پاکستان نے بھارت کی آئی ایم ایف پروگرام کو سیاست زدہ کرنے کی کوشش کو مسترد کردیا
اشاعت کی تاریخ: 2nd, May 2025 GMT
پاکستان نے بھارت کی جانب سے آئی ایم ایف پروگرام کو سیاست زدہ کرنے کی کوششں کو مسترد کر دیا۔
ذرائع کے مطابق پاکستان نے آئی ایم ایف پروگرام میں رکاوٹ کی بھارتی کوششوں کو مسترد کردیا۔ پاکستان پائیدار معاشی ترقی یقینی بنانے کے لیے آئی ایم ایف سے مل کر کام کرتا رہے گا۔
ذرائع کے مطابق پاکستان میکرو اکنامک استحکام کو برقرار رکھنے کےلیے پورے عزم سے کام کر رہا ہے۔
ذرائع کے مطابق آئی ایم ایف عالمی مالیاتی تعمیر میں اہم کردار ادا کرتا ہے، آئی ایم ایف کی غیر جانبداری کا تحفظ کیا جائے گا۔
پاکستان نے پہلگام حملے میں کسی بھی طرح کے کردار کی تردید کی ہے۔
ذرائع کے مطابق بھارت کا آئی ایم ایف پروگرام پر منفی بیانیہ سندھ طاس معاہدہ کی غیرقانونی معطلی جیسا ہے، بھارتی اقدامات اس کی بین الاقوامی قانون اور عالمی اداروں کو نظرانداز کرنے کا عکاس ہے۔
بھارتی اقدامات علاقائی امن اور استحکام کو برقرار رکھنے کے منافی ہیں، بھارت کا یہ رویہ خطے کے عدم استحکام کا باعث ہے۔ یہ رویہ کثیر جہتی کے اصولوں پر عمل میں بھارت کی ناکامی کو اجاگر کرتا ہے۔
واضح رہے کہ پاکستان اور بھارت کے درمیان بڑھتی کشیدگی کے تناظر میں بھارت نے انٹرنیشنل مانیٹری فنڈ (آئی ایم ایف) سے کہا تھا کہ وہ پاکستان کو قرض کی فراہمی پر نظر ثانی کرے۔
.
ذریعہ
ذریعہ: Jang News
کلیدی لفظ: آئی ایم ایف پروگرام ذرائع کے مطابق پاکستان نے
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی