بھارت: پاکستان کے لیے جاسوسی کے الزام میں گیارہ شہری گرفتار
اشاعت کی تاریخ: 20th, May 2025 GMT
اسلام آباد (اُردو پوائنٹ ۔ DW اردو۔ 20 مئی 2025ء) بھارت میں پاکستان کے لیے جاسوسی کے الزام میں گیارہ افراد گرفتار
پاکستان کے لیے جاسوسی کا الزام، بھارت میں گیارہ افراد گرفتاربھارتی حکام نے پاکستان کے لیے مبینہ طور پر جاسوسی کے الزام میں کم از کم 11 بھارتی شہریوں کو گرفتار کر لیا ہے۔ یہ گرفتاریاں بھارت اور پاکستان کے درمیان حالیہ برسوں کی شدید ترین کشیدگی کے بعد عمل میں آئی ہیں۔
مقامی میڈیا نے پولیس ذرائع کے حوالے سے ان گرفتاریوں کی تصدیق کی ہے۔رواں ماہ کے اوائل میں دونوں ممالک کے مابین جھڑپوں میں کم از کم 60 افراد ہلاک ہوئے تھے۔ یہ لڑائی 22 اپریل کو بھارت کے زیرِ انتظام کشمیر میں سیاحوں پر ہونے والے حملے کے بعد شروع ہوئی تھی، جس کا الزام نئی دہلی نے اسلام آباد پر عائد کیا، تاہم پاکستان نے اس الزام کی سختی سے تردید کی ہے۔
(جاری ہے)
بھارتی نشریاتی ادارے این ڈی ٹی وی کے مطابق پنجاب، ہریانہ اور اتر پردیش کی ریاستوں سے نو مبینہ ’’جاسوسوں‘‘ کو گرفتار کیا گیا ہے۔ پنجاب کے ڈائریکٹر جنرل پولیس گورو یادیو نے پیر کے روز بتایا کہ ان کی ٹیم نے دو افراد کو حساس فوجی معلومات افشاء کرنے کے الزام میں حراست میں لیا ہے۔
پولیس کے مطابق ان دونوں افراد کے خلاف خفیہ معلومات پر کارروائی کی گئی۔
ابتدائی تحقیقات میں انکشاف ہوا ہے کہ دونوں افراد پاکستانی انٹیلی جنس ادارے آئی ایس آئی کے اہلکاروں سے براہِ راست رابطے میں تھے اور انہوں نے بھارتی مسلح افواج سے متعلق اہم معلومات پاکستان منتقل کیں۔ ان میں خاص طور پر چھ اور سات مئی کی درمیانی شب نئی دہلی کی جانب سے پاکستان کے اندر کیے گئے مبینہ فضائی حملوں سے متعلق معلومات شامل تھیں۔ہریانہ میں پولیس نے گزشتہ ہفتے ایک خاتون ٹریول بلاگر کو بھی گرفتار کیا ہے، جس پر بھی اسی نوعیت کے الزامات عائد کیے گئے ہیں۔ مقامی میڈیا کے مطابق مذکورہ خاتون کم از کم دو بار پاکستان کا دورہ کر چکی ہیں اور وہاں پاکستانی سفارتخانے کے ایک اہلکار سے ان کے رابطے رہے ہیں۔
گرفتار ہونے والوں میں ایک طالبعلم، ایک سکیورٹی گارڈ اور ایک تاجر بھی شامل ہے۔
’’انڈیا ٹوڈے‘‘ کے مطابق اب تک 11 افراد کو حراست میں لیا جا چکا ہے۔ رپورٹ کے مطابق ان افراد کو سوشل میڈیا، مالی فوائد، جھوٹے وعدوں، میسیجنگ ایپس اور ذاتی دوروں کے ذریعے جاسوسی کے نیٹ ورک میں شامل کیا گیا۔یہ گرفتاریاں بھارت اور پاکستان کے درمیان 1999 کے بعد سب سے سنگین کشیدگی کے فوراً بعد عمل میں آئی ہیں۔ دونوں ایٹمی طاقتوں کے مابین میزائل، ڈرون اور توپ خانے کے حملوں پر مشتمل چار روزہ شدید جھڑپوں کے بعد جنگ کے خطرے کو بھانپتے ہوئے جنگ بندی پر اتفاق ہوا تھا۔
شکور رحیم اے ایف پی کے ساتھ
ادارت: کشور مصطفیٰ
ذریعہ: UrduPoint
کلیدی لفظ: تلاش کیجئے پاکستان کے لیے کے الزام میں جاسوسی کے کے مطابق کے بعد
پڑھیں:
برطانیہ؛ مصری نژاد شہری کو انسانی اسمگلنگ کے الزام میں 25 سال قید
برطانیہ میں مقیم احمد ایبِد نامی مصری باشندے نے 2022 سے 2023 کے درمیان 3 ہزار 800 سے زائد تارکین وطن کو غیر قانونی طریقے سے یورپ منتقل کیا تھا۔
عالمی خبر رساں ادارے کے مطابق برطانیہ کی ساؤتھ وارک کراؤن کورٹ نے 42 سالہ مصری نژاد احمد ایبد کو 25 سال قید کی سزا سنائی ہے۔
عدالت نے فیصلے میں لکھا کی احمد ایبد کا انسانی اسمگلنگ کے ذریعے کسی کو روزگار فراہم کرنا نہیں بلکہ صرف پیسا کمانا تھا چاہے اس میں تارکین وطن کی جان ہی کیوں نہ چلی جائے۔
مصری شخص پر الزام تھا کہ اس نے 3 ہزار 800 تارکین وطن کو غیر محفوظ اور غیر قانونی طریقے سے براستہ بحیرہ روم برطانیہ اور یورپ منتقل کیا۔
احمد ایبد پر یہ الزام بھی تھا کہ اس نے رشوت، دھمکیوں اور تشدد کے ذریعے انسانی جانوں کو خطرے میں ڈال کر صرف مالی مفاد حاصل کرنا چاہا تھا۔
برطانوی انویسٹی گیشن اداروں کو تحقیقات کے دوران پتہ چلا کہ احمد ایبد نے نہ صرف سیکیورٹی حکام کو رشوت دی بلکہ اپنے ساتھیوں کو حکم دیا کہ کسی تارک وطن کے پاس فون ہوتو اسے قتل کر کے سمندر میں پھینک دیں۔
واضح رہے کہ برطانیہ کی نئی حکومت نے انسانی اسمگلنگ جیسے سنگین جرائم میں ملوث افراد کے خلاف سخت کارروائی کا فیصلہ کیا ہے۔
دنیا کے غریب ترین صدر خوسے موہیکا کی جدوجہد بھری زندگی کا اختتام