لاہور میں خواجہ سرا کے اندوہناک قتل کا مقدمہ درج
اشاعت کی تاریخ: 18th, May 2025 GMT
لاہور:
فیصل ٹاؤن میں خواجہ سرا کے قتل کا مقدمہ پولیس نے بھائی کی مدعیت میں درج کرلیا۔
پولیس کے مطابق 20 سالہ خواجہ سرا زمان عرف پلوشہ کو گلا کاٹ کر قتل کیا گیا، واقعہ ایل ڈی اے فلیٹس میں پیش آیا۔
پولیس نے لاش پورسٹمارٹم کے لیے منتقل کرکے تفتیش شروع کردی ہے، خواجہ سرا کو اس کے فلیٹ پر تیز دھار آلہ سے قتل کیا گیا۔
ایس ایچ او فیصل ٹاؤن افضال رؤف کا کہنا ہے کہ مقدمہ نامعلوم شخص کے خلاف قتل کی دفعات کے تحت درج کیا گیا ہے، پولیس کیمروں اور ہیومن انٹیلی جنس کی مدد سے ملزم کی تلاش کر رہی ہے۔
.ذریعہ: Express News
کلیدی لفظ: خواجہ سرا
پڑھیں:
یومِ تشکر کے موقع پر لاہور پولیس کا سیکیورٹی پلان جاری
لاہور:پاکستان کی بھارت کے خلاف تاریخی فتح کے موقع پر منائے جانے والے یومِ تشکر کے لیے لاہور پولیس نے جامع سیکیورٹی پلان تشکیل دے دیا ہے۔
سی سی پی او لاہور بلال صدیق کمیانہ کے مطابق یومِ تشکر کی تقریبات، ریلیوں اور جمعہ کے اجتماعات کو مکمل سیکیورٹی فراہم کی جا رہی ہے۔
پولیس ترجمان کے مطابق، شہر بھر کی مساجد میں قرآن خوانی، دعائیہ تقاریب اور ریلیوں کے دوران سکیورٹی کے سخت انتظامات کیے گئے ہیں، جبکہ اقلیتی برادری کی عبادت گاہوں کو بھی مکمل تحفظ فراہم کیا جا رہا ہے۔
سی سی پی او نے افسران و اہلکاروں کو ہدایت کی ہے کہ وہ مشکوک سرگرمیوں پر کڑی نظر رکھیں اور ہر وقت الرٹ رہیں۔
ڈولفن اسکواڈ، پی آر یو اور ایلیٹ فورس کی ٹیموں کو اہم مقامات، مساجد اور عبادت گاہوں کے اطراف موثر پٹرولنگ یقینی بنانے کی ہدایت دی گئی ہے۔
شہریوں کی سہولت کے لیے سڑکوں، چوراہوں اور مرکزی شاہراہوں پر ٹریفک کی روانی برقرار رکھنے کے بھی خصوصی انتظامات کیے گئے ہیں۔
سی سی پی او لاہور بلال صدیق کمیانہ نے مزید کہا کہ لاہور پولیس شہریوں کی جان و مال کے تحفظ کے لیے ہمہ وقت سرگرم عمل ہے۔
پاکستان بھر میں آج بھی 150 پروازیں منسوخ