نفرت کی سیاست نے کچھ نہیں دیا، ہمیں ملک کی خاطر ذاتی انا قربان کرنا ہوگی: مریم نواز
اشاعت کی تاریخ: 15th, May 2025 GMT
کالا شاہ کاکو (نیوز ڈیسک) وزیراعلیٰ پنجاب مریم نواز شریف نے کہا ہے کہ نفرت کی سیاست نے اس ملک کو کچھ نہیں دیا، ہمیں ملک کی خاطر ذاتی انا قربان کرنا ہوگی۔
کالا شاہ کاکو میں گندم انیشیٹو پروگرام کے تحت ٹریکٹرز تقسیم کرنے کی تقریب سے خطاب کرتے ہوئے وزیراعلیٰ مریم نواز کا کہنا تھا کہ سب کو پاکستان کی فتح مبارک ہو، قوم پر فخر ہے، پوری قوم نے ایک سیسہ پلائی دیوار کی طرح ملکی سلامتی میں حصہ ڈالا، قوم نے افواج پاکستان کی سپورٹ میں اپنا حصہ ڈالا، پاک افواج زندہ باد تو پاکستان زندہ باد ہے۔
انہوں نے کہا کہ پاک افواج نے بنیاں مرصوص کے تحت بھارت کو شکست سے دوچار کیا، پاکستان کا امن ہماری ریڈ لائن ہے، تمام سیاسی قیادت کیلئے پاکستان ریڈ لائن ہونی چاہیے، نفرت کی سیاست نے اس ملک کو کچھ نہیں دیا، ہمیں ملک کی خاطر ذاتی انا قربان کرنا ہوگی، نفرت کی سیاست کے خاتمے سے ملک ترقی کرے گا۔
ان کا کہنا تھا کہ ملک ہے تو خوشحالی ہے، اللہ پاکستان کو تاقیامت سلامت رکھے، وزیراعظم اور آرمی چیف کو عظیم فتح پر خراج تحسین پیش کرتی ہوں، سیاسی قیادت ہو یا عسکری قیادت سب نے ایک ہو کر ملک کا دفاع کیا۔
مریم نواز نے کہا کہ پاکستان کی معیشت میں حیران کن استحکام دیکھنے میں آیا، مہنگائی میں کمی سے بازاروں میں اشیائے خورونوش سستے داموں مل رہی ہیں، لوڈشیڈنگ کا خاتمہ اور بجلی قیمتوں میں کمی ہوئی، سٹاک ایکسچینج میں زبردست تیزی دیکھنے میں آئی ہے۔
قبل ازیں وزیراعلیٰ پنجاب مریم نواز نے گندم سپورٹ پروگرام کے تحت گرین ٹریکٹر تقسیم کئے، پہلے مرحلے میں 9500 گرین ٹریکٹر کاشتکاروں کو بذریعہ شفاف قرعہ اندازی فراہم کئے گئے جبکہ دوسرے مرحلے میں 25 ہزار مزید گرین ٹریکٹرز سبسڈی پر فراہم کئے جا رہے ہیں۔
اس کے علاوہ 150 ارب روپے کی لاگت سے وزیراعلیٰ پنجاب کسان کارڈ کا اجراء کر دیا گیا، ساڑھے سات لاکھ کاشتکار کسان کارڈ سکیم سے فائدہ اٹھائیں گے۔
Post Views: 2.ذریعہ: Daily Mumtaz
کلیدی لفظ: نفرت کی سیاست مریم نواز
پڑھیں:
نہری اصلاحات کو سیاسی معاملہ نہیں بنانا چاہئے، پنجاب کیلئے فائٹ کروں گی: مریم نواز
لاہور (نوائے وقت رپورٹ) وزیراعلیٰ مریم نواز سے نیشنل سکیورٹی اینڈ وار کورس کے شرکاء اور فیکلٹی ممبرز نے ملاقات کی۔ وزیراعلیٰ نے نیشنل سکیورٹی اینڈ وارکورس کے وفد کا خیر مقدم کیا۔ شرکاء نے وزیراعلیٰ کے عوامی فلاحی پراجیکٹ کو سراہا۔ مریم نواز نے پاکستان آرمی، پاکستان نیوی اور پاکستان ایئر فورس کو ’’آپریشن بنیان مرصوص‘‘ کی کامیابی پر مبارکباد دی۔ فیلڈ مارشل عاصم منیر اور دیگر عسکری قیادت کو خراج تحسین پیش کیا۔ وزیراعلیٰ نے نیشنل سکیورٹی اینڈ وار کورس کے وفد کو حکومت پنجاب کے اختراعی اور تاریخی پراجیکٹ سے آگاہ کیا۔ بنگلادیش کے مندوب نے وزیراعلیٰ مریم نوازشریف کی عوامی خدمات کو سراہا۔ مریم نواز نے کہا کہ احساس کا جذبہ گڈگورننس کا بنیادی اصول ہے۔ حکمران کا ہر فیصلہ عوام کی زندگی پر اثرا نداز ہوتا ہے۔ دنیا میں معاشی اور دفاعی طور پر مضبوط ملک کوعزت کی نگاہ سے دیکھا جاتا ہے۔ پنجاب میں اب کوئی سیاسی تعیناتی نہیں ہوتی، اقربا پروری، سفارش کا مکمل خاتمہ کردیا گیا ہے۔ پنجاب میں خود انٹرویو کر کے 100فیصد میرٹ پر تعیناتی کرتی ہوں۔ کرپشن کے معاملے میں زیرو ٹالرنس ہے،کرپشن علم میں آجائے تو کوئی معافی نہیں۔ عوام کا پیسہ ہے، اسے عوام پر ہی خرچ کرنا ہوگا۔ ای ٹینڈرنگ کے ذریعے خالصتاً میرٹ اور شفافیت کے ساتھ کنٹریکٹ دیئے جاتے ہیں۔ وزیراعلی مریم نوازشریف نے کہا کہ وطن دھرتی ماں کی طر ح ہے، اسے دھوکہ دینا ناقابل برداشت ہے۔ مختلف ادارے میری آنکھ اور کان کے طورپر مسلسل مانیٹرنگ کرتے رہتے ہیں۔ حکومت پر کرپشن کا کوئی الزام نہ ہونا بہت بڑی کامیابی ہے۔ لوکل گورنمنٹ کے خلاف نہیں، اختیارات کی منتقلی پر یقین رکھتی ہوں۔ پاپولیشن کے مطابق این ایف سی ایوارڈ دیا جاتا ہے۔ تمام صوبے اپنے وسائل پیدا کرتے ہیں۔ الحمد اللہ پنجاب کا ریونیو ایک ٹریلین روپے ہے۔ دوسرے صوبوں سے پراجیکٹ شیئر کر کے خوشی ہوتی ہے۔ عوامی فلاحی پراجیکٹ کیلئے ہر صوبے کے ساتھ تعاون کیلئے ہمیشہ تیار رہتے ہیں۔ بلوچستان نے سیف سٹی پراجیکٹ میں معاونت کی درخواست کی تھی۔ کے پی کے کو 15 کالنگ سسٹم کے بارے میں شیئر کیا۔ کینال کا معاملہ سی سی آئی میں ہے۔ پنجاب اپنے آبی ذخائر کے ساتھ کیا کرتا ہے، یہ ہمارا مسئلہ ہے۔ ٹیلی میٹری سسٹم کے ذریعے آبی ذخائر کی مانیٹرنگ پر مثبت جواب نہیں ملتا۔ میں کبھی کسی کے اختیارات اور معاملات میں دخل نہیں دیتی۔ نہری اصلاحات کو سیاسی معاملہ نہیں بنانا چاہیے۔ میں پنجاب کے معاملات کی ذمہ دار ہوں اوراس کیلئے فائٹ بھی کروں گی۔ پنجاب کے حق کے معاملے میں میرا موقف واضح ہے۔ نوازشریف اورشہبازشریف میرے لئے ہمیشہ مشعل را ہ ہیں۔ روایات پر یقین نہیں کیا بلکہ اپنی راہ خود متعین کی۔ ستھرا پنجاب دنیا کا سب سے بڑا ویسٹ مینجمنٹ پروگرام ہے۔ منصب سنبھالا تو امن و امان کی صورتحال دگرگوں تھی، اب پنجاب محفوظ جگہ ہے۔ تاریخ کا بدترین سیلاب آیا لیکن ہم نے تاریخ کا سب سے بڑا انخلاء آپریشن کامیابی سے مکمل کیا۔ ہمارے مراکز صحت کا موازنہ اب کسی بھی یورپی کلینک کے معیار سے کیا جا سکتا ہے۔ مہنگا ہونے کے باوجود پنجاب میں کینسر کے مریضوں کا کو ابلیشن مشین سے علاج کریں گے۔ سموگ سے بچاؤ کیلئے 15سموگ گن مشینیں امپورٹ کی گئی ہیں۔ پنجاب کے 500دیہات کو پہلے مرحلے میں ڈویلپ کیا جارہا ہے۔ دوسرے صوبوں کے لوگ بہتر مواقع کیلئے پنجاب کارخ کرتے ہیں۔ دوسری جانب مریم نواز نے لاہور کے لئے مزید 40 الیکٹرو بسوں کا تحفہ دے دیا۔ مریم نواز نے لاہور الیکٹرو بس فیز ٹو کا افتتاح کردیا۔ ایکسپو سینٹر آمد پر وزیراعلی کا والہانہ استقبال کیا گیا۔ تقریب گاہ میں گھنٹوں قبل ہی عوام کا بے پناہ ر ش تھا۔ وزیراعلیٰ جب ایکسپو سینٹر پہنچیں تو جگہ جگہ گل پاشی کی گئی۔ مریم نواز کی گاڑی پھولوں کی پتیوں سے لد گئی۔ کارکن پارٹی پرچم لیکر نعرے لگاتے رہے۔ الیکٹرو بس فیز ٹو میں 2 نئے روٹ پر چلائی جائے گی۔
افغانستان کی سرزمین کسی دوسرے ملک کیخلاف استعمال نہیں ہونے دی جائے گی، عبوری حکومت