خیبر پختونخوا کے بیشتر اضلاع میں بارش کا امکان
اشاعت کی تاریخ: 2nd, May 2025 GMT
چترال، سوات، شانگلہ، دیر، مالاکنڈ، بونیر، کوہستان، مانسہرہ، بٹگرام، تورغر، ایبٹ آباد، ہری پور، مہمند، باجوڑ، مردان، صوابی، چارسدہ، پشاور، کوہاٹ، اورکزئی میں بارش متوقع ہے۔ اسلام ٹائمز. خیبر پختونخوا کے بیشتر اضلاع میں مطلع جزوی ابر آلود رہنے اور بارش کا امکان ہے۔ محکمہ موسمیات کے مطابق خیبر پختونخوا کے بالائی چند اضلاع میں کہیں تیز تو کہیں ہلکی بارش ہوسکتی ہے۔ چترال، سوات، شانگلہ، دیر، مالاکنڈ، بونیر، کوہستان، مانسہرہ، بٹگرام، تورغر، ایبٹ آباد، ہری پور، مہمند، باجوڑ، مردان، صوابی، چارسدہ، پشاور، کوہاٹ، اورکزئی میں بارش متوقع ہے۔ خیبر، کرم، ڈیرہ اسماعیل خان، بنوں، لکی مروت، ٹانک، شمالی اور جنوبی وزیرستان میں بھی تیز ہواؤں اور گرج چمک کے ساتھ بارش کا امکان ہے۔
محکمہ موسمیات کا کہنا ہے کہ میدانی علاقوں بالخصوص پشاور اور بنوں ڈویژن میں گرد آلود تیز ہوائیں چلنے کا امکان ہے۔ پشاور کا کم سے کم درجہ حرارت 23 جبکہ زیادہ سے زیادہ 39 ڈگری سینٹی گریڈ تک جانے کا امکان ہے۔ محکمہ موسمیات کے مطابق گزشتہ جو بیس گھنٹوں کے دوران کا کول میں 13 ملی میٹر بارش ریکارڈ ہوئی، میر کنی 5، پتن 2، بالا کوٹ اور چترال میں ایک ایک ملی میٹر بارش ریکارڈ ہوئی۔
ذریعہ: Islam Times
کلیدی لفظ: کا امکان ہے
پڑھیں:
کراچی میں گرمی کے ستائے شہریوں کیلیے اچھی خبر
کراچی:گرمی کے ستائے شہریوں کے لیے محکمہ موسمیات نے اچھی خبر سنادی۔
محکمہ موسمیات کے ارلی وارننگ سینٹر نے کراچی میں آئندہ 3 روز کے دوران معمول سے تیز ہوائیں چلنے کی پیش گوئی کی ہے جب کہ آج اور کل کراچی میں زیادہ سے زیادہ درجہ حرارت 34 سے 36 ڈگری سینٹی گریڈ کے درمیان رہنے کا امکان ہے۔
شام کے وقت ہوا میں نمی کا تناسب 50 سے 60 فیصد تک پہنچ سکتا ہے، جس کے سبب اصل درجہ حرارت سے زیادہ گرمی محسوس کی جا سکتی ہے۔
ماہرین نے خبردار کیا ہے کہ شہریوں کو شام کے اوقات میں شدید حبس کا سامنا ہو سکتا ہے۔
دریں اثنا سندھ کے بیشتر علاقوں میں جاری گرمی کی لہر کل سے کم ہونے کا امکان ہے کیوں کہ ملک کے بالائی علاقوں میں اس وقت مغربی سسٹم اثر انداز ہو رہا ہے۔ اسی سسٹم کے تحت ضلع جامشورو میں آج آندھی اور گرج چمک کے ساتھ ہلکی بارش کی پیش گوئی کی گئی ہے۔
محکمہ موسمیات کے مطابق 2 سے 5 مئی کے دوران دیہی سندھ کے مختلف اضلاع میں گرج چمک کے ساتھ بارش ہو سکتی ہے۔ متعلقہ اداروں اور شہریوں کو احتیاطی تدابیر اختیار کرنے کی ہدایت کی گئی ہے۔
پوری قوم سلامتی کمیٹی کے فیصلوں اور اقدامات کے ساتھ کھڑی ہے: صدر مملکت