مریم نواز شریف نے کامران لاشاری کا استعفیٰ منظور کر لیا
اشاعت کی تاریخ: 14th, May 2025 GMT
ڈی جی والڈ سٹی کی جانب سے مغلیہ دور کے شاہی قلعہ، شالامالار باغ سمیت تاریخی عمارتیں آثار قدیمہ کو واپس دینے پر استعفیٰ دیا گیا۔ شاہی قلعہ میں 1950ء کے رولز میں ترمیم کے بغیر میرج فنکشن استعفیٰ کی وجہ بنے۔ اسلام ٹائمز۔ وزیر اعلیٰ پنجاب مریم نواز شریف نے کامران لاشاری کا استعفیٰ منظور کر لیا۔ کامران لاشاری کو آفس چھوڑنے کی ہدایت کر دی گئی، کامران لاشاری نے ایک ماہ قبل ڈی جی والڈ سٹی لاہور اتھارٹی کے عہدے سے استعفیٰ دیا تھا۔ استعفے کے متن میں کامران لاشاری نے کہا کہ میرے لئے عزت کی بات ہے کہ میں نے ڈی جی والڈ سٹی لاہور اتھارٹی کی ذمہ داریاں نبھائیں۔
کامران لاشاری نے استعفیٰ میں لکھا کہ میں نے پوری امانتداری سے کوشش کی کہ پاکستان کے کلچر کو فروغ دیا جائے، کلچر کے ذریعے دنیا کو پاکستان کا مثبت چہرہ دکھایا جائے، تاہم کچھ ذاتی وجوہات کی وجہ سے ذمہ داری جاری نہیں رکھ سکتا۔ کامران لاشاری کا کہنا تھا کہ میں اپنے عہدے سے مستعفی ہو رہا ہوں، بطور ڈائریکٹر جنرل والڈ سٹی استعفیٰ منظور کیا جائے، سیکشن 6 والڈ سٹی ایکٹ 2012ء کے تحت اپنی ذمہ داریوں سے مستعفی ہو رہا ہوں۔
ذرائع کے مطابق ڈی جی والڈ سٹی کامران لاشاری کی جانب سے مغلیہ دور کے شاہی قلعہ، شالامالار باغ سمیت تاریخی عمارتیں آثار قدیمہ کو واپس دینے پر استعفیٰ دیا گیا۔ شاہی قلعہ میں 1950ء کے رولز میں ترمیم کے بغیر میرج فنکشن استعفیٰ کی وجہ بنے، ڈی جی والڈ سٹی کی قدیم لاہور کے گرد تجاوزات کے خلاف آپریشن بھی استعفیٰ کی وجہ بنا۔
ذریعہ: Islam Times
کلیدی لفظ: کامران لاشاری شاہی قلعہ کی وجہ
پڑھیں:
مریم نواز پنجاب کے حق کے لیے آواز ضرور اٹھائیں گی، خرم دستگیر
پاکستان کے سابق وزیر دفاع و خارجہ اور مسلم لیگ ن کے سینیئر رہنما خرم دستگیر نے کہا ہے کہ جب بھی پنجاب کے حق کی بات آئے گی تو مریم نواز اس کے لیے آواز ضرور اٹھائیں گی۔
یہ بھی پڑھیں: ہر چیز کا علاج بے نظیر انکم سپورٹ پروگرام نہیں، اپنے مشورے اپنے پاس رکھیں، وزیراعلیٰ مریم نواز
وی نیوز کے ساتھ ایک خصوصی انٹرویو میں پنجاب میں سیلاب زدگان کی امداد کے طریقہ کار پر سیاست کے بارے میں بات کرتے ہوئے انہوں نے کہا کہ جہاں بھی پنجاب کا حق ہوگا مریم نواز اس کے لیے آواز اٹھائیں گی اور انہیں ایسا کرنا بھی چاہیے کیونکہ پنجاب کا غریب بھی اتنا ہی غریب ہے جتنا سندھ، خیبر پختونخوا یا بلوچستان کا غریب ہے۔
’بڑے بھائی کے حق میں بھی کمی ہوگی تو آواز تو اٹھے گی‘انہوں نے کہا کہ صوبہ پنجاب بڑا بھائی ضرور ہے لیکن پانی سمیت اس کے حق میں اگر کوئی کمی کرے گا تو پنجاب سے آواز تو اٹھے گی۔
مزید پڑھیے: آپ ہماری بہن اور بیٹی ہیں، اپنا لہجہ درست کریں، قمر زمان کائرہ کا مریم نواز کو مشورہ
خرم دستگیر نے کہا کہ بینظیر انکم سپورٹ پروگرام کو قائم کرنے کی تجویز مسلم لیگ نواز نے سنہ 2008 کی مخلوط حکومت میں دی تھی تاہم اب اس کا ڈیٹا قابل اعتبار نہیں ہے کیونکہ یہ ہمیں نہیں بتاتا کہ اس نے ملک کے کتنے افراد کو غربت سے نکالا۔
’صوبے بی آئی ایس پی میں اپنا حصہ ڈالیں‘انہوں نے کہا کہ بی آئی ایس پی کو قائم ہوئے 17 سال ہو گئے ہیں اور اس دوران 18ویں ترمیم اور قومی وسائل کی تقسیم کے ایوارڈز (این ایف سی) ہو چکے ہیں، وفاق کے وسائل کم اور ضروریات بڑھ گئی ہیں اس لیے صوبوں کو چاہیے کہ اب اپنے بجٹ کے حساب سے بی آئی ایس پی فنڈ میں اپنا حصہ ڈالیں۔
مزید پڑھیں: ’معافی مانگو‘: مریم نواز کے بیان پر پیپلزپارٹی کا سینیٹ سے بھی واک آؤٹ، قانون سازی کے بائیکاٹ کا اعلان
پاکستان کے بڑھتے ہوئے عالمی کردار کے بارے میں بات کرتے ہوئے خرم دستگیر کا کہنا تھا کہ پاکستان مشرق وسطیٰ میں پیدا ہونے والے خلا کو پر کر رہا ہے۔
’سعودی ولی عہد کا ویژن کمال ہے‘خرم دستگیر نے کہا کہ وہ سعودی ولی عہد شہزاد محمد بن سلمان کے ویژن کو سراہتے ہیں جس کے تحت انہوں نے قطر پر اسرائیلی حملے کے فورا بعد تیزی سے صورتحال کو بھانپا اور اس کے چند دنوں کے اندر اندر پاکستان سے دفاعی معاہدہ کر کے اپنے ملک کو مضبوط کر لیا۔
انہوں نے کہا کہ اس سے قبل پاکستان اور سعودی عرب کئی دہائیوں سے بغیر کسی تحریری معاہدے کے ایک دوسرے کے ساتھ تعاون کر رہے تھے لیکن اس معاہدے سے پاکستان بننے سے پہلے سے قائم دونوں ممالک کے تعلقات اب باقاعدہ مضبوط ہو گئے ہیں۔
’سعودی عرب سے معاہدے کے باعث پاکستان کی دفاعی پیداوار بڑھے گی‘خرم دستگیر کا کہنا تھا کہ اس معاہدے کے بعد پاکستان کی معیشت میں بھی بہتری آئے گی اور اس کی دفاعی پیداوار بڑھ جائے گی۔
یہ بھی پڑھیے: سیلاب اور گندم پر سیاست کرنے والوں کو جواب ملے گا، مریم اورنگزیب کا پیپلزپارٹی پر وار
مسئلہ فلسطین پر امریکی صدر ڈونلڈ ٹرمپ کے امن منصوبے پر بات کرتے ہوئے انہوں نے کہا کہ موجودہ حالات میں یہ جنگ ختم کرنے کا بہترین ذریعہ ہے کیونکہ اس وقت کوئی بھی ملک اسرائیل سے لڑنے پر تیار نہیں ہے جس کی وجہ سے اب تک وہ ہزاروں فلسطینی مردوں، عورتوں اور بچوں کو شہید کر چکا ہے اور یہ سلسلہ جاری ہے۔
’وزیراعظم واضح کریں کہ پاکستان اسرائیل کو تسلیم نہیں کرے گا‘خرم دستگیر نے امید ظاہر کی اس منصوبے کے ڈرافٹ کے متعلق اٹھنے والے پاکستان اور عرب ممالک کے اعتراضات پر غور کر کے اس کو زیادہ واضح اور قابل عمل بنایا جائے گا۔
مزید پڑھیں: وی ایکسکلوسیو: بھارت سے تجارت پر بات ہوگی کیونکہ تجارت جنگ روکنے کی بڑی وجہ بنتی ہے، خرم دستگیر
انہوں نے اس منصوبے کی پاکستان میں ہونے والی مخالفت کے بارے میں کہا کہ وزیراعظم شہباز شریف کو اس پر قومی اسمبلی میں بیان جاری کرنا چاہیے اور بتانا چاہیے کہ پاکستان اسرائیل کو تسلیم نہیں کر رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خرم دستگیر خان سعودی ولی عہد شہزاد محمد بن سلمان ن لیگ وزیراعظم شہباز شریف وزیراعلیٰ پنجاب مریم نواز
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری