بھارت کی اشتعال انگیزی خطے کے امن کیلئے خطرہ ہے، علامہ سبطین سبزواری
اشاعت کی تاریخ: 7th, May 2025 GMT
ایس یو سی پاکستان کے مرکزی نائب صدر کا کہنا ہے کہ جنگ مسلط کی گئی تو بھرپور جواب دیں گے، بھارتی جھوٹے پروپیگنڈے کو ہر فورم پر بے نقاب کریں گے، پاکستان ایک پُرامن ملک ہے، مگر دفاع کا حق محفوظ رکھتا ہے۔ اسلام ٹائمز۔ شیعہ علماء کونسل پاکستان کے نائب صدر علامہ سید سبطین حیدر سبزواری نے بھارت کی جانب سے بزدلانہ کارروائی پر اپنے ردعمل میں کہا ہے کہ دشمن نے رات کی تاریکی میں حملہ کر کے اپنی بزدلی کا ثبوت دیا، حملوں میں معصوم اور نہتے شہریوں کو شہید کیا گیا۔ علامہ سبطین حیدر سبزواری کا کہنا تھاکہ شہداء کی قربانیاں رائیگاں نہیں جائیں گی، پاک فوج کی بروقت کارروائیوں سے دشمن کو بھاری نقصان کا سامنا کرنا پڑا۔
ایس یو سی کے نائب صدر کا کہنا ہے کہ ہماری مسلح افواج ہر جارحیت کا منہ توڑ جواب دینے کی صلاحیت رکھتی ہیں، بھارت کی اشتعال انگیزی خطے کے امن کیلئے خطرہ ہے،عالمی برادری بھارتی دراندازی کا نوٹس لے۔ انہوں نے کہا کہ دشمن کی ہر چال کو ناکام بنانے کا عزم دہراتے ہیں، پوری قوم اپنی افواج کیساتھ سیسہ پلائی دیوار کی طرح کھڑی ہے۔ علامہ سبطین سبزواری نے کہا کہ جنگ مسلط کی گئی تو بھرپور جواب دیں گے، بھارتی جھوٹے پروپیگنڈے کو ہر فورم پر بے نقاب کریں گے، پاکستان ایک پُرامن ملک ہے، مگر دفاع کا حق محفوظ رکھتا ہے۔
ذریعہ: Islam Times
پڑھیں:
علامہ راجہ ناصر عباس جعفری کی قیادت میں زائرین کے قافلے ریمدان بارڈر کیلئے روانہ ہونگے، ایم ڈبلیو ایم
کانفرنس سے خطاب میں علامہ احمد اقبال رضوی نے کہا کہ وفاقی حکومت کی جانب سے اربعین پر جانے والے زائرین کے زمینی رستوں پر پابندی مذہبی و انسانی حقوق کی خلاف ورزی ہے، بلوچستان اربعین حسینؑ کے لئے عراق روانگی سے قبل دفعہ 144 کا نفاز سازش ہے، زیارات پر جانا ہمارا آئینی و قانونی حق ہے عوام کی جان و مال کا تحفظ ریاست کی ذمہ داری ہے۔ اسلام ٹائمز۔ وفاقی حکومت زائرین سے پابندی ہٹانے کے موقف کا کوئی مثبت جواب نہیں دے رہی، پابندی لگانے سے پہلے اور بعد میں اسٹیک ہولڈرز کو اعتماد میں نہیں لیا گیا، زمینی راستے سے زیارت پر جانے کیلئے کسی رکاوٹ کو برداشت نہیں کریں گے، جن زائرین کے ایرانی ویزے لگ چکے ہیں اپنے سفری سامان سمیت تیار رکھیں، 6 اگست کو زائرین کے ہمراہ کراچی سے ریمدان بارڈر مارچ کیا جائے گا۔ ان خیالات کا اظہار وائس چیئرمین مجلس وحدت مسلمین علامہ احمد اقبال رضوی نے کراچی میں مسجد امام بارگاہ شہدائے کربلا انچولی میں منعقدہ زائرین امام حسینؑ کانفرنس کے صدارتی خطاب میں کیا۔ کانفرنس چیئرمین علامہ راجہ ناصر عباس جعفری کے کراچی سے ریمدان بارڈر مارچ کے اعلان کے حوالے سے منعقد کی گئی انہوں نے کہا کہ پوری دنیا میں عالمی اربعین چہلم امام حسینؑ 20 صفر، 15 اگست کے دن ہوگا، عالمی اربعین پر پاکستان سے بھی لاکھوں عزاداران زمینی و ہوائی رستوں سے شرکت کریں گے، وفاقی حکومت کی جانب سے اربعین پر جانے والے زائرین کے زمینی رستوں پر پابندی مذہبی و انسانی حقوق کی خلاف ورزی ہے، بلوچستان اربعین حسینؑ کے لئے عراق روانگی سے قبل دفعہ 144 کا نفاز سازش ہے، زیارات پر جانا ہمارا آئینی و قانونی حق ہے عوام کی جان و مال کا تحفظ ریاست کی ذمہ داری ہے۔
کانفرنس کے آخر میں مشترکہ اعلامیہ جاری کیا گیا جس میں علامہ احمد اقبال رضوی سمیت دیگر رہنماؤں نے علامہ راجہ ناصر عباس جعفری کے اعلان کے مطابق تمام زائرین قافلے زیارت اربعین کے لیے 06 اگست کو دوپہر 3 بجے کراچی شاہراہ پاکستان سے ریمدان بارڈر کے لیے نکلیں گے جس کی قیادت سربراہ مجلس وحدت مسلمین علامہ راجہ ناصر عباس جعفری کریں گے، کاروان میں ہزاروں کی تعداد میں عزاداران زائرین کو الوداع کے لیے قافلوں کی صورت ساتھ چلیں گے۔ کانفرنس میں زیارات ٹریول و ٹور آپریٹرز، قافلہ سالار، پلگرم ایسوسی ایشن کے رہنما، ہیئت آئمہ مساجد کے رہنما مولانا صادق تقوی، مولانا حیدر عباس، مولانا نعیم الحسن، مجلس ذاکرین امامیہ کے علامہ سبط حیدر، آئی او کے رہنما شمس الحسن، آئی ایس او کے رہنما غیور عباس، مرکزی تنظیم عزاداری کے سربراہ ایس ایم نقی، مرکزی تنطیم عزاء کے صدر غفران مجتبیٰ، اسکاؤٹس رابطہ کونسل کے محمد رضا، بوتراب اسکاؤٹس کے محمد مہدی، صوبائی صدر علامہ باقر عباس زیدی، علامہ مختار امامی، علامہ صادق جعفری، مولانا حیات عباس، مولانا نشان حیدر، علامہ مبشر حسن، رضی حیدر، زین رضوی سمیت مختلف شیعہ تنظیموں کے رہنماؤں نے شرکت کی۔
پہلے فلسطین، پھر اسرائیل سے بات، عالمی کانفرنس میں سعودی عرب نے اپنا فیصلہ سنا دیا