Daily Pakistan:

پاکستان نے بھارت کیساتھ معرکے کو ’معرکہ حق‘ کا نام دیدیا، تفصیلات جاری

اشاعت کی تاریخ: 13th, May 2025 GMT

راولپنڈی (ڈیلی پاکستان آن لائن )پاکستان کی جانب سے آپریشن بنیان مرصوص کی تکمیل کا اعلان کرتے ہوئے بھارت کے ساتھ 22 اپریل سے 10مئی تک کے معرکے کو ’معرکہ حق‘ کا نام دے دیا گیا۔
نجی ٹی وی جیو نیوز کے مطابق آئی ایس پی آر کی جانب سے کہا گیا ہے کہ 10 مئی کی کارروائیاں آپریشن بنیان المرصوص کا حصہ تھیں۔پاک فوج کی جانب سے ’معرکہ حق‘ 22 اپریل سے 10 مئی 2025 کی تفصیلات بھی جاری کردی گئی ہیں۔
آئی ایس پی آر کے مطابق آپریشن بنیان المرصوص عسکری تنازع ’معرکہ حق’ کے تحت بھارتی فوج کے بزدلانہ حملوں کے ردعمل میں کیا گیا۔بھارت کی جانب سے حملے 6 اور 7 مئی 2025 کی شب شروع ہوئے تھے حملوں کے نتیجے میں معصوم شہریوں، خواتین، بچوں اور بزرگوں کی جانیں ضائع ہوئیں۔
آئی ایس پی آر کا کہنا ہے کہ پاکستان نے بھارتی فوجی جارحیت اور ہمارے شہریوں کے بے رحمانہ قتل کے خلاف انصاف اور بدلہ لینے کا عزم کیا تھا، الحمدللہ پاکستان کی مسلح افواج نے اپنے عوام سے کیا گیا وعدہ پورا کیا، مسلح افواج اللہ تعالیٰ کی بے شمار نعمتوں، رحمت، مدد اور نصرت پر شکر گزار ہیں۔
آئی ایس پی آر کے بیان میں کہا گیا ہے کہ اللہ تعالیٰ نے مومنین کو حکم دیا ہے کہ جب ا±ن پر ظلم کیا جائے تو وہ ا±س کا مقابلہ کریں۔بیان میں کہا گیا کہ ہم اللہ کے حضور انتہائی عاجزی کے ساتھ سجدہ ریز ہیں، اللہ نے ہمیں ہمارے عزم کو میدانِ جنگ میں فیصلہ کن اقدامات میں بدلنے کی توفیق عطا فرمائی۔
آئی ایس پی آر کی جانب سے کہا گیا کہ پاکستانی مسلح افواج نے26 بھارتی فوجی اہداف کو کامیابی سے نشانہ بنایا، براہموس میزائل ذخائر اور ایس 400 سسٹمزکو مو¿ثر انداز میں تباہ کیا گیا، دشمن نے سفید جھنڈے لہرا کر جنگ بندی کی درخواست کی۔پاکستان کا جواب تینوں مسلح افواج کے باہم مربوط تعاون کی ایک مثالی مثال تھا، فضا، خشکی، سمندر، سائبر میدانوں میں یہ ہم آہنگی کارروائی کی کامیابی، انتہائی درست نشانے، بھرپور تباہ کن قوت، بجلی کی سی رفتارسے کارروائی کو ممکن بنانے کا باعث بنی، تمام پلیٹ فارمز نے باہمی ربط و تعاون سے کام کیا۔
آئی ایس پی آر کے مطابق پاک فوج نے طویل فاصلے تک اہداف کو درستگی سے نشانہ بنانے والے فتح سیریز میزائل ون اور 2 کا استعمال کیا، پاک فضائیہ کے درست نشانہ لگانے والے ہتھیاروں کا اورطویل فاصلے تک مارکرنے والے ’لوئٹرنگ کِلر میونیشنز‘ اور توپوں کا استعمال کیا گیا۔مقبوضہ جموں وکشمیر اور بھارت کے اندرونی علاقوں میں 26 فوجی اہداف کونشانہ بنایا گیا، وہ ادارے جوپاکستان میں دہشتگردی کو فروغ دینے کے ذمہ دار تھے انہیں بھی نشانہ بنایا گیا۔نشانہ بنائے گئے اہداف میں سورت گڑھ، سرسہ، بھ±ج، نالیا، آدم پور، بٹھنڈہ، برنالہ، ہلواڑہ، اونتی پورہ، سری نگر، جموں، ادھم پور، مامون، امبالہ اورپٹھان کوٹ میں فضائیہ اور ایوی ایشن کے اڈے شامل تھے جنہیں شدید نقصان پہنچایا گیا۔بیاس اور نگروٹہ میں موجود براہموس میزائل ذخیرہ گاہیں بھی تباہ کردی گئیں، ان اڈوں سے پاکستان پر میزائل داغے گئے تھے۔
آدم پور اوربھ±ج میں ایس400 بیٹری سسٹمز کوبھی پاک فضائیہ نے مو¿ثر طریقے سے ناکارہ بنایا، ا±ڑی میں فیلڈ سپلائی ڈپو اور پونچھ میں ریڈار سٹیشن کو نشانہ بنایا گیا جو پاکستانی شہریوں کیخلاف غیرقانونی آپریشن میں مددگار تھے۔آئی ایس پی آر کے مطابق جی ٹاپ اور نوشہرہ میں موجود 10 بریگیڈ اور 80 بریگیڈ ہیڈ کوارٹرز بھی مکمل طورپرتباہ کردیے گئے، فوجی کمانڈ ہیڈکوارٹرز ہمارے معصوم شہریوں اور بچوں کے قتلِ عام کی منصوبہ بندی میں مددگار تھے۔آئی ایس پی آرکے بیان میں کہا گیا کہ پاکستان کے اندر دہشتگرد حملے کرنے والی پراکسیز کو پناہ اور تربیت دینے والی سہولت گاہیں بھی تباہ کی گئیں، ان میں راجوڑی اور نوشہرہ میں موجود انٹیلی جنس یونٹس اوران کے فرنٹ لائن فیلڈ عناصر شامل ہیں۔
بھارت نے پاکستانی فضائی حدودکی خلاف ورزی کےلئے ڈرونزکا استعمال کیا، ایسا اس لئے کیا گیا تاکہ ہمارے شہریوں کو ڈراسکے اور خوف پھیلاسکے۔آپریشن بنیان مرصوص کے دوران درجنوں پاکستانی مسلح ڈرونز بھارت کے بڑے شہروں پر پرواز کرتے رہے، پاکستانی مسلح ڈرونزبھارت کے حساس سیاسی وحکومتی سہولت گاہوں پر پرواز کرتے رہے۔ڈرونزبھارتی دارالحکومت نئی دہلی اور مقبوضہ جموں وکشمیر سے گجرات تک پرواز کرتے رہے، ڈرونزکے ذریعے تباہ کن طویل فاصلے تک مارکرنے والی بغیرپائلٹ صلاحیت کو ظاہر کیا گیا۔
 آئی ایس پی آرکے مطابق پاکستان کی مسلح افواج نے جامع اور مو¿ثر سائبر آپریشنز بھی انجام دیے، بھارتی فوج کے آپریشنز جاری رکھنے کے اہم انفراسٹرکچرکو مفلوج اور کمزورکیا گیا۔آئی ایس پی آرکے بیان میں کہا گیا کہ پاکستان کی مسلح افواج کے پاس جدید، خاص نوعیت کی فوجی ٹیکنالوجیز ہیں، اس تنازع میں محدود تعداد اور نوعیت کی ٹیکنالوجیز کو احتیاط کے ساتھ استعمال کیا۔بھارتی فوج کی مسلسل اشتعال انگیزیوں کے مقابلے میں پاکستان کا فوجی ردعمل متناسب اور محتاط رہا، آپریشن احتیاط سے ترتیب دیاگیا تھا تاکہ شہریوں کی ہلاکتوں سے بچا جاسکے۔آئی ایس پی آرنے کہا کہ صرف انہی اداروں اور سہولتوں کو نشانہ بنایا گیا جو براہِ راست پاکستانی شہریوں پر حملوں میں ملوث تھیں، ان مقامات کو نشانہ بنایا گیا جو پاکستان کے اندر دہشتگرد حملے کررہے تھے۔
 آئی ایس پی آرکے مطابق پاکستان کی مسلح افواج مشرقی محاذ پر آپریشنز میں مصروف تھیں تو خیبرپختونخوا اوربلوچستان میں بھارتی سرپرستی میں دہشتگردی میں غیرمعمولی اضافہ ہوا۔ آئی ایس پی آرنے کہا کہ بھارت پاکستان میں دہشتگردی کو ہوا دینے میں براہِ راست ملوث ہے، بھارت نے پراکسی عناصرکو اس دوران مکمل فعال کردیا تاکہ ہماری توجہ کو ہٹایا جاسکے، مسلح افواج نے مغربی محاذ پر دہشتگردی کے خلاف بھی مو¿ثر کارروائیاں بلاتعطل جاری رکھیں۔
مسلح افواج اپنی قوم کی تہہ دل سے شکر گزار ہیں: آئی ایس پی آر
 آئی ایس پی آرکے مطابق ’معرکہ حق‘ قومی طاقت کے تمام عناصر کے درمیان مثالی ہم آہنگی کی بہترین مثال رہا، ’معرکہ حق‘ میں پاکستانی عوام کی بھرپور حمایت شامل رہی، مسلح افواج اس تنازع کے دوران قوم کے حوصلے، ثابت قدمی اور جذبے کو سلام پیش کرتی ہیں، مسلح افواج اپنی قوم کی تہہ دل سے شکر گزار ہیں۔
بہادرقوم کی طاقت، عزم اور سب سے بڑھ کربے لوث حمایت اور دعائیں ان کٹھن حالات میں ہمارے ساتھ رہیں، قوم کی حمایت پاکستان کی مسلح افواج کے لئے سب سے مو¿ثر قوت بڑھانے والا عنصر ثابت ہوئی۔آئی ایس پی آر کی جانب سے کہا گیا کہ جب بھی پاکستان کی خودمختاری کوخطرہ ہوا یا علاقائی سالمیت کی خلاف ورزی کی گئی تو پاکستان کا جواب فیصلہ کن ہوگا۔
آئی ایس پی آر کی جانب سے کہا گیا کہ ہمارے دل اور ہمدردیاں ان شہدا کے لواحقین اور خاندانوں کے ساتھ ہیں جنہوں نے وطن کے لئے اپنی جانوں کا نذرانہ پیش کیا، ہم اپنے زخمی ہم وطنوں کی جلد صحتیابی کے لئے دعاگو ہیں۔آئی ایس پی آر کے بیان میں کہا گیا کہ پاکستان کی مسلح افواج کے ہر افسر، جوان، فضائی محافظ اور نیول اہلکار کوخراجِ تحسین پیش کرتے ہیں، مسلح افواج کی جرات، پیشہ ورانہ مہارت اور قربانی نے میدانِ جنگ میں کامیابی کو ممکن بنایا۔
سیاسی قیادت، نوجوانوں اور میڈیا کے شکرگزار ہیں: آئی ایس پی آر
 آئی ایس پی آرکے بیان میں کہا گیا کہ ہم خاص طور پر پاکستان کے نوجوانوں کے شکر گزار ہیں، نوجوانوں نے ملک کے سائبر اور انفارمیشن محاذ پر فرنٹ لائن سپاہیوں کا کردار ادا کیا۔آئی ایس پی آرنے کہا کہ پاکستان کے متحرک اور باوقار میڈیا کے بھی شکرگزار ہیں، پاکستانی میڈیا بھارتی میڈیا کی جھوٹ پر مبنی مہم اور غیرذمہ دارانہ جنگی جنون کے خلاف آہنی دیواربنا رہا۔آئی ایس پی آر کی جانب سے کہا گیا کہ ہم اپنے سفارتی عملے کا بھی شکریہ ادا کرتے ہیں، سفارتی عملے نے عالمی فورمزپرپاکستان کے مو¿قف کی موثر نمائندگی کی۔
آئی ایس پی آر کی جانب سے اپنے سائنسدانوں اور انجینئرزکا بھی شکریہ ادا کیا گیا جنہوں نے مقامی، خصوصی نوعیت کی ٹیکنالوجیز تیارکیں۔ آئی ایس پی آرکے مطابق یہ ٹیکنالوجیز آپریشن ’بنیان مرصوص‘ کی شاندار کامیابی میں اہم کردار ادا کرتی ہیں۔آئی ایس پی آر کی جانب سے کہا گیا کہ مسلح افواج اپنے سیاسی رہنماوں کی انتہائی شکرگزار ہیں جنہوں نے مادر وطن کے دفاع کے لئے یکجہتی کے عزم کا مظاہرہ کیا، مسلح افواج خاص طورپر رہنمائی کے لئے وزیراعظم اوران کی کابینہ کے ارکان کی شکرگزار ہیں جنہوں نے ملک کے لئے تقدیربدلنے والے فیصلے کئے، وزیراعظم اور کابینہ نے اس نازک صورتحال سے نکالنے میں قائدانہ کردار ادا کیا۔

100اور 1500 روپے والے قومی انعامی بانڈز کی قرعہ اندازی سے متعلق تازہ خبرآگئی

مزید :.

ذریعہ: Daily Pakistan

کلیدی لفظ: کے بیان میں کہا گیا کہ پاکستان کی مسلح افواج آئی ایس پی آرکے مطابق کہا گیا کہ پاکستان ہیں آئی ایس پی آر آئی ایس پی آر کے نشانہ بنایا گیا مسلح افواج نے مسلح افواج کے کہا گیا کہ ہم آپریشن بنیان شکر گزار ہیں شکرگزار ہیں استعمال کیا پاکستان کے بھارتی فوج جنہوں نے کے مطابق معرکہ حق بھارت کے کے ساتھ کیا گیا قوم کی کے لئے

پڑھیں:

22اپریل تا 10مئی کی صورتحال معرکہ حق قرار،مسلح افواج کا آپریشن بنیان مرصوص کی کامیاب تکمیل کا اعلان

 

معرکہ حق قومی قوتوں کی ہم آہنگی اور قوم کے غیر متزلزل عزم کی عظیم مثال بن گیا، عوام سے کیا وعدہ پورا کردیا،کوئی خود مختاری چیلنج کرنے کی غلط فہمی میں نہ رہے ورنہ ہمہ گیر ،فیصلہ کن جواب دیا جائے گا

بھارتی جارحیت کیخلاف پاکستان کا ردِعمل تینوں افواج کے باہمی اشتراک کا مربوط مثالی مظاہرہ تھا،پاکستانی میڈیا بھارتی پروپیگنڈے کیخلاف آہنی دیوار کی طرح کھڑا رہا،ڈی جی آئی ایس پی آر

مسلح افواج نے آپریشن بنیان مرصوص کی کامیاب تکمیل کا اعلان کرتے ہوئے کہاہے کہ عوام سے کیا وعدہ پورا کر دیا، بھارتی جارحیت کیخلاف پاکستان کا ردِعمل تینوں افواج کے باہمی اشتراک کا مربوط مثالی مظاہرہ تھا،پاکستانی میڈیا بھارتی پروپیگنڈے کیخلاف آہنی دیوار کی طرح کھڑا رہا، اللہ کی رحمت ،غیبی نصرت پر شکر گزار ہیں، کوئی خود مختاری چیلنج کرنے کی غلط فہمی نہ رہے ورنہ ہمہ گیر اور فیصلہ کن جواب دیا جائے گا۔آئی ایس پی آر کی جانب سے جاری اعلامئے میں کہا گیا ہے کہ پاکستان کی مسلح افواج نے بھارت کیخلاف 22اپریل سے 10مئی تک ہونے والی جھڑپوں کو معرکہ حق کا نام دیا ہے ،10مئی کو پاکستانی مسلح افواج نے بھارت کیخلاف آپریشن بنیان مرصوص کامیابی سے مکمل کیا۔بیان میں کہا گیا ہے کہ بھارت کی 6اور 7مئی کی شب سے جاری بزدلانہ جارحیت کے جواب میں معرکہ حق آپریشن شروع کیا گیا، بھارتی افواج کی جارحیت میں خواتین، بچے ، بزرگوں سمیت متعدد بے گناہ اور معصوم شہری شہید ہوئے ۔ آئی ایس پی آر نے کہا کہ پاکستان نے ان مظالم کا بدلہ لینے اور انصاف فراہم کرنے کا وعدہ کیا تھا اور الحمد اللہ نے قوم سے کیا گیا وعدہ پورا کر کے دکھایا جس پر ہم ربِ ذوالجلال کا شکر ادا کرتے ہیں جس نے ہمیں ظلم کے خلاف فیصلہ کن کارروائی کی توفیق دی۔اعلامئے میں لکھاگیا ہے کہ اللہ تعالی نے مومنوں کو حکم دیا ہے کہ ظلم کا بدلہ لیا جائے اور ہم اسی عاجزی کے ساتھ اللہ کے حضور سجدہ ریز ہیں۔ ہم اپنے ان شہدا کو سلام پیش کرتے ہیں جنہوں نے وطن پر اپنی جان قربان کی اور زخمیوں کی جلد صحتیابی کیلئے دعاگو ہیں۔آئی ایس پی آر نے جنگ میں حصہ لینے والے سپاہیوں، افسران، پائلٹس، ملاحوں کا شکریہ ادا کرتے ہوئے کہا کہ آپ کی جرات، پیشہ وارانہ مہارت اور قربانی کی وجہ سے میدان جنگ میں کامیابی ممکن ہوئی۔اعلامئے میں کہا گیا ہے کہ پاکستانی قوم کی ثابت قدمی، دعاؤں اور اخلاقی حمایت نے مسلح افواج کو حوصلہ کیا جبکہ نوجوان نسل نے سائبر اور انفارمیشن وارفیئر میں پہلی صف کے سپاہی بن کر اپنا کردار ادا کیا۔آئی ایس پی آر نے ملکی میڈیا کا شکریہ ادا کرتے ہوئے کہا کہ پاکستانی میڈیا بھارتی پروپیگنڈے کیخلاف،آپریشن بنیان مرصوص کے دوران آہنی دیوار کی طرح کھڑا رہا ۔ ترجمان نے دفتر خارجہ اور سفارتی عملے کا بھی شکریہ ادا کیا جس نے اس دورانئے میں پاکستان کے موقف کو بین الاقوامی سطح پر جس وضاحت، بصیرت اور اعتماد سے پیش کیا۔ترجمان نے کہا کہ ہم اپنے سائنسدانوں اور انجینئرز کے بھی ممنون ہیں جنہوں نے جدید ٹیکنالوجی کے ذریعے اس آپریشن کو موثر بنایا جبکہ ہم تمام سیاسی جماعتوں کی قیادت کا شکریہ ادا کرتے ہیں جنہوں نے مادرِ وطن کے دفاع پر مکمل یکجہتی کا مظاہرہ کیا جبکہ وزیرِ اعظم اور ان کی کابینہ کا، جنہوں نے اہم فیصلے لے کر قوم کو بحران سے نکالا۔اعلامئے میں کہا گیا ہے کہ بھارتی جارحیت کیخلاف پاکستان کا ردِعمل تینوں افواج کے باہمی اشتراک کا مربوط مثالی مظاہرہ تھا،پاکستان کی جانب سے دیا گیا ردعمل مشترکہ عسکری ہم آہنگی، جدید جنگی شعور، نیٹ ورک بیسڈ وارفیئر اور ملٹی ڈومین آپریشنز کی اعلی مثال تھا، بری، بحری، فضائی اور سائبر محاذوں پر مکمل ہم آہنگی سے 26سے زائد دشمن کے اہم اہداف کو نشانہ بنایا گیا۔ آئی ایس پی آر نے بتایا کہ سرسا، بھج، نالیا، آدمپور، بٹھنڈا، پٹھان کوٹ، سرینگر، ادھم پور، جموں میں فضائی اور عسکرے اڈوں کو نشانہ بنایا گیا، اس کے علاوہ 10بریگیڈ، 80بریگیڈ، راجوری، نوشہرہ کے ہیڈکوارٹرز تباہ کیے گئے جبکہ دہشت گردی پھیلانے کیلئے راجوری اور نوشہرہ میں قائم بھارتی اڈے و تربیتی مراکز بھی تباہ کیے ۔اعلامئے میں بتایا گیا ہے کہ ایل او سی پر دشمن کی پوسٹیں اور توپ خانوں کو بھی نشانہ بنایا گیا، حتی کہ انہوں نے سفید جھنڈے بلند کئے اور جنگ بندی کی اپیل کی۔ آئی ایس پی آر نے کہا کہ بھارتی ڈرونز نے پاکستانی فضائی حدود کی خلاف ورزی کی جس کے جواب میں پاکستانی مسلح افواج نے اپنے مسلح ڈرونز سے بھارت کے بڑے شہروں بشمول نئی دہلی تک پیغام پہنچایا کہ ہم بھی ان سے زیادہ ڈرونز کی بھرپور طاقت رکھتے ہیں۔ترجمان پاک فوج کے مطابق سائبر محاذ پر بھی اہم بھارتی عسکری نیٹ ورک اور بنیادی ڈھانچے کو وقتی طور پر مفلوج کیا گیا جبکہ آپریشن کے دوران پاکستان نے صرف مخصوص اور محدود نوعیت کی جدید ٹیکنالوجی کا استعمال کیا، تمام حملے صرف ان ٹھکانوں پر کیے گئے جو براہِ راست دہشت گردی یا معصوم پاکستانیوں کے قتل میں ملوث تھے ۔اعلامئے میں واضح کیا گیا ہے کہ مشرقی سرحد پر آپریشن کے دوران بھی پاکستان کو خیبرپختونخوا اور بلوچستان میں بھارتی حمایت یافتہ دہشت گردی کا سامنا کرنا پڑا جس کا کامیاب انسداد بیک وقت مغربی محاذ پر جاری رہا۔ ترجمان نے کہا کہ معرکہ حق قومی قوتوں کی ہم آہنگی اور قوم کے غیر متزلزل عزم کی عظیم مثال بن گیا، جس نے ملک کی خودمختاری اور سالمیت کا دفاع یقینی بنایا۔ترجمان پاک فوج نے ایک بار پھر واضح کیا ہے کہ کوئی بھی اس غلط فہمی نہ ہے کہ وہ پاکستان کی خودمختاری کو چیلنج کرے گا، اگر ایسا ہوا تو ہمارا جواب ہمہ گیر اور فیصلہ کن ہو گا۔