بھارت جارح اور پاکستان متاثرہ ملک، ہم دفاع کا حق رکھتے ہیں، بلاول بھٹو زرداری
اشاعت کی تاریخ: 7th, May 2025 GMT
چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ بھارت جارح اور پاکستان متاثرہ ملک، ہم دفاع کا حق رکھتے ہیں۔
عرب میڈیا کو دیے گئے انٹرویو میں بلاول بھٹو زرداری نے کہا کہ اقوام متحدہ چارٹر کے تحت پاکستان کو اپنے دفاع کا پورا حق حاصل ہے۔
انہوں نے کہا کہ پاکستان فوج نے بہادری اور جراتمندی سے 5 بھارتی طیاروں کو مار گرایا، ہم پر حملہ کیا گیا ہے اور ہم دفاع کا حق رکھتے ہیں۔
پی پی پی چیئرمین نے مزید کہا کہ پاکستان جنگ نہیں چاہتا، جھگڑا نہیں چاہتا، بھارت جارح ہے اور پاکستان متاثرہ ملک ہے۔
اُن کا کہنا تھا کہ بھارت پاکستانی شہریوں کے قتل عام کو چھپانے کے لیے دہشت گرد کیمپوں کا جھوٹ بول رہا ہے۔
بلاول بھٹو زرداری نے سوال اٹھایا کہ اگر پاکستان میں دہشت گرد کیمپ ہیں تو بھارت نے تحقیقات کی ہماری حکومت کی پیشکش کو کیوں ٹھکرا دیا؟
انہوں نے کہا کہ بتایا جائے بھارت نے پہلگام حملے کی بین الاقوامی تحقیقات کے پاکستانی مطالبے کو کیوں رد کیا؟
پی پی چیئرمین نے کہا کہ بھارت نے بین الاقوامی صحافیوں کے ان مقامات کے دورے کا انتظار کیوں نہیں کیا، جہاں حملے کیے۔
اُن کا کہنا تھا کہ بھارت نے شہری آبادی، شہری تنصیبات اور ڈیموں کو نشانہ بنایا، بھارت نے تو پہلے ہی سندھ طاس معاہدے معطل کرکے پانی روک کر جارحانہ اقدامات کیے۔
بلاول بھٹو زرداری نے کہا کہ پہلگام حملہ بھارت کے زیر قبضہ کشمیری علاقے میں ہوا، تحقیقات کی پیشکش کے باوجود بھارت نے حملے میں ملوث افراد کے نام شیئر نہیں کیے۔
.ذریعہ: Jang News
کلیدی لفظ: بلاول بھٹو زرداری نے نے کہا کہ کہ بھارت بھارت نے دفاع کا
پڑھیں:
کراچی کو روزانہ 100 ملین گیلن زیادہ پانی دینے کے قابل ہوگئے ہیں، بلاول بھٹو
بلاول بھٹو زرداری : فوٹو اسکرین گریبپاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ کراچی کو روزانہ 100 ملین گیلن زیادہ پانی دینے کے قابل ہوگئے ہیں، وزیر اعلیٰ سندھ، میئر کراچی کی محنت سے کراچی کو زیادہ پانی دے سکیں گے۔
نیو حب کینال کے افتتاح کے موقع پر منعقدہ تقریب سے خطاب کرتے ہوئے بلاول بھٹو زرداری نے کہا کہ کراچی میٹروپولیٹن کارپوریشن (کے ایم سی) کے ساتھ پانی کے منصوبہ کا افتتاح کر رہے ہیں، جلد ہی لیاری کو زیادہ پانی دینے کے قابل ہوجائیں گے، صوبائی حکومت اور بلدیاتی نظام مل کر کام کر رہا ہے۔
بلاول بھٹو نے کہا کہ بھارت یک طرفہ طور پر سندھ طاس معاہدہ معطل نہیں کرسکتا، سندھو دریا پر حملے کے خلاف دنیا بھر میں آواز اٹھائی، مودی کے پانی روکنے کی دھمکی کو پوری دنیا میں اٹھایا ہے، مودی کے جھوٹ کو پوری دنیا میں میں بے نقاب کردیا۔
بلاول بھٹو نے کہا کہ کراچی کیلئے شہباز اسپیڈ کے بجائے شہباز سلو ملا ہے، ایسا نہیں ہوسکتا پنجاب کیلئے شہباز اسپیڈ اور کراچی کیلئے شہباز سلو ملے، کراچی اور حیدرآباد میں تاریخی ترقیاتی کام ہو رہے ہیں، جو ترقی کراچی اور حیدرآباد میں ہورہی ہے وہ سب کے سامنے ہے۔
پی پی پی چیئرمین نے کہا کہ بھارت کو سفارتی سطح پر عبرتناک شکست ہوئی، بھارت شکست کھانے کے بعد بزدلانہ حرکت پر اتر آیا ہے، بھارت نے نیتن یاہو کو نقل کرتے ہوئے پاکستانی عوام کےخلاف سازش کی، بھارت سندھ طاس معاہدے کو توڑنا چاہتا ہے، مودی کو پیغام ہے کراچی والے سندھو کا دفاع کرنا جانتے ہیں، بھارت کو مجبور کریں گے انھیں سندھ طاس معاہدہ ماننا پڑے گا، سندھ طاس معاہدہ بھارت نے نہیں مانا تو کراچی والے 6 کے 6 دریاچھین لیں گے۔
بلاول بھٹو زرداری نے مزید کہا کہ بھارت اب مجید بریگیڈ اور کالعدم بی ایل اے کی دہشتگردی کو سپورٹ کر رہا ہے۔
ایشیا ہاکی کپ میں پاکستان کی جگہ بنگلا دیش کو شامل کرلیا گیا