روہت شرما کا ٹیسٹ کرکٹ سے ریٹائرمنٹ کا اعلان
اشاعت کی تاریخ: 8th, May 2025 GMT
بھارتی کرکٹ ٹیم کے کپتان روہت شرما نے ٹی 20 کے بعد اب ٹیسٹ کرکٹ سے بھی ریٹائرمنٹ لے لی۔
فوٹوز اینڈ ویڈیوز شیئرنگ پلیٹ فارم انسٹاگرام پر انسٹا اسٹوری شیئر کرتے ہوئے بھارتی کپتان نے ٹیسٹ کرکٹ سے اپنی ریٹائرمنٹ کا اعلان کیا ہے۔
انہوں نے لکھا، “ہیلو، میں یہ بتانا چاہتا ہوں کہ میں ٹیسٹ کرکٹ سے ریٹائر ہو رہا ہوں۔ سفید جرسی میں اپنے ملک کی نمائندگی کرنا میرے لیے اعزاز کی بات ہے۔
کھلاڑی نے مزید لکھا کہ گزشتہ برسوں میں ملنے والی محبت اور حمایت پر آپ کا مشکور ہوں، میں ون ڈے فارمیٹ میں بھارت کی نمائندگی کرتا رہوں گا۔
واضح رہے کہ روہت شرما کی جانب سے ریٹائرمنٹ کا اعلان آسٹریلیا کے خلاف 5 ٹیسٹ میچوں کی مایوس کن سیریز کے بعد سامنے آیا ہے۔
انہوں نے اس سیریز کے دوران 3 ٹیسٹ میچز میں صرف 31 رنز بنائے۔
یاد رہے کہ بھارت اور انگلینڈ کے درمیان 5 ٹیسٹ میچوں کی سیریز 20 جون سے ہیڈنگلے میں شروع ہو رہی ہے۔ اس سے قبل بھارت کو وائٹ فارمیٹ کے لیے نیا مستقل کپتان نامزد کرنا ہوگا۔
Post Views: 4.ذریعہ: Daily Mumtaz
کلیدی لفظ: ٹیسٹ کرکٹ سے
پڑھیں:
آئی سی سی ویمنز پلیئر آف دی منتھ کی نامزدگیوں کا اعلان، پاکستانی کرکٹر بھی شامل
انٹرنیشنل کرکٹ کونسل (آئی سی سی) نے اپریل 2025 کے لیے ویمنز پلیئر آف دی منتھ ایوارڈ کے نامزد امیدواروں کا اعلان کردیا۔
نامزد کھلاڑیوں میں پاکستان ویمن ٹیم کی کپتان فاطمہ ثنا، ویسٹ انڈیز کی کپتان ہیلی میتھیوز اور اسکاٹ لینڈ کی کپتان کیتھرین بروس کا نام بھی شامل ہے۔
فاطمہ ثنا کو یہ اعزاز حاصل کرنے کیلئے ویسٹ انڈیز کی ہیلی میتھیوز اور اسکاٹ لینڈ کی کیتھرین بروس سے سخت مقابلے کا سامنا ہے، جنہوں نے گزشتہ ماہ لاہور میں منعقدہ ویمنز ورلڈ کپ کوالیفائر میں شاندار کارکردگی دکھائی۔
پاکستانی کپتان فاطمہ ثنا نے کوالیفائرز میں اپنی ٹیم کی ناقابل شکست مہم میں اہم کردار ادا کیا، انہوں نے شاندار اکانومی ریٹ 3.97 کے ساتھ 12 وکٹیں حاصل کیں۔
اسکاٹ لینڈ کے خلاف میچ میں انہوں نے 5 اوورز میں صرف 23 رنز دے کر 4 وکٹیں حاصل کیں جو ان کی بہترین بولنگ کارکردگی رہی۔ بیٹنگ میں بھی انہوں نے اہم کردار ادا کیا، خاص طور پر تھائی لینڈ کے خلاف 62 رنز کی اننگز نمایاں رہی۔
ویسٹ انڈیز کی کپتان ہیلی میتھیوز نے بھی چھ ٹیموں کے اس ٹورنامنٹ میں آل راؤنڈر کے طور پر بہترین کارکردگی دکھائی۔ انہوں نے 5 اننگز میں 13 وکٹیں حاصل کیں اور 240 رنز بھی اسکور کیے، جن میں ایک شاندار سنچری بھی شامل ہے۔
اسکاٹ لینڈ کے خلاف میچ میں میتھیوز نے چار وکٹیں لینے کے بعد ایک میچ وننگ سنچری بھی اسکور کی۔ کوالیفائر کے آخری میچ میں انہوں نے صرف 29 گیندوں پر 70 رنز کی دھواں دھار اننگز کھیلی۔ تاہم، ویسٹ انڈیز معمولی نیٹ رن ریٹ (0.01) کی وجہ سے ورلڈ کپ میں جگہ نہ بنا سکی۔
اسکاٹ لینڈ کی کپتان کیتھرین بروس نے بھی ٹورنامنٹ میں آل راؤنڈ کارکردگی سے ٹیم کی قیادت کی۔ انہوں نے 5 اننگز میں 293 رنز بنائے اور 6 وکٹیں بھی حاصل کیں۔
بروس کی 137 گیندوں پر ناقابل شکست 131 رنز کی اننگز کو کوالیفائر کی سب سے بڑی انفرادی اننگز قرار دیا گیا، جب کہ ان کی مجموعی کارکردگی پر انہیں پلیئر آف دی ٹورنامنٹ بھی قرار دیا گیا۔
بارش کے دوران حادثات میں بچے سمیت 6 افراد جاں بحق