روہت شرما ٹیسٹ فارمیٹ سے ریٹائر، اگلا کپتان کون ہوگا؟
اشاعت کی تاریخ: 7th, May 2025 GMT
روہت شرما کے ریٹائر ہونے کے بعد شبمن گل کو ہندوستان کا ٹیسٹ کپتان مقرر کیے جانے کا امکان ہے۔
یہ بھی پڑھیں: روہت شرما کرکٹ لیجنڈ عمران خان کے ساتھ تاریخ کے شاندار کپتانوں میں شامل
شبمن گل نے ابھی تک بیرون ملک دوروں میں خود کو ثابت نہیں کیا ہے، کیونکہ برصغیر میں ان کی بہترین واپسی ہوئی ہے لیکن وہ ہندوستان کی ٹیسٹ کپتانی کے لیے سب سے آگے ہیں۔
روہت شرما کی جانب سے بدھ کی شام کھیل کے طویل ترین فارمیٹ ٹیسٹ میچز سے ریٹائرمنٹ کا اعلان کرنے کے بعد شبمن گل ہندوستان کے اگلے ٹیسٹ کپتان بننے کا امکان ظاہر کیا جا رہا ہے۔
ہندوستان ٹائمز کے مطابق انسٹاگرام پر اپنی ٹیسٹ کیپ کی تصویر شیئر کرتے ہوئے روہت نے کہا کہ ’سب کو ہیلو، میں صرف یہ بتانا چاہوں گا کہ میں ٹیسٹ کرکٹ سے ریٹائر ہو رہا ہوں۔ ٹیسٹ میچوں میں اپنے ملک کی نمائندگی کرنا میرے لیے اعزاز کی بات ہے۔ گزشتہ برسوں سے ملنے والی تمام محبتوں اور حمایت کا شکریہ‘۔
مزید پڑھیے: چیمپیئنز ٹرافی جیتنے کے بعد بھارتی کپتان روہت شرما کے مستقبل کا فیصلہ ہوگیا؟
بھارت کا اگلا ٹیسٹ اسائنمنٹ انگلینڈ کے خلاف 5 میچوں کی ٹیسٹ سیریز ہے جو 20 جون سے شروع ہو رہی ہے تاہم روہت کی ریٹائرمنٹ سے قیادت کے شعبے میں ایک خلا پیدا ہو گیا ہے۔
جسپریت بمراہ جنہوں نے آسٹریلیا کے خلاف بارڈر-گواسکر ٹرافی کے 2 ٹیسٹ میچوں میں روہت کی غیر موجودگی میں ٹیم کی قیادت کی تھی کو کپتان کے طور پر منتخب کیے جانے کا امکان نہیں ہے۔
مزید پڑھیں: روہت شرما کا ون ڈے کرکٹ میں اہم سنگ میل، ٹنڈولکر اور گنگولی پیچھے رہ گئے
اطلاعات ہیں کہ سلیکشن کمیٹی 25 سالہ شبمن گل کو اگلا کپتان بنانے پر غور کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی کپتان کون روہت شرما روہت شرما ریٹائر روہت شرما کی جگہ کپتان.ذریعہ: WE News
کلیدی لفظ: بھارتی کپتان کون روہت شرما روہت شرما ریٹائر روہت شرما شبمن گل
پڑھیں:
پی سی بی کے تحت قومی ویمنز ٹی ٹوئنٹی ٹورنامنٹ کا آغاز
پی سی بی کے تحت قومی ویمنز ٹی ٹوئنٹی ٹورنامنٹ کا آغاز ہوگیا۔ افتتاحی روز دو میچز کا فیصلہ ہوگیا،اسٹارز نے اسٹرائیکرز کو 17 رنز سے شکست دیدی، کانکررز نے انونسیبلز کو 30 رنز سے ہرادیا۔ سدرہ امین اور قومی کپتان ثنا فاطمہ پلیئر آف دی میچ رہیں۔
تفصیلات کے مطابق پانچ ٹیموں کے درمیان ہونے والے 30 لاکھ روپے انعامی رقم کے ایونٹ کے پہلے دن نیشنل اسٹیڈیم پر قومی ون ڈے چیمپئن اسٹارز نے چار وکٹوں کے نقصان پر 148 رنز بنائے۔
کپتان سدرہ امین نے شاندار بیٹنگ کرتے ہوئے 14 چوکوں اور ایک چھکے کی مدد سے ناقابل شکست 89 رنز اسکور کیے۔حورنیا سجاد نے 25 رنز بنائے اور آوٹ نہیں ہوئیں۔
جواب میں اسٹرائیکرز 6 وکٹیں گنوا کر 131 رنز جوڑ سکی۔
ایمان فاطمہ کے 52 رنز ناٹ آوٹ رائیگاں گئے ،طوبی حسن اور نیلم مشتاق نے دو، دو وکٹیں حاصل کیں۔
دوسرے میچ میں اوول گراونڈ پر کانکرز نے مقررہ 20 اوورز میں 9 وکٹوں کے نقصان پر 145 رنز بنائے۔
کانکررز کی کپتان فاطمہ ثنا جارحانہ بیٹنگ کرتے ہوئے 3 چھکوں اور12 چوکوں کی مدد سے 85 رنز بناکر ناٹ آؤٹ رہیں۔ صائم ملک نے 4 کھلاڑیوں کو آوٹ کیا۔
جواب میں انونسیبلز 6 وکٹوں پر115 رنز بناسکی۔
کپتان منیبہ علی نے ایک چھکے اور 5 چوکوں کی مدد سے 50 رنز کی اننگ کھیلی۔ فظمہ خان نے آوٹ ہوئے بغیر 30 رنز بنائے، نشرح سندھو نے 2 وکٹیں اپنے نام کیں۔
پاک بھارت کشیدگی، شہری آبادیوں جنگی سائرن لگانے کی ہدایت