بھارت کی پاکستان کیلئے نفرت یکطرفہ ہے: فیصل قریشی
اشاعت کی تاریخ: 4th, May 2025 GMT
معروف اداکار فیصل قریشی نے کہا ہے کہ ہندوستان کی طرف سے پاکستان کے لیے نفرت یکطرفہ ہے۔
پاکستان کے سینئر اداکار اور ہمہ جہت فنکار فیصل قریشی نے حال ہی میں ایک پوڈکاسٹ میں شرکت کی، جہاں انہوں نے ناصرف اپنی فنی زندگی پر روشنی ڈالی بلکہ پاک بھارت تعلقات، بھارتی فلموں کی ریلیز اور بھارت کی جانب سے نفرت انگیز رویے پر بھی کھل کر بات کی۔
فیصل قریشی نے اعتراف کیا کہ میں ایک محب وطن پاکستانی ہوں، مگر بطور فنکار اس بات کو تسلیم کرتا ہوں کہ بھارتی فلموں کی پاکستان میں ریلیز سے ناصرف کاروبار کو فروغ ملا بلکہ عوام میں سینما جانے کی عادت بھی پیدا ہوئی۔
ان کا کہنا ہے کہ ہماری فلم انڈسٹری کے لیے وہ ایک تجارتی سانس کی طرح تھی، کیونکہ عوام سینما کی طرف واپس آئے تھے۔
فیصل قریشی نے بھارت کی فلم انڈسٹری اور مودی حکومت پر شدید تنقید کرتے ہوئے کہا کہ وہ ہر فلم یا سیریز میں پاکستان مخالف مواد شامل کر رہے ہیں، چاہے کہانی کا اس سے کوئی تعلق بھی نہ ہو۔
انہوں نے کہا کہ ایک سیریز تو بن چکی تھی، مگر اس کی ریلیز سے پہلے اس میں پاکستان مخالف مکالمے اور سین شامل کیے گئے، یہ سب کیوں؟ اپنے عوام کے ذہنوں میں نفرت کیوں بھری جا رہی ہے؟
اداکار نے مزید انکشاف کیا کہ میرے بھارتی دوست بھی اس منفی مواد پر شرمندہ ہوتے ہیں، وہ کہتے ہیں کہ بھارت کے مؤرخین اور فلم ساز مسلم حکمرانوں کی تاریخ کو مسخ کر رہے ہیں اور جنگوں کے حقائق کو توڑ مروڑ کر پیش کر رہے ہیں، ایسا محسوس ہوتا ہے جیسے ایک سوچے سمجھے منصوبے کے تحت نئی نسل کو تاریخ سے دور اور نفرت سے قریب کیا جا رہا ہے۔
فیصل قریشی نے واضح کیا کہ میں ہمیشہ فن، محبت اور پُرامن تعلقات کا حامی رہا ہوں، نفرت کی سیاست سے کچھ نہیں ملے گا، فنکاروں کو جوڑنے کا ذریعہ بننا چاہیے، نہ کہ دوری کا۔
Post Views: 1.ذریعہ: Daily Mumtaz
کلیدی لفظ: فیصل قریشی نے
پڑھیں:
بھارت کے اسٹریٹجک مفروضوں کو ہمیشہ کیلئے زمین بوس کر دیا،ترجمان پاک فوج
کراچی: آئی ایس پی آرکے ڈائریکٹرجنرل لیفٹیننٹ جنرل احمد شریف نے کہا ہے کہ آپریشن بنیان مرصوص میں عوام بالخصوص طلبا و طالبات نے کلیدی کردار ادا کیا،بھارتی اسٹریٹجک مفروضوں کو ہمیشہ کے لئے زمین بوس کر دیا ہے۔
ڈی جی آئی ایس پی آر لیفٹیننٹ جنرل احمد شریف نے جناح یونیورسٹی برائے خواتین کراچی کا دورہ کیا، یونیورسٹی آمد پر انتظامیہ اور طالبات نے ان کا پُرجوش استقبال کیا۔
ڈی جی آئی ایس پی آر نے طالبات کو آپریشن بنیان مرصوص میں دشمن کیخلاف حکمت عملی اور قربانیوں سے آگاہ کیا،انہوں نے کہا کہ کوئی شک نہیں کہ کشمیر پاکستان کی شہ رگ ہے۔
بلوچستان کے عوام پاکستان کیساتھ مذہب ،ثقافت اور روایات کے رشتوں میں بندھےہیں،فتنہ الہندوستان کے مٹھی بھر دہشتگرد بلوچستان کیساتھ رشتوں کو نقصان نہیں پہنچا سکتے۔
اس موقع پر یونیورسٹی انتظامیہ اور طالبات کی جانب سے پاک فوج کو بھارت کیخلاف جنگ میں کامیابی پر خراج تحسین پیش کیا گیا، طالبات نے کہا ہم پاک افواج سے ہیں اور پاک افواج عوام سے ہیں۔
عوام اور افواج کا رشتہ ہمیشہ سے انتہائی مضبوط تھا، ہے اور ہمیشہ رہے گا،طالبات نے بھرپور جوش و جذبے اوراس طرح کے مزید سیشنز منعقد کرنے کی خواہش کااظہار کیا۔
بلاول بھٹو کا بھارتی مسافر طیارہ حادثے پر افسوس کا اظہار