جماعت اسلامی کا بھارتی جارحیت کیخلاف ملک بھر میں ریلیاں نکالنے کا اعلان
اشاعت کی تاریخ: 7th, May 2025 GMT
جماعت اسلامی نے بھارت کے بزدلانہ حملوں کیخلاف 9 مئی کو ملک گیر یوم عزم منانے کا اعلان کر دیا۔
تفصیلات کے مطابق امیرجماعت اسلامی حافظ نعیم الرحمان کی زیرصدارت مرکزی قیادت کے ہنگامی اجلاس میں فیصلہ کیا گیا کہ جمعہ کے روز ملک بھر میں بھارتی جارحیت کےخلاف احتجاجی ریلیاں نکالی جائیں گی۔
11 مئی کو لاہور میں تاریخی ’’پاکستان زندہ باد‘‘ریلی نکالی جائے گی۔امیر جماعت اسلامی نے کہا کہ رات بھارت نے اپنے ہندوتوا کے نظریے کو فروغ دینے اور اپنی عوام کو بیوقوف بنانے کے لیے بزدلانہ کاروائی کرتے ہوئے مساجد اور سویلین آبادی کو نشانہ بنایا، لیکن اسے اپنے شیطانی عزائم میں منہ کی کھانا پڑی ہے۔
ان کا کہنا تھا کہ پاک فوج نے بزدلانہ بھارتی حملے کا ذمہ دارانہ اور منہ توڑ جواب دیتے ہوئے فوجی اہداف اور بھارتی طیاروں کو نشانہ بنا کر بھارت کا گھمنڈ خاک میں ملا دیا ہے یہ جواب پوری قوم کی امنگوں کا ترجمان ہے۔حافظ نعیم الرحمان کا مزید کہنا تھا کہ ہم حکومت پاکستان اور مسلح افواج کو یقین دلاتے ہیں کہ ہم سب قومی یکجہتی اور دشمن کا مقابلہ کرنے کے لیے متحد ہیں، پوری قوم مل کر لڑے گی تو ہمیں کوئی بیرونی طاقت نقصان نہیں پہنچا سکتی۔
.ذریعہ: Daily Ausaf
پڑھیں:
جماعت اسلامی یوتھ ڈیجیٹل سمٹ کل اسلام آبادمیں ہوگی
data-id="863a0a8" data-element_type="widget" data-widget_type="theme-post-content.default">
لاہور (نمائندہ جسارت) جماعت اسلامی پاکستان کے تحت کل22جون کو جناح کنونشن سینٹر اسلام آبادمیں یوتھ ڈیجیٹل سمٹ منعقد ہوگی۔ یوتھ ڈیجیٹل سمٹ میں امیر جماعت اسلامی پاکستان حافظ نعیم الرحمن نوجوانوں کے لیے لائحہ عمل کا اعلان کریں گے، سمٹ کے لیے 12ہزارسے زاید نوجوان مرد وخواتین نے رجسٹریشن کرائی ہے، نوجوان سمٹ میں لازمی شرکت کریں۔ ان خیالات کا اظہار جماعت اسلامی پاکستان کے سیکرٹری اطلاعات شکیل احمد ترابی اور ہیڈ میڈیا سیل سلمان شیخ نے دفتر جماعت اسلامی میں پریس کانفرنس کرتے ہوئے کیا۔جماعت اسلامی پاکستان کے سیکرٹری اطلاعات شکیل احمد ترابی نے کہاکہ کل 22 جون 2025ء بروز اتوار کو کنونشن سینٹر میں صبح 10 بجے سے رات 10 بجے تک یوتھ ڈیجیٹل سمٹ ہوگا۔ یوتھ ڈیجیٹل سمٹ کی تفصیلات بتاتے ہوئے ہیڈ میڈیا سیل سلمان شیخ نے کہاکہ یہ پاکستان کی تاریخ کا پہلا ڈیجیٹل سمٹ ہے جو اس قدر بڑے پیمانے پر ہورہاہے، سمٹ کے لیے ہزاروں نوجوان مرد وخواتین نے رجسٹریشن کرائی ہے۔ اس یوتھ ڈیجیٹل سمٹ کا بنیادی مقصد پاکستان کے بیانیے کو آگے بڑھانا ہے۔ نوجوانوں کو مایوس کیا جارہاہے، نوجوانوں کو ان راہوں پر ڈالنے کی کو شش کی جارہی ہے جو پاکستان کے لیے ٹھیک نہیں ہے۔ اس سمٹ میں ہم نوجوانوں کے ذمے دارانہ سوشل میڈیا کے استعمال پر بات کریں گے۔ اداروں کی مخالفت کی وجہ سے ایسا بیانیہ بنایا جارہا ہے جو ریاست کے خلاف ہے۔ سیاسی مخالفت کو ریاست کی مخالفت میں تبدیل کیا جارہاہے ان سب مسائل پر سمٹ میں بات ہوگی۔ ہم نوجوانوں کو بلاکر ان کو بااختیار بنانے کی بات کریں گے۔ ڈیجیٹل یوتھ سمٹ میں مختلف سیشن ہوں گے۔ یوتھ شارک ٹینک بھی اس سمٹ کا حصہ ہوگا جس میں نوجوانوں کے آئیڈیاز کو اسپانسر کیا جائے گا۔ ایک سیشن فلسطین کے لیے ہوگا۔ ہم نے سمٹ کے لیے انفلوانسر سے براہ راست رابطہ کیا اور انہوں نے سمٹ میں آنے کی حامی بھری ہے۔ امیر جماعت اسلامی پاکستان حافظ نعیم الرحمن سمٹ میں نوجوانوں کے لیے لائحہ عمل کا اعلان کریں گے۔ الخدمت فاونڈیشن بھی اپنے ڈیسک سمٹ میں بنائے گی۔ ڈیجیٹل پلیٹ فارم بھی وہاں موجود ہوں گے، نوجوان سمٹ میں ضرور شرکت کریں۔ کوشش ہوگی کہ ڈیجیٹل یوتھ سمٹ ہر سال ہو، سمٹ میں 50فیصد سے زیادہ خواتین نے رجسٹریشن کرائی ہے۔
برائلر گوشت کی قیمت میں 22روپے کلو اضافہ