شدید طوفان سے 28 افراد مارےگئے
اشاعت کی تاریخ: 19th, May 2025 GMT
شدید طوفان سے 28 افراد جاں بحق ہو گئے۔وسطی اور مشرقی امریکہ میں مہلک طوفان، بگولوں سے 28 افراد جاں بحق ہونے کی تصدیق ہو چکی ہے۔
شدید موسم کا ایک نیا دور دو دن پہلے پاکستان میں ہفتہ کے روز جان لیوا بن گیا جس میں وسطی ریاستہائے متحدہ امریکہ میں متعدد طوفانوں نے تباہی مچائی، ان طوفانوں میں الینوائے سٹیٹ میں ایک اچانک اور نایاب طوفان کی پیداکردہ ہنگامی صورتحال بھی شامل ہے۔
امریکہ کی وسطی اور مشرقی ریاستوں میں 16 مئی کی شام کو شدید موسم میں کئی بگولے شامل تھے، ان بگولوں نے عمارتوں اور درختوں کو بے پناہ نقصان پہنچایا۔ متاثرہ شہر متاثرین کی بازیابی اور نقصان کا اندازہ لگانے کے عمل میں ہیں۔وسطی ریاستہائے متحدہ میں جمعہ کے آخر سے ہفتہ تک شدید موسم کی تباہ کن لہر کے بعد کم از کم 28 افراد ہلاک اور درجنوں زخمی ہو گئے۔
وسطی امریکہ کی چار سٹیٹس میسوری، کینٹکی، الینوائے اور انڈیانا سٹیٹ میں بڑے بگولوں کی اطلاع ملی ہے، بگولوں سے سخت متاثرہ علاقے جنوب مشرقی کینٹکی میں زیادہ تر ہلاکتوں کی اطلاع ہے۔ کینٹکی کے گورنر اینڈی بیشیر کے مطابق ریاست میں شدید موسم کی وجہ سے 18 ہلاکتوں کی تصدیق ہوئی ہے۔ طوفان سے مرنے والوں میں لاریل کاؤنٹی میں 17 اور پلاسکی کاؤنٹی میں ایک شخص شامل ہے۔
لیکسنگٹن سے تقریباً 75 میل جنوب میں واقع لندن کے قصبے سے ہفتے کے روز پہلی روشنی میں سامنے آنے والی تصاویر میں دکھایا گیا ہے کہ پورے محلے ٹوٹے پھوٹے لکڑیوں اور ملبے کے ڈھیروں میں گھرے ہوئے ہیں، بجلی کی تاریں گری ہوئی ہیں، گاڑیاں ہر طرف اُچھل رہی ہیں اور ہر جگہ فرنیچر بکھرا پڑا ہے۔
.ذریعہ: Daily Ausaf
پڑھیں:
آئندہ 24 گھنٹوں میں ملک کے کن علاقوں میں بارشیں متوقع ہیں؟ محکمہ موسمیات نے بتا دیا
محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم خشک اورچند علاقوں میں بارش کا امکان ہے۔
منگل کے روز خیبرپختونخوا، اسلام آباد، بالائی پنجاب، کشمیر اور گلگت بلتستان میں کہیں کہیں بارش، آندھی اور گرج چمک کا امکان ہے جبکہ بعض مقامات پر موسلادھار بارش اور ژالہ باری بھی ہو سکتی ہے۔ ملک کے دیگر حصوں میں موسم گرم اور خشک رہے گا۔
محکمہ موسمیات نے انتباہ جاری کرتے ہوئے کہا ہے کہ تیز آندھی، جھکڑ اور ژالہ باری کے باعث روزمرہ معمولات متاثر ہو سکتے ہیں جبکہ کچے مکانات، دیواریں، بجلی کے کھمبے، بل بورڈز، گاڑیاں اور سولر پینل وغیرہ کو نقصان پہنچنے کا خدشہ ہے۔
یہ بھی پڑھیے: آج ملک کے کن علاقوں میں بارشیں متوقع ہیں؟ محکمہ موسمیات نے بتا دیا
موسلادھار بارش کے باعث خیبرپختونخوا کے پہاڑی علاقوں، گلگت بلتستان، مری، گلیات اور کشمیر میں لینڈ سلائیڈنگ کا بھی اندیشہ ظاہر کیا گیا ہے۔ محکمہ موسمیات نے مسافروں اور سیاحوں کو محتاط رہنے اور سفر کے انتظامات موسمی حالات کے مطابق کرنے کی ہدایت دی ہے۔
گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم کشمیر کے چند مقامات پر بارش ہوئی، جس میں سب سے زیادہ بارش مظفرآباد میں ریکارڈ کی گئی جہاں سٹی میں 06 ملی میٹر اور ائرپورٹ پر 04 ملی میٹر بارش ہوئی۔
پیر کو سب سے زیادہ درجہ حرارت دالبندین، نوکنڈی اور سبی میں ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آندھی بارش سیلاب موسم
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ