلینڈ کو بڑا دھچکا
لندن:انگلینڈ کو بھارت کے خلاف پانچویں اور فیصلہ کن ٹیسٹ میچ سے قبل بڑا دھچکا لگ گیا۔
انگلش ٹیم کے کپتان بین اسٹوکس دائیں کندھے کی انجری کے باعث میچ سے باہر ہوگئے ہیں۔ دونوں ٹیموں کے درمیان پانچواں ٹیسٹ کل سے لندن کے دی اوول گراؤنڈ میں شروع ہوگا۔
انگلینڈ اینڈ ویلز کرکٹ بورڈ کی جانب سے جاری بیان کے مطابق نائب کپتان اولی پاپ اب پانچویں ٹیسٹ میں ٹیم کی قیادت کریں گے۔
سیریز میں انگلینڈ کو 2-1 کی برتری حاصل ہے اور اب یہ آخری ٹیسٹ سیریز کے فیصلے کا موقع ہوگا۔
Ben Stokes will miss out on the final Test of the series with a right shoulder injury ❌
And we've made four changes to our side ????
بین اسٹوکس اس سیریز میں (سب سے زیادہ) 17 وکٹیں لے چکے ہیں اور 304 رنز بھی بنا چکے ہیں، ٹیم کے اہم ترین کھلاڑیوں میں سے ایک رہے ہیں۔ ان کی غیر موجودگی میں انگلینڈ کو خاصی محنت درکار ہوگی۔
ٹیم میں 4 تبدیلیاں
پانچویں ٹیسٹ کے لیے انگلینڈ نے چار تبدیلیاں کی ہیں:
بین اسٹوکس، جوفرا آرچر، لیام ڈاسن اور برائیڈن کارس کو ٹیم سے ڈراپ کیا گیا ہے، انکی جگہ جیکب بیتھل، گس ایٹکنسن، جیمی اوورٹن اور جوش ٹنگ کو ٹیم میں شامل کیا گیا ہے۔
جیکب بیتھل نمبر 6 پر بیٹنگ کریں گے اور وہ ٹیم کے واحد اسپنر ہوں گے کیونکہ لیام ڈاسن کو باہر کر دیا گیا ہے، جیکب بیتھل آل راؤنڈر کی حیثیت سے کھیلیں گے۔
جوفرا آرچر نے سیریز کے دو میچوں میں 9 وکٹیں حاصل کی تھیں، جبکہ کارس نے چاروں ٹیسٹ میچز میں شرکت کی اور 9 وکٹوں کے ساتھ ساتھ 164 رنز بھی اسکور کیے، جن میں ایک نصف سنچری بھی شامل ہے۔
لیام ڈاسن نے آٹھ سال بعد مانچسٹر میں ٹیسٹ کرکٹ میں واپسی کی تھی لیکن وہ صرف ایک وکٹ لے سکے اور 26 رنز بنائے۔
جوش ٹنگ، جو آخری بار برمنگھم ٹیسٹ میں نظر آئے تھے، اب تک 11 وکٹیں لے چکے ہیں جن کا اوسط 33.63 رہا ہے۔
بھارت کے پاس سیریز برابر کرنے کا موقع
بھارت اولڈ ٹریفورڈ میں کھیلے گئے چوتھے ٹیسٹ کو ڈرا کر کے سیریز میں موجود ہے، اگرچہ وہ سیریز جیتنے سے محروم رہے گا، تاہم پانچواں میچ جیت کر سیریز 2-2 سے برابر کرنے کا موقع رکھتا ہے جو انگلش سرزمین پر عزت بچانے کا آخری موقع ہوگا کیونکہ بھارت نے آخری بار 2007 میں انگلینڈ میں سیریز جیتی تھی۔
زرعی ٹیوب ویل کنکشنز کی شمسی توانائی پرمنتقلی کے فیز4 پرکام شروع کردیا گیا