ہماری سرزمین پر دشمن کا سایہ بھی برداشت نہیں کرینگے، شیخ اعجاز بہشتی
اشاعت کی تاریخ: 8th, May 2025 GMT
صدر انجمن امامیہ کچورا نے ایک بیان میں کہا کہ دشمن بھارت نے ایک بار پھر اپنی فطری بزدلی اور دہشتگرد سوچ کا مظاہرہ کرتے ہوئے مادرِ وطن کی حرمت پر حملہ کیا ہے۔ یہ ناپاک جسارت بھارت کی تباہی کی بنیاد بنے گی۔ اسلام ٹائمز۔ صدر انجمن امامیہ کچورا سکردو شیخ اعجاز حسین بہشتی نے کہا ہے کہ پاکستان پر بھارتی بزدلانہ حملے کی شدید ترین الفاظ میں مذمت کرتے ہیں۔ دشمن بھارت نے ایک بار پھر اپنی فطری بزدلی اور دہشتگرد سوچ کا مظاہرہ کرتے ہوئے مادرِ وطن کی حرمت پر حملہ کیا ہے۔ یہ ناپاک جسارت بھارت کی تباہی کی بنیاد بنے گی۔ دشمن یہ سمجھ لے کہ پاکستانی قوم ایک زندہ اور غیرت مند قوم ہے جو اپنی سرزمین کے دفاع کے لیے اپنی جانیں ہتھیلی پر رکھ کر نکلتی ہے۔ خصوصی طور پر گلگت بلتستان کے غیور عوام یہ اعلان کرتے ہیں کہ ہم افواجِ پاکستان کے شانہ بشانہ اپنے مادرِ وطن، اپنے چپے چپے کی حفاظت کے لیے ہر وقت تیار ہیں۔ ہمارے آبا و اجداد نے جس سرزمین کی حفاظت کے لیے قربانیاں دیں، ہم اس پر کسی دشمن کا سایہ بھی برداشت نہیں کریں گے۔ دشمن کی ہر جارحیت کا منہ توڑ اور فیصلہ کن جواب دیا جائے گا۔ انہوں نے کہا کہ پاکستان کی شہید پرور قوم دشمن کے عزائم کو خاک میں ملا کر ثابت کرے گی کہ پاکستان کی طرف میلی آنکھ اٹھانے والے کا انجام عبرتناک ہوتا ہے۔ فاشسٹ مودی اور اس کی دہشتگرد فوج کو وہ سبق سکھایا جائے گا جسے تاریخ ہمیشہ یاد رکھے گی۔ پاکستان کا بچہ بچہ، بزرگ، جوان اور سپاہی آج ایک صف میں ہیں اور دشمن کی ہر سازش کا ڈٹ کر مقابلہ کریں گے۔
.ذریعہ: Islam Times
کلیدی لفظ: کہ پاکستان
پڑھیں:
لیجنڈز لیگ: پاکستان چیمپئنز کے مالک نے پی سی بی کی پابندی کو رد کردیا
کراچی:ورلڈ چیمپئن شپ آف لیجنڈز میں پاکستان چیمپئنز کے مالک نے پی سی بی کی پابندی کو رد کردیا۔
کامل خان سابق پاکستانی کپتان وقار یونس کے برادر نسبتی اور آسٹریلوی شہری ہیں، حال ہی میں پاکستان کرکٹ بورڈ کی جانب سے انگلینڈ میں کھیلی گئی ورلڈ چیمپئن شپ آف لیجنڈز میں پاکستانی کھلاڑیوں کی شرکت پر مکمل پابندی عائد کی گئی ہے۔
اس پر تبصرہ کرتے ہوئے پاکستان چیمپئنز کے مالک کامل خان نے کہا کہ میں نے رپورٹس دیکھیں کہ ہماری ٹیم کو سپورٹ نہیں کیا جائے گا، یہ بات کہاں سے آئی، اگر ایسا پی سی بی نے کہا تو معلوم نہیں کہ وجہ کیا بنی، یہ ہماری ٹیم ہے اور میں اس کا مالک ہوں، یہ پی سی بی کی ٹیم نہیں ہے۔
کامل خان نے کہا کہ کوئی بھی ہمیں اپنے ملک کا نام استعمال کرنے سے نہیں روک سکتا، ورلڈ چیمپئن شپ آف لیجنڈز میں پاکستانی پلیئرز کی شمولیت پی سی بی کی اجازت سے ہوئی، ہمیں اس حوالے سے بورڈ کی مکمل حمایت حاصل تھی۔
انہوں نے بتایا کہ ایونٹ سے پہلے ہی این او سی بھی حاصل کیے گئے تھے، ہماری چیئرمین محسن نقوی سے مثبت میٹنگ ہوئی تھیں، ہم نے ٹیم کا نام ملک کی نمائندگی کیلیے منتخب کیا، ہم نے پی سی بی کا لوگو یا اس کی کسی بھی قسم کی برانڈنگ استعمال نہیں کی، صرف ان کے پلیئرز کی خدمات حاصل کیں اور وہ بھی اس وقت جب ہمیں اس کی آفیشل کلیئرنس ملی۔
سپریم کورٹ نے طلاق یافتہ بیٹی کو پنشن دینے سےمتعلق فیصلہ جاری کر دیا