خضدار حملہ ناقابل برداشت، بھارتی پراکسیز باز آ جائیں: اسحاق ڈار
اشاعت کی تاریخ: 22nd, May 2025 GMT
ویب ڈیسک: نائب وزیراعظم و وزیر خارجہ اسحاق ڈار نے خضدار میں اسکول بس پر دہشتگرد حملے کو ناقابل برداشت قرار دیتے ہوئے کہا ہے کہ بھارت کی پراکسیز ہوش کے ناخن لیں، پاکستان دہشتگردی کے مسئلے پر سنجیدہ لائحہ عمل چاہتا ہے۔
سینیٹ اجلاس میں چیئرمین یوسف رضا گیلانی کی زیر صدارت اظہار خیال کرتے ہوئے اسحاق ڈار کا کہنا تھا کہ خضدار کا واقعہ قابلِ مذمت اور افسوسناک ہے، معصوم طالبات کو نشانہ بنانا بزدلانہ اقدام ہے۔ انہوں نے کہا کہ بھارت کی سرزمین اور فضائی حدود میں جو کچھ پیش آیا وہ ان کے لیے سبق ہونا چاہیے۔
خصوصی بچوں کےسکولوں کے اوقات کار میں کمی
اسحاق ڈار کا کہنا تھا کہ وہ الزام تراشی کی سیاست سے گریز کرتے ہیں تاہم ماضی میں دہشتگردوں کو یہاں لا کر بسایا گیا اور ہم نے خود بارڈرز کھول کر چالیس ہزار افراد کو داخل ہونے دیا۔ اب وقت آ گیا ہے کہ پاکستان اور خطے سے دہشتگردی کا مکمل خاتمہ کیا جائے۔
وزیر خارجہ نے مزید بتایا کہ چین کے حالیہ دورے میں بھی دہشتگردی کا معاملہ زیر بحث آیا، عالمی برادری کو اس مسئلے کی سنگینی کا ادراک ہونا چاہیے۔
لاہور میں تیز ہوائیں چلنے سے گرمی کی شدت میں کمی
افریقہ دوستی کی قرارداد پیش:
اس موقع پر اسحاق ڈار نے سینیٹ میں پاکستان افریقہ فرینڈ شپ سے متعلق قرارداد بھی پیش کی۔ انہوں نے کہا کہ افریقی ممالک نے اپنی آزادی کی کامیاب تحریکیں چلائیں جن کی پاکستان نے ہمیشہ حمایت کی ہے۔ ان کا کہنا تھا کہ پاکستان اقوام متحدہ کی امن مشن فورس کا اہم رکن ہے اور روانڈا، گھانا، ایوری کوسٹ سمیت کئی ممالک میں پاکستانی امن دستوں نے اہم کردار ادا کیا۔
باغبانپورہ : گزشتہ 24گھنٹوں سے بجلی بند
انہوں نے اعلان کیا کہ 25 مئی کو پاکستان میں "افریقہ دوستی کا دن" کے طور پر منایا جائے گا اور پاکستان و افریقہ کے درمیان پارلیمانی سفارتکاری کو مزید فروغ دیا جائے گا۔
.ذریعہ: City 42
کلیدی لفظ: اسحاق ڈار
پڑھیں:
کل جماعتی حریت کانفرنس کا 8 جولائی کو کراچی میں جموں کشمیر بنیان مرصوص ریلی نکالنے کا اعلان
کراچی:کل جماعتی حریت کانفرنس جموں کشمیر کے جنرل سیکریٹری پرویز احمد شاہ نے کہا ہے کہ عالمی برادری جموں کشمیر میں بھارتی مظالم کا نوٹس لے۔اقوام متحدہ کی قراردادوں کے مطابق مسئلہ کشمیر حل کیا جائے ۔ شہید کشمیری رہنماء برہان وانی کی یاد اور افواج پاکستان سے اظہار یکجہتی کے لیے 8 جولائی کو آرٹس کونسل سے کراچی پریس کلب تک بنیان المرصوص ریلی نکالی جائے گی۔جس میں تمام قومی اور دیگر جماعتیں شریک ہوں گی۔اس ریلی کا واضح پیغام ہے کہ کشمیر ہمارا ہے ۔
ان خیالات کا اظہار انہوں نے ہفتہ کو کراچی پریس کلب میں پریس کانفرنس میں کیا ۔اس موقع پر کل جماعتی حریت کانفرنس کے رہنما سید نسیم یوسف ۔ایم کیوایم پاکستان کے رکن سندھ اسمبلی نجم مرزا ۔مسلم فنکشنل کے رہنماء ڈاکٹر نسیم فیروز ۔پی ٹی آئی سندھ کے نائب صدر و اقلیتی رہنماء ڈاکٹر جے پال ۔مرکزی مسلم لیگ کے رہنماء احمد ندیم ۔شیخ عبدالماجد موجود تھے ۔
انہوں نے کہا کہ اس پریس کانفرنس کا مقصد بھارتی فلیگ آپریشنز کو بے نقاب کرنا ہے۔ بھارت اپنے زیر قبضہ جموں و کشمیر میں جھوٹے فلیگ آپریشنز کو طویل عرصے سے نفسیاتی جنگ کے گھناؤنے آلات کے طور پر استعمال کررہا ہے۔ ان جھوٹےفلیگ آپریشنز کو بھارتی انٹیلی جنس ایجنسیوں نے تحریک آزادی کوختم کرنے اوربین الاقوامی سطح پر پاکستان کو بدنام کرنے کے لیے تیار کیا اور انجام دیاہے۔
ان سازشوں میں مودی حکومت ملوث ہے۔انہوں نے کہا کہ 22 مئی 2025 کو پہلگام کی خوبصورت وادی بسرین میں ایک واقعہ سامنے آیا۔جہاں 27 معصوم سیاح، جن میں خواتین اور بچے بھی شامل تھے، المناک طور پر اپنی جانوں سے ہاتھ دھو بیٹھے۔جسے بھارت نے عجلت میں دہشت گردانہ حملہ قرار دیا۔ پھر بعد میں معتبر ذرائع سے پتہ چلا کہ یہ دہشت گرد حملہ نہیں بلکہ ایک جھوٹا فلیگ آپریشن کیا گیا تھا۔ جسے خود بھارتی ایجنسیوں نے ترتیب دیا تھا۔
اس ظلم کے پیچھے بہت سے محرکات تھے۔جن میں عالمی سفارتی حلقوں میں پاکستان کو بدنام کرنا کشمیری عوام کی مقامی اور قانونی جدوجہد آزادی کو بدنام کرنا۔ہندوستانی انتخابات سے پہلے ملکی سیاسی ماحول میں ہیرا پھیری کرنا۔ انتہائی متنازعہ وقف بورڈ بل سے توجہ ہٹانے کے لیے پاکستان کو عالمی سطح طور پر تنہا کرنا اور مستقبل کی دشمنیوں کا جواز پیش کرنا شامل تھے ۔
پہلگام واقعہ اس وقت بھارت نے مرتب کیا۔جب امریکی نائب صدر بھارت کے دورے تھے۔اس واقعہ کا الزام پاکستان پر لگایا گیا۔پہلگام واقعہ کے بعد بھارت نے یکطرفہ طور پر سندھ طاس معاہدے کو معطل کر دیاہے۔انہوں نے کہا کہ پہلگام واقعے کے بعد بھارت نے پاکستان آپریشن سندھورشروع کیا۔پاکستان کی سویلین آبادی اور فوجی تنصیبات پر حملہ کیا۔
پاکستان نے اس حملے کے جواب میں بھارت کے خلاف تاریخی آپریشن بنیان المرصوص شروع کیا اور بھارت کو عبرتناک شکست دی۔پاکستان نے موثر طریقے سے عالمی سطح سفارت کاری کی اور بھارتی ڈرامے کو بے نقاب کیا۔ پاکستان نے بھارت کو باوقار اور پرعزم انداز میں دفاعی اور سفارتی سطح پر ایک مناسب اور درست جواب دیا، جس نے نہ صرف ہندوستان کے جارحانہ عزائم کو ناکام بنایا بلکہ جموں و کشمیر کے لوگوں کو ایک طاقتور پیغام بھیجاآپ اکیلے نہیں ہیں۔انہوں نے کہا کہ کل جماعتی حریت کانفرنس مسئلہ کشمیر کو حل کرنے کے لیے اپنی پرامن جدوجہد جاری رکھے گی۔
انہوں نے کہا کہ کل جماعتی حریت کانفرنس پاکستان کے عوام اور اس کی بہادر مسلح افواج کو دلی تحسین اور یکجہتی کا اظہار کرتی ہے، جنہوں نے جنگجوئی کا مقابلہ کرتے ہوئے ثابت قدمی اور استقامت کے ساتھ کھڑے ہو کر نہ صرف قومی وقار کو بحال کیا بلکہ مقبوضہ کشمیر کے مظلوم عوام میں امید بھی بحال کی۔انہوں نے کہا کہ 8 جولائی 2016 کو تحریک آزادی کے نوجوان، بہادر اور بصیرت رکھنے والے رہنما برہان مظفر وانی کو بھارتی قابض افواج نے شہید کر دیا تھا۔ ان کی شہادت نے جدوجہد کو خاموش نہیں کیا بلکہ سلگایا ہے۔
پلوامہ کی پہاڑیوں سے لے کر سری نگر کی گلیوں تک برہان وانی دفاع، وقار اور اٹوٹ جذبے کی علامت بن گیاہے۔ ہندوستانی ریاست نے اس کے بعد سے اس کا نام تاریخ سے مٹانے، اس کی میراث کو ناپاک کرنے اور اس مٹی کے بیٹے کی یاد کو کچلنے کی بھرپور کوشش کی جس میں وہ ناکام رہا ہے ۔ ان کی عظیم قربانی کے اعزاز میں اور کشمیری عوام کی مسلسل لچک کے اعتراف میں کل جماعتی حریت کانفرنس جموں و کشمیر بنیان المرصوص عوامی ریلی نکالے گی۔جو 8 کو شام 4:00 بجے کراچی آرٹس کونسل سے کراچی پریس کلب تک منعقدہوگی۔
یہ ریلی شہید برہان وانی کی وراثت کی یاد دلائے گی اور پاکستان کی مسلح افواج کے ساتھ اظہار یکجہتی کرے گی، جنہوں نے بھارت کے تسلط کا بھرم توڑ دیا اور نہ صرف کشمیر بلکہ دنیا بھر کی مظلوم اقوام میں مزاحمت کا جذبہ بیدار کیاہے۔پریس کانفرنس میں شریک تمام جماعتوں کے رہنمائوں نے اس ریلی کی حمایت کا اعلان کیا۔
پشاور میں جھگڑے کے دوران اسلحے کا آزادانہ استعمال، ٹیوشن جانے والا بچہ گولی لگنے سے جاں بحق