امتحان میں ناکامی کا جشن، والدین کی بیٹے کے ساتھ مل کر کیک کاٹنے کی ویڈیو وائرل
اشاعت کی تاریخ: 5th, May 2025 GMT
بھارتی ریاست کرناٹکا میں ایک خاندان نے دسویں جماعت کے امتحان میں فیل ہونے پر اپنے بیٹے کی ناکامی کا جشن منایا جس کی ویڈیو سوشل میڈیا پر وائرل ہو گئی۔
کرناٹکا میں ایک خاندان نے اپنے بیٹے ابھیشیک کی دسویں جماعت کے بورڈ امتحانات میں ناکامی پر نہ صرف اُسے مایوس ہونے سے بچایا بلکہ کیک کاٹ کر اُس کا حوصلہ بڑھایا۔
لڑکے نے 625 میں سے 200 نمبر حاصل کیے جو کہ تقریباً 32 فیصد بنتے ہیں، اور کامیابی کے لیے درکار نمبروں سے کم تھے۔ تاہم، والدین نے اُسے ڈانٹنے یا شرمندہ کرنے کے بجائے ایک مثبت رویہ اختیار کیا۔
سوشل میڈیا پر وائرل ہونے والی ویڈیو میں خاندان کے افراد لڑکے کو کیک کھلاتے ہوئے نظر آتے ہیں، جس پر ’220/625‘ لکھا ہوا ہے۔
Karnataka: Parents celebrate their son after he fails in Class 10 exam by cutting a cake to boost his morale in Bagalkote.
— TIMES NOW (@TimesNow) May 5, 2025
والدین جو ویڈیو میں مسکراتے اور حوصلہ دیتے دکھائی دے رہے ہیں، بیٹے کی پیٹھ تھپتھپا کر کہتے ہیں ’پریشان نہ ہو کہ تم فیل ہو گئے۔ اچھا ہے کہ تم نے امتحان دیا۔ اب تم زیادہ محنت کرو‘۔
میڈیا سے بات کرتے ہوئے ابھیشیک کے والد نے کہا کہ جب ابھیشیک ایک سال کا تھا تو اس کے پیروں پر جلنے کی وجہ سے شدید زخم آئے تھے۔ اس صدمے کی وجہ سے وہ اپنی یادداشت کھو بیٹھا۔ تب سے اس کی یادداشت بہت کمزور ہو گئی ہے۔ یہ کسی کارنامے سے کم نہیں کہ وہ دسویں جماعت تک تعلیم حاصل کر سکا۔
ان کا مزید کہنا تھا کہ میرا بیٹا امتحان میں ناکام ہوا ہے، لیکن زندگی میں نہیں۔ میں بہت خوش ہوں کہ اُس نے 200 نمبر حاصل کیے۔ میں اُسے یہ پیغام دینا چاہتا تھا کہ سارا خاندان اس کے ساتھ ہے۔
یہ بھی پڑھیں: بیل اسکوٹی ڈرائیور بن گیا، تیز ترین سفر کی وائرل ویڈیو پر سب حیران
انہوں نے بتایا کہ میں نے جشن منانے کا فیصلہ کیا اور 2 کیک خریدے جن پر اُس کے نمبر لکھے تھے اور ہم خوش ہیں۔ میں نے بہت سے گریجویٹس کو دیکھا ہے جو بے روزگار ہیں یا کوئی کام نہیں کر رہے۔ لیکن میرا بیٹا مضبوط ہے اور مقابلہ کرنے کے لیے تیار ہے، اور یہی سب سے بڑی بات ہے۔
اس حوالے سے بات کرتے ہوئے ابھیشیک نے کہا ’میں خوش ہوں کہ میرے خاندان نے مجھے زبردست سہارا دیا۔ میں دوبارہ امتحان دوں گا۔ اگر دوبارہ بھی ناکام ہو جاؤں، تب بھی میں رُکوں گا نہیں، جب تک کہ زندگی میں کچھ حاصل نہ کر لوں‘۔
سوشل میڈیا پر بہت سے صارفین نے والدین کے اس رویے کو عمدہ مثال قرار دیا ہے، خاص طور پر ایسے وقت میں جب تعلیمی دباؤ اور امتحانی تناؤ طلبہ کی ذہنی صحت پر منفی اثر ڈال رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا کرناٹکا دسویں جماعت رزلٹ ویڈیو وائرلذریعہ: WE News
کلیدی لفظ: دسویں جماعت رزلٹ ویڈیو وائرل دسویں جماعت
پڑھیں:
اسرائیلی وزیر کی ہاتھ بندھے، اوندھے منہ لیٹے فلسطینی قیدیوں کو قتل کی دھمکی؛ ویڈیو وائرل
اسرائیل کے دائیں بازو کے سخت گیر وزیر بن گویر کا ایک ویڈیو پیغام وائرل ہو رہا ہے جس میں انسانی حقوق کی دھجیاں بکھیر دی گئی ہیں اور صیہونی ریاست کا مکروہ چہرہ بے نقاب ہوگیا۔
عالمی خبر رساں ادارے کے مطابق اسرائیل کے دائیں بازو سے تعلق رکھنے والے قومی سلامتی کے وزیر ایتامار بن گویر نے یہ ویڈیو خود اپنے سوشل میڈیا اکاؤنٹ پر جاری کی ہے۔
ویڈیو میں اسرائیلی وزیر اُن فلسطینی قیدیوں کے سامنے کھڑے ہیں جن کے ہاتھ پشت پر بندھے ہوئے ہیں اور انھیں اوندھا فرش پر لٹایا ہوا ہے۔
اسرائیلی وزیر نے اس مقام پر کھڑے ہوکر ان فلسطینی قیدیوں کو سزائے موت دینے کا مطالبہ کرتے ہوئے کہا کہ یہ لوگ ہمارے بچوں اور خواتین کو مارنے آئے تھے۔
Once again, Israel’s far-right National Security Minister Ben Gvir speaks about the Palestinian abductees and openly incites against them while they stand bound before him, saying: “Do you see them? This is how they are now — but one thing remains to be done, and that is to… pic.twitter.com/k9ylK5Fkvk
— غزة 24 | التغطية مستمرة (@Gaza24Live) October 31, 2025انھوں نے اپنے مخصوص نفرت آمیز لہجے میں مزید کہا کہ اب دیکھیں ان کا حال کیا ہے۔ اب ایک ہی چیز باقی ہے اور وہ ہے ان لوگوں کے لیے فوری طور پر سزائے موت۔
اسرائیلی وزیر بن گویر اپنی اشتعال انگیز بیانات کے لیے مشہور ہیں، انھوں نے انتباہ دیا ہے کہ اگر ان کی سزائے موت سے متعلق تجویز پارلیمنٹ میں پیش نہ کی گئی تو وہ وزیرِاعظم بنیامین نیتن یاہو کی حکومت کی حمایت ختم کر دیں گے۔
انھوں نے ویڈیو کے ساتھ ایک تفصیلی پیغام بھی جاری کیا جس میں کہا گیا کہ اسرائیل کی جانب سے حماس کے رہنماؤں کو ہلاک کرنے کے بعد تنظیم نے یرغمال بنائے گئے اسرائیلیوں کو تشدد کا نشانہ بنایا۔
اسرائیلی وزیر بن گویر نے فلسطینی قیدیوں پر سخت پابندیوں اور جیلوں میں خوف کی فضا پیدا کرنے کو اپنی کامیابی قرار دیتے ہوئے کہا کہ میں جیلوں میں انقلاب پر فخر کرتا ہوں۔ اب وہ تفریحی کیمپ نہیں بلکہ خوف کی جگہیں بن چکی ہیں۔ وہاں قیدیوں کے چہروں سے مسکراہٹیں مٹا دی گئی ہیں۔
بن گویر جو قومی سلامتی کے وزیر ہیں، نے یہ دعویٰ بھی کیا کہ ان کی پالیسیوں کے نتیجے میں دہشت گرد حملوں میں نمایاں کمی آئی ہے۔ جو بھی میرے جیل سے گزرا ہے وہ دوبارہ وہاں جانا نہیں چاہتا۔
حالیہ ہفتوں میں بن گویر نے سزائے موت کے قانون پر زور دیتے ہوئے کہا کہ جب تک دہشت گرد زندہ رہیں گے، باہر کے شدت پسند مزید اسرائیلیوں کو اغوا کرنے کی ترغیب پاتے رہیں گے۔
انھوں نے فلسطینیوں کو مخاطب کرتے ہوئے کہا تھا کہ اگر وہ کسی یہودی کو قتل کریں گے تو زندہ نہیں رہیں گے۔
یاد رہے کہ بن گویر ان چند وزیروں میں شامل تھے جنہوں نے غزہ میں جنگ بندی کے پہلے مرحلے کے معاہدے کے خلاف ووٹ دیا تھا۔
ان کی جماعت ’’اوتزما یہودیت‘‘ نے ماضی میں بھی قیدیوں کی رہائی کے معاہدے پر حکومت سے علیحدگی اختیار کر لی تھی۔
دوسری جانب اسرائیلی وزیرِ انصاف یاریو لیوین کا بھی کہنا ہے کہ وہ ایک خصوصی عدالت قائم کرنے کے لیے قانون سازی کر رہے ہیں۔
ان کے بقول یہ عدالتیں 7 اکتوبر 2023 کے حملوں میں ملوث غزہ کے جنگجوؤں پر مقدمہ چلائے گی اور مجرم ثابت ہونے والوں کو سزائے موت سنائی جا سکے گی۔
راجیہ سبھا انتخابات میں نیشنل کانفرنس اور بی جے پی کا فکس میچ تھا، ڈاکٹر سندیپ ماوا