وزیر صحت مصطفی کمال کی فلسطینی ہم منصب سے ملاقات، فلسطینی کاز سے پاکستانی غیر متزلزل عزم کا اعادہ
اشاعت کی تاریخ: 22nd, May 2025 GMT
وزیر صحت مصطفی کمال نے فلسطینی ہم منصب سے ملاقات کی اور فلسطینی کاز سے پاکستان کے غیر متزلزل عزم کا اعادہ کیا۔
رپورٹ کے مطابق ملاقات عالمی ادارہ صحت کی اسمبلی کے موقع پر ہوئی، اس موقع پعر مصطفی کمال نے وزیراعظم شہباز شریف کا پیغام فلسطینی ہم منصب کو پہنچایا اور فلسطینی کاز سے پاکستان کے غیر متزلزل عزم کا اعادہ کیا۔
فلسطینی وزیر نے پاکستان کی تاریخی حمایت کو سراہا، مصطفی کمال نے کہا کہ پوری پاکستانی قوم بہادر فلسطینی عوام کے ساتھ کھڑی ہے۔
ملاقات میں غزہ کے لیے طبی و انسانی امداد پر تبادلہ خیال ہوا، دونوں وزرا کی انسانی ہمدردی کے عملی اقدامات پر گفتگو ہوئی۔
مصطفی کمال نے کہا کہ عوام کو طبی اور انسانی امداد فراہم کرنے کے مختلف طریقوں پر تبادلہ خیال کیا ہے، ورلڈ ہیلتھ اسمبلی کے اجلاس میں عالمی دنیا کی توجہ اسرائیل کی غزہ میں جاری جارحیت پر مبذول کروائی ہے۔
مصطفی کمال نے کہا کہ پاکستان فلسطین، خصوصاً غزہ کے خلاف اسرائیلی جارحیت کی شدید ترین الفاظ میں مذمت کرتا ہے، اسرائیل کا اسپتالوں اور طبی عملے کو جان بوجھ کر نشانہ بنانا انتہائی افسوس ناک عمل ہے، یہ نسل کشی پر مبنی مہم اور مظالم فوری طور پر بند ہونے چاہیں۔
.
ذریعہ
ذریعہ: Express News
کلیدی لفظ: مصطفی کمال
پڑھیں:
محسن نقوی سے فیصل کریم کنڈی کی ملاقات، سکیورٹی چیلنجز سے آگاہ کیا
اسلام آباد میں وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔ اسلام ٹائمز۔ وفاقی وزیر داخلہ سے گورنر خیبر پختونخوا فیصل کریم کنڈی کی ملاقات ہوئی۔ دونوں راہنماؤں کے درمیاں ملاقات میں خیبر پختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیا گیا۔ ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا، گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا۔ وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔
محسن نقوی نے کہا کہ خیبر پختونخوا میں قیام امن کیلئے سکیورٹی فورسز کی قربانیاں ناقابل فراموش ہیں، وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔ اس موقع پر وفاقی وزیر داخلہ محسن نقوی نے صوبہ خیبر پختونخوا میں امن و استحکام کے لیے ہر ممکن تعاون کی یقین دہانی کرائی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ