این ڈی ایم اے نے ممکنہ موسمی صورتحال پر ایڈوائزری جاری
اشاعت کی تاریخ: 23rd, May 2025 GMT
این ڈی ایم اے کی جانب سے موسمی صورتحال پر جاری ایڈوائزری کے مطابق پنجاب اور خیبر پختونخوا کے مختلف اضلاع میں تیز ہواؤں، آندھی اور گرج چمک کے ساتھ بارش کا امکان ہے۔ راولپنڈی، اسلام آباد سمیت پنجاب کے بیشتر شہروں میں آندھی، طوفان، گرج چمک کے ساتھ بارش متوقع ہے۔ اسلام ٹائمز۔ این ڈی ایم اے نے اگلے 12 تا 36 گھنٹے کے دوران ممکنہ موسمی صورتحال پر ایڈوائزری جاری کر دی۔ ایڈوائزری کے مطابق پنجاب اور خیبر پختونخوا کے مختلف اضلاع میں تیز ہواؤں، آندھی اور گرج چمک کے ساتھ بارش کا امکان ہے۔ راولپنڈی، اسلام آباد سمیت پنجاب کے بیشتر شہروں میں آندھی، طوفان، گرج چمک کے ساتھ بارش متوقع ہے، اٹک، جہلم، چکوال، میانوالی، سیالکوٹ، فیصل آباد، سرگودھا، گوجرانوالہ، گجرات، لاہور اور نارووال میں بھی بارش کا امکان ہے۔
خیبرپختونخوا کے مختلف علاقوں بشمول چترال، بٹگرام، کوہستان، کوہاٹ، کرم، بنوں میں بھی اگلے 12 سے 36 گھنٹے کے دوران بارش متوقع ہے۔ مردان، پشاور، صوابی، چارسدہ، نوشہرہ، مانسہرہ، ابیٹ آباد میں بھی آندھی، طوفان، گرج چمک کے بارش کا امکان ہے، ممکنہ ہنگامی صورتحال سے نمٹنے کے لیے پیشگی اقدامات کو یقینی بنایا جائے۔
ذریعہ: Islam Times
کلیدی لفظ: گرج چمک کے ساتھ بارش بارش کا امکان ہے
پڑھیں:
محکمہ موسمیات کی آج اور کل ملک کے مختلف علاقوں میں تیز ہواؤں اور گرج چمک کیساتھ بارش کی پیشگوئی
جڑواں شہروں میں رات بھر وقفے وقفے سے بارش نے موسم خوشگوار بنا دیا جب کہ محکمہ موسمیات کا کہنا ہے کہ 6 اور 7 جولائی کو اسلام آباد ملک کے مختلف علاقوں میں میں تیز ہواؤں اور گرج چمک کے ساتھ بارش کی توقع ہے۔
محکمہ موسمیات کا کہنا ہے اس دوران کشمیر، شمال مشرقی پنجاب ، خطہ پوٹھوہار اور بالائی خیبر پختونخواہ میں چند مقامات پر تیز /موسلادھار بارش بھی متوقع ہے۔
بیان میں کہا گیا کہ 06 اور07 جولائی کے دوران موسلا دھار، شدید موسلادھار بارش کے باعث مری، گلیات، مانسہرہ، کوہستان،ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، اسلام آباد/راولپنڈی، ڈی جی خان، شمال مشرقی پنجاب ،کشمیر اور بلوچستان کے مقامی / بر ساتی ندی نالوں میں طغیانی کا خدشہ ہے۔
شدید بارشوں کے باعث خیبرپختونخوا، مری، گلیات اورکشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے، شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ ہے، عوام الناس کو احتیاط کی ہدایت کی ہے۔
محکمہ موسمیات کا مزید کہنا ہے اسلام آباد اور گردونواح میں موسم گرم اور شدید حبس / مطلع جزوی ابر آلود رہنے کے علاوہ تیز ہواؤں / گرج چمک کے ساتھ بارش اور چند مقامات پر تیز/موسلادھار بارش بھی متوقع ہے۔
اس کے علاوہ خیبرپختونخوا کے بیشتر اضلاع میں موسم گرم اور شدید حبس / مطلع جزوی ابر آلود رہنے کا امکان ہے، تاہم دیر، چترال، سوات، کوہستان، مالاکنڈ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، باجوڑ، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں تیز ہواؤں اور گرج چمک کے ساتھ بارش کا امکان ہے۔
اس دوران چند مقامات پر تیز /موسلادھار بارش بھی متوقع ہے پنجاب کے بیشتر اضلاع میں موسم گرم اور شدید حبس / مطلع جزوی ابر آلود رہنے کا امکان ہے، تاہم مری، گلیات ، راولپنڈی، جہلم، اٹک، چکوال، گجرات، گوجرانوالہ، حافظ آباد، سیالکوٹ، نارووال، لاہور،شیخوپورہ، قصور، منڈی بہاؤالدین، چنیوٹ اوراوکاڑہ میں تیز ہواؤں اور گرج چمک کے ساتھ بارش جبکہ چند مقامات پر تیز /موسلادھار بارش متوقع ہے۔
بیان کے مطابق ساہیوال، جھنگ، ٹوبہ ٹیک سنگھ،ننکانہ صاحب، چنیوٹ، فیصل آباد ، خوشاب، سرگودھا، ملتان، خانیوال، بہاولپور، بہاولنگر، ڈی جی خان اورگردونواح میں چند مقامات پر تیز ہواؤں اور گرج چمک کے ساتھ بارش کی توقع ہے۔
سندھ کے بیشتر اضلاع میں موسم گرم اور شدید حبس رہنے کاامکان ہے، تاہم تھر پارکر، عمر کوٹ، مٹھی، سانگھڑ، خیرپور ،میر پور خاص، دادو اور گردونواح میں تیز ہواؤں اور گرج چمک کے ساتھ چند مقامات پر بارش بھی متوقع ہے، اس دوران ساحلی علاقوں سمیت کراچی میں ہلکی بارش/بونداباندی ہو سکتی ہے۔
دوسری جانب گزشتہ رات جڑواں شہروں میں موسلادھار بارش سے گرمی کی شدت ٹوٹ گئی، سب سے زیادہ بارش اسلام آباد سید پور میں 131 ملی میٹر ریکارڈ ہوئی، نالہ لئی 15 فٹ تک بلند ہوا۔
راولپنڈی اسلام آباد میں موسلا دھار بارش کا سلسلہ رات سے صبح تک وقفے وقفے سے جاری رہا محکمہ موسمیات کے مطابق گولڑہ 81 اور شمس آباد میں 34 ملی میٹر بارش ریکارڈ کی گئی۔
نالہ لئی میں پانی کی سطح کٹاریاں 15 فٹ گوالمنڈی 12 فٹ تک بلند ہوئی، نشیبی مقامات میں داخل پانی بارش رکنے پر واسا کی ٹیمیں نکالتی رہیں۔
نالہ لئی کی صفائی کے باعث پانی کا بڑا ریلا کم وقت میں گزر کر دریائے سواں میں گرا، نالہ لئی میں پانی کی سطح بلند ہونے پر واسا کی ایمرجنسی ٹیمیں ایم ڈی واسا سلم اشرف کی نگرانی میں متحرک رہیں۔
ایم ڈی واسا بارش کی صورتحال سے وزیر ہاؤسنگ بلال یاسین، سیکریٹری ہاؤسنگ نور الامین مینگل، ڈپٹی کمشنر حسن وقار چیمہ کو آگاہ کرتے رہے۔
وزیر ہاؤسنگ پنجاب بلال یاسین نے کہا کہ مون سون میں شہریوں کی جان و مال کی حفاظت اولین ترجیح ہے جس کے لیے تمام ادارے الرٹ ہیں۔
افغان کرکٹ اسٹار راشد خان ایم ایچ ڈیولپرز کے برانڈ ایمبیسیڈر مقرر