واشنگٹن میں اسرائیلی سفارت خانے کے دو ملازم فائرنگ میں ہلاک
اشاعت کی تاریخ: 22nd, May 2025 GMT
اسلام آباد (اُردو پوائنٹ ۔ DW اردو۔ 22 مئی 2025ء) امریکی دارالحکومت واشنگٹن میں بدھ کی رات کو ’کیپیٹل جیوئش میوزیم‘ کے باہر دو افراد کو گولی مار کر ہلاک کر دیا گیا، جن میں ایک اسرائیلی سفارتکار بھی شامل ہے۔
واشنگٹن میں میٹروپولیٹن پولیس کی سربراہ پامیلا اسمتھ نے ایک نیوز کانفرنس میں بتایا کہ دونوں ہلاک شدگان، جن میں سے ایک مرد تھا اور دوسری ایک خاتون، میوزیم میں ہونے والی ایک تقریب میں شرکت کے بعد باہر نکل رہے تھے کہ ایک 30 سالہ مشتبہ شخص نے چار افراد کے ایک گروپ کے پاس پہنچ کر فائرنگ کر دی۔
پامیلا اسمتھ نے بتایا کہ فائرنگ کے بعد موقع پر موجود سکیورٹی حکام نے مشتبہ شخص کو حراست میں لے لیا۔ انہوں نے بتایا کہ جب اسے حراست میں لیا گیا، تو مشتبہ حملہ آور نے نعرہ لگانا شروع کر دیا: ’’فلسطین کو آزاد کرو۔
(جاری ہے)
‘‘
آؤشوٹس کی موت کی چمنی، سفید دھواں اور سرخ آسمان
یہودیوں کو نقصان پہنچانا سرخ لکیر کو عبور کرنا ہےاسرائیلی صدر آئزک ہرزوگ نے اس واقعے پر اپنے رد عمل میں کہا کہ واشنگٹن کے مناظر نے ان کا دل دہلا دیا ہے۔
انہوں نے ایک بیان میں کہا، ’’یہ نفرت اور سامیت دشمنی کا ایک قابل نفرت عمل ہے، جس نے اسرائیلی سفارت خانے کے دو نوجوان ملازمین کی جانیں لے لی ہیں۔‘‘انہوں نے مزید کہا، ’’ہم واشنگٹن ڈی سی اور پورے امریکہ میں یہودی برادری کے ساتھ کھڑے ہیں۔ امریکہ اور اسرائیل، ہمارے لوگوں اور ہماری مشترکہ اقدار کے دفاع میں، متحد رہیں گے۔
دہشت گردی اور نفرت ہمیں نہیں توڑ سکے گی۔‘‘اقوام متحدہ میں اسرائیل کے سفیر ڈینی ڈینن نے اس حملے کے بارے میں کہا کہ یہ ہلاکت خیز فائرنگ ’’سامیت مخالف دہشت گردی کی ایک گھٹیا حرکت ہے۔‘‘
انہوں نے سوشل میڈیا پلیٹ فارم ایکس پر لکھا، ’’یہودی برادری کو نقصان پہنچانا ایک سرخ لکیر عبور کرنے کے مانند ہے۔
‘‘جرمنی میں گزشتہ برس اسلام مخالف جرائم کی تعداد دگنی، رپورٹ
ان کا مزید کہنا تھا، ’’ہمیں یقین ہے کہ امریکی حکام اس مجرمانہ فعل کے ذمہ داروں کے خلاف سخت کارروائی کریں گے۔ اسرائیل اپنے شہریوں اور نمائندوں کے تحفظ کے لیے پوری دنیا میں ہر جگہ پرعزم طور پر کارروائی کرتا رہے گا۔‘‘
امریکہ کا ذمہ داروں کو سزا دینے کا عزمامریکی صدر ڈونلڈ ٹرمپ نے بھی ان ہلاکتوں کی مذمت کی اور کہا، ’’یہ خوفناک ہلاکتیں، جو ظاہر ہے کہ سامیت دشمنی پر مبنی ہیں، اب ختم ہو جانا چاہییں۔
امریکہ میں نفرت اور بنیاد پرستی کے لیے کوئی جگہ نہیں ہے۔‘‘امریکی وزیر خارجہ مارکو روبیو نے ایکس پر لکھا کہ حکام ہلاکت خیز فائرنگ کے ذمہ داروں کا سراغ لگائیں گے۔ ’’یہ بزدلانہ، سامیت دشمنی پر مبنی تشدد کا ایک ڈھٹائی والا کام ہے۔ کوئی غلط فہمی میں نہ رہے، ہم ذمہ داروں کا سراغ لگا کر انہیں انصاف کے کٹہرے میں لائیں گے۔
‘‘اسلاموفوبیا اور نسل پرستی: برطانوی سیاست دان کی پارلیمانی پارٹی کی رکنیت معطل
امریکی اٹارنی جنرل پامیلا بونڈی نے ایکس پر اپنی ایک پوسٹ میں لکھا: ’’میں واشنگٹن ڈی سی میں کیپیٹل جیوئش میوزیم کے باہر خوفناک فائرنگ کے منظر کے پاس ہی موجود ہوں۔ اس کے بارے میں ہم مزید معلومات کے لیے کام کر رہے ہیں اور میں تشدد سے متاثرہ افراد کے لیے دعا گو ہوں۔‘‘
ایف بی آئی کے ڈائریکٹر کاش پٹیل نے کہا کہ انہیں اور ان کی ٹیم کو اس فائرنگ کے بارے میں بریفنگ دے دی گئی ہے۔
انہوں نے ایکس پر لکھا: ’’ہم اس کا جواب دینے اور مزید معلومات کے لیے (میٹروپولیٹن پولیس ڈیپارٹمنٹ) کے ساتھ کام کر رہے ہیں۔‘‘
ادارت: مقبول ملک
.
ذریعہ
ذریعہ: UrduPoint
کلیدی لفظ: تلاش کیجئے فائرنگ کے انہوں نے ایکس پر کے لیے نے ایک
پڑھیں:
ایمنسٹی انٹرنیشنل کا نیتن یاہو کی گرفتاری کا مطالبہ، آئی سی سی میں مقدمہ چلانے پر زور
ایمنسٹی انٹرنیشنل کی سینئر عہدیدار ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان پر بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔ انہوں نے کہا کہ امریکا کو انسانی حقوق اور قانون کی حکمرانی کا احترام کرتے ہوئے عدالتی فیصلوں پر عمل درآمد یقینی بنانا چاہیے۔
ایمنسٹی انٹرنیشنل کی سینئر ڈائریکٹر برائے تحقیق، وکالت، پالیسی اور مہمات، ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان کے خلاف بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔
Instead of waging a campaign against the @IntlCrimCourt and continuing to arm a government committing genocide, US authorities should uphold human rights and respect the rule of law. @NYCMayor Mamdani is right: @netanyahu should be arrested, and brought before the International… pic.twitter.com/mai4rtENAh
— Erika Guevara Rosas (@ErikaGuevaraR) July 23, 2026
ایریکا گویرا روزاس نے سماجی رابطے کے پلیٹ فارم ایکس (سابقہ ٹوئٹر) پر اپنے بیان میں نیویارک کے میئر زوہران ممدانی کے حالیہ مؤقف کی حمایت کی، جنہوں نے کہا تھا کہ اگر بنیامین نیتن یاہو نیویارک کا دورہ کریں تو انہیں گرفتار کیا جانا چاہیے۔
یہ بھی پڑھیے نیتن یاہو جنگی مجرم، اس کی جگہ جیل ہے، ظہران ممدانی ستمبر میں اسرائیلی وزیراعظم کو گرفتار کرنے پر بضد
روزاس نے اپنے بیان میں کہا کہ امریکی حکام کو انسانی حقوق کے تحفظ اور قانون کی حکمرانی کا احترام کرنا چاہیے۔
واضح رہے کہ بین الاقوامی فوجداری عدالت (ICC) نے 2024 میں بنیامین نیتن یاہو کے خلاف غزہ میں جنگی جرائم کے الزامات کے تحت گرفتاری کے وارنٹ جاری کیے تھے۔ عدالت کا مؤقف ہے کہ غزہ میں جاری جنگ کے دوران مبینہ جنگی جرائم کے الزامات کی باقاعدہ تحقیقات اور قانونی کارروائی ضروری ہے۔
یہ بھی پڑھیے نیتن یاہو کو گرفتار کریں گے، ہنگری کے نومنتخب وزیراعظم کا بڑا اعلان
اسرائیل آئی سی سی کے الزامات کو مسترد کرتا ہے، جبکہ غزہ میں جاری جنگ اور انسانی بحران کے تناظر میں اسرائیلی قیادت کے خلاف بین الاقوامی سطح پر قانونی اور سفارتی دباؤ مسلسل بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمنسٹی انٹرنیشنل جنگی جرائم نیتن یاہو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی