کراچی؛ کوچ کی ٹکر سے باپ بیٹا جاں بحق؛ 17 سالہ منصور والد کیساتھ امتحان دینے جا رہا تھا
اشاعت کی تاریخ: 9th, May 2025 GMT
جاں بحق باپ بیٹے منگھوپیر کے رہائشی تھے اور ان کا آبائی تعلق گلگت بلتستان سے تھا۔ اسلام ٹائمز۔ شہر قائد میں فرسٹ ایئر کا طالب علم والد کے ساتھ امتحان دینے کیلئے کالج جاتے ہوئے تیز رفتار کوچ کی ٹکر لگنے سے والد سمیت جاں بحق ہوگیا۔ پولیس کے مطابق اورنگی ٹاؤن نمبر 15 ارم اسٹور کے قریب تیز رفتار کوچ کی ٹکر سے موٹرسائیکل سوار باپ بیٹا شدید زخمی ہوگئے، جس پر زخمی باپ کو نجی اسپتال، جبکہ زخمی بیٹے کو پہلے عباسی اور پھر جناح اسپتال منتقل کیا جا رہا تھا کہ دونوں باپ بیٹے زخموں کی تاب نہ لاتے ہوئے دم توڑ گئے۔ بعد ازاں دونوں باپ بیٹے کی لاشیں قانونی کارروائی کیلئے عباسی شہید اسپتال منتقل کر دی گئیں، جہاں جاں بحق ہونے والوں میں 37 سالہ عرفان اور اس کا 17 سالہ بیٹا منصور عرفان شامل ہیں، جو منگھوپیر کے رہائشی تھے اور ان کا آبائی تعلق گلگت بلتستان سے تھا۔
متوفی منصور فرسٹ ایئرکا طالب علم تھا، جبکہ متوفی عرفان اپنے بیٹے منصور کو امتحان دینے کیلئے کالج چھوڑنے جا رہا تھا کہ ٹریفک حادثے کا شکار ہوگئے۔ متوفی عرفان 4 بچوں کا باپ اور متوفی منصور بہن بھائیوں میں سب سے بڑا تھا۔ پولیس کے مطابق حادثہ تیز رفتار پرائیویٹ بڑی کوچ کی ٹکر کے باعث پیش آیا، جس کے بعد گاڑی موقع پر سے فرار ہوگئی۔ پولیس حادثے کی سی سی ٹی وی فوٹیج حاصل کرنے کی کوشش کر رہی ہے ،تاکہ پرائیویٹ کوچ کا سراغ لگایا جا سکے اور اس کے خلاف قانونی کارروائی کی جا سکے۔
ذریعہ: Islam Times
پڑھیں:
کراچی میں ڈاکو راج، مزاحمت کرنے پر 18 سالہ نوجوان جاں بحق
شہر قائد کے علاقے اتحاد ٹاون میں ڈکیتوں نے مزاحمت کرنے پر 18 سالہ نوجوان کو گولیاں مار کر قتل کردیا۔
ایکسپریس نیوز کے مطابق اتحاد ٹاؤن تھانے کی حدود میں واقع نواب کالونی، 20 نمبر بس اسٹاپ کے قریب موٹرسائیکل پر سوار تین ملزمان نے مزاحمت کرنے پر فائرنگ کر کے 18 سالہ افتخار پر گولیاں برسائیں۔
فائرنگ کے نتیجے میں افتخار زخمی ہوا اور خون زیادہ بہہ جانے کی وجہ سے موقع پر ہی جاں بحق ہوگیا۔
ایس ایس پی کیماڑی فیضان علی نے بتایا کہ ابتدائی اطلاع کے مطابق واقعہ ڈکیتی مزاحمت پر پیش آیا تاہم سی سی ٹی وی فوٹیج اور عینی شاہدین کے بیانات لیے جارہے ہیں۔
واضح رہے کہ رواں سال شہرقائد میں ڈکیتی مزاحمت پرجاں بحق ہونے والے شہریوں کی تعداد 78 ہوگئی ہے۔ قبل ازیں سپرہائی وے پرواقع براق پیٹرول پمپ سچل موڑ کے قریب ڈکیتی کی واردات کے دوران مزاحمت بھتیجا جاں بحق اورچچا زخمی ہوگیا۔
چچا کی فائرنگ مسلح ملزمان کی زخمی ہوئے جوکہ موقع پر سے فرارہوگئے۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق