الفا براوو چارلی کے قاسم کی سزا سے شہرت تک کی کہانی
اشاعت کی تاریخ: 18th, May 2025 GMT
ایک سزا نے مشہور ڈرامہ الفا براوو چارلی کے کردار قاسم کی قسمت بدل دی، جو ایک سزا سے شہرت تک جا پہنچی۔
ماضی کے مقبول ترین آئی ایس پی آر کے ڈراموں سنہرے دن اور الفا براوو چارلی میں یادگار کردار گُل شیر سے شہرت پانے والے کرنل (ر) قاسم شاہ نے حال ہی میں ایک ٹی وی پروگرام میں اپنی زندگی کا وہ دلچسپ اور انوکھا واقعہ سنایا جس نے اُنہیں عام کیڈٹ سے ٹی وی کے اسٹار میں بدل دیا۔
نجی ٹی وی کے پروگرام میں گفتگو کرتے ہوئے کرنل قاسم نے انکشاف کیا کہ یہ سب کچھ ایک سزا سے شروع ہوا تھا۔
انہوں نے کہا کہ ایک بار پی ایم اے میں مجھے سزا ملی اور سب کیڈٹس کی چھٹی کے دوران مجھے اکیلا اکیڈمی میں رہنا پڑا، ہمارے ہاں سزا کی کوئی خاص منطق نہیں ہوتی، ایک دن کمانڈر نے مجھے بلایا اور کہا کہ دو دن کے لیے شوکت منصور صاحب کے ساتھ رہنا ہے، میں نے اُنہیں اکیڈمی کے مختلف شعبے دکھائے سب کچھ سمجھایا، وہ مسلسل مجھے دیکھتے رہے اور مسکراتے رہے مجھے عجیب سا لگ رہا تھا، انہوں نے بڑی عزت سے بات کی جو میرے لیے غیر معمولی بات تھی۔
کرنل (ر) قاسم شاہ نے بتایا کہ 2 ماہ بعد انہیں اکیڈمی ہیڈکوارٹر میں بلا لیا گیا۔
انہوں کہا کہ مجھے لگا کہ کوئی غلطی ہو گئی ہے، لیکن وہاں سے مجھے ایک اور مقام پر بھیجا گیا جہاں شوکت منصور، محسن رضوی، سلیم شیخ، فراز اور کاشف پہلے سے موجود تھے، میں اندر گیا تو سب نے پرتپاک انداز میں خوش آمدید کہا اور مجھے ایک اسکرپٹ تھما دیا، میں گھبرا گیا تھا مگر جیسے ہی مکالمے بولے تو سب اچھل پڑے اور کہا ہمیں گُل شیر مل گیا۔
یہ وہ لمحہ تھا جہاں ایک فوجی کیڈٹ کی زندگی نے نیا موڑ لیا اور قاسم شاہ الفا براوو چارلی جیسے شاہکار ڈرامے کا حصہ بنے۔
Post Views: 4.ذریعہ: Daily Mumtaz
پڑھیں:
’نئے فون کا ٹیکس ادا کرنے کے لیے پرانا فون بیچنا پڑا‘، قاسم گیلانی کی پوسٹ پر شدید تنقید
پاکستان میں آئی فون کے شوقین افراد کی کمی نہیں، تاہم اس کے لیے بھاری بھرکم پی ٹی اے ٹیکس عام صارفین کے لیے ایک بڑا چیلنج بن چکا ہے۔ بہت سے شہریوں کے لیے یہ ٹیکس ادا کرنا ممکن نہیں ہوتا، جس کے باعث وہ یا تو نان پی ٹی اے فون استعمال کرتے ہیں یا مجبوری کے تحت ٹیکس ادا کرنے پر مجبور ہو جاتے ہیں۔
اسی تناظر میں چیئرمین سینیٹ اور سابق وزیرِاعظم سید یوسف رضا گیلانی کے صاحبزادے اور رکنِ قومی اسمبلی قاسم گیلانی نے سماجی رابطے کی ویب سائٹ ایکس پر ایک پوسٹ میں انکشاف کیا کہ انہیں اپنے نئے فون کا پی ٹی اے ٹیکس ادا کرنے کے لیے پرانا فون بیچنا پڑا۔
I had to sell my old phone just to pay the PTA tax on my new one. ????
— Kasim Gilani (@KasimGillani) November 3, 2025
قاسم گیلانی کی اس پوسٹ پر صارفین کی جانب سے دلچسپ تبصرے سامنے آئے۔ کچھ صارفین نے اس صورتحال پر حکومت کی پالیسیوں کو تنقید کا نشانہ بنایا، جبکہ دیگر نے طنزیہ انداز میں کہا کہ اگر ایک رکنِ اسمبلی کو بھی فون کا ٹیکس ادا کرنے کے لیے پرانا فون بیچنا پڑے تو عام شہریوں کی مشکلات کا اندازہ لگانا مشکل نہیں۔
ارشد گجر نے قاسم گیلانی کو تنقید کا نشانہ بناتے ہوئے لکھا کہ آپ حکومت میں ہیں ڈرامے نہ کریں بلکہ ٹیکس کم کرائیں۔
Govt main ho yh dramy na kero tax km kerwao
— Gujjar???????? (@ARRSHAD_GUJJAR) November 3, 2025
ایک صارف نے کہا کہ اگر آپ کا یہ حال ہے تو سوچیں عام عوام کا کیا حال ہو گا۔
Kasim bhai apka ya hal hai sochen hamara kiya hal hoga ????????
— hopelesshuman (@evaeva056) November 3, 2025
پی ٹی آئی کے حامی ایک سوشل میڈیا صارف کا کہنا تھا کہ اس کا ذمہ دار بھی عمران خان ہو گا۔
اس کا بھی زمہ دار عمران خان ہو گا۔۔ https://t.co/kyUQmqSG8j
— مسافر لوگ (@msafr10809) November 3, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون پیپلز پارٹی علی موسیٰ گیلانی
کوئٹہ، خاتون ٹیچر کے قتل میں ملوث مرکزی ملزم گرفتار