آئی ایم ای آئی ٹیمپرنگ کے خلاف چھاپے، مانسہرہ میں چھ افراد گرفتار
اشاعت کی تاریخ: 23rd, May 2025 GMT
پی ٹی اے نے نیشنل سائبر کرائم انویسٹی گیشن ایجنسی کے ساتھ مل کر آئی ایم ای آئی کی غیر قانونی ٹیمپرنگ اور کلون شدہ موبائل فونز کی فروخت کرنے والوں کے خلاف کریک ڈاوٴن تیز کردیا۔
پی ٹی اے کے مطابق ادارے کے زونل آفس ایبٹ آباد نے نیشنل سائبر کرائم انویسٹی گیشن ایجنسی (این سی سی آئی اے) ایبٹ آباد کے ساتھ تعاون سے آئی ایم ای آئی کی ٹیمپرنگ اور کلون/پیچ کیے گئے موبائل فونز کی فروخت پر کامیاب چھاپے مارے۔
پی ٹی اے کے مطابق یہ چھاپے مانسہرہ کے علاقے لاری اڈہ، صوفی ہوٹل کے قریب موبائل فون مرمت کی دکانوں پر مارے گئے جن کے نتیجے میں آئی ایم ای آئی کی ٹیمپرنگ میں استعمال ہونے والے ڈیسک ٹاپ کمپیوٹرز اور مخصوص سافٹ ویئر قبضے میں کرلیے ہیں اور موقع پر موجود چھ افراد کو گرفتار کر کے این سی سی آئی اے ایبٹ آباد کے حوالے کردیا تاکہ ان کے خلاف قانونی کارروائی عمل میں لائی جاسکے۔
اعلامیہ کے مطابق پی ٹی اے کو غیر قانونی طور پر موبائل فون کی شناخت میں تبدیلی کسی صورت منظور نہیں ہے آئی ایم ای آئی کی ٹیمپرنگ اور کلون شدہ فونز کی ترسیل نہ صرف قومی سلامتی بلکہ عوامی تحفظ کے لیے بھی خطرے کا باعث ہے، کیونکہ یہ مجرمانہ سرگرمیوں، سائبر کرائم، مالی دھوکا دہی، اغواء اور دیگر جرائم کو فروغ دینے کا ذریعہ بنتی ہے۔
اعلامیے میں پی ٹی اے نے عوام سے بھی گزارش کی ہے کہ وہ اس قسم کی مشکوک سرگرمیوں کی اطلاع فوری طور پر دیں کیونکہ ریگولیٹری اقدامات کو مزید موٴثر بنایا جا رہا ہے اور خلاف ورزی کرنے والوں کے خلاف سخت قانونی کارروائی عمل میں لائی جائے گی۔
.ذریعہ: Express News
کلیدی لفظ: آئی ایم ای آئی کی پی ٹی اے کے خلاف
پڑھیں:
کراچی؛ غیر قانونی کرنسی ایکسچینج میں ملوث ملزم گرفتار، 55 ہزار امریکی ڈالر برآمد
کراچی:وفاقی تحقیقاتی ادارہ (ایف آئی اے) اسٹیٹ بینک سرکل کراچی نےکارروائی کے دوران گرفتار ملزم کے قبضے سے 55 ہزار امریکی ڈالر برآمد کرلیا۔
ترجمان ایف آئی اے کے مطابق ڈی جی ایف آئی اے کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف کارروائیاں جاری ہیں۔
انہوں نے بتایا کہ ایف آئی اے اسٹیٹ بینک سرکل کراچی نے کارروائی غیر قانونی کرنسی ایکسچینج میں ملوث ملزم کو گرفتار کیا، ملزم بلال سلیم کی گرفتاری کلفٹن سےعمل میں آئی ہے۔
ترجمان نے بتایا کہ گرفتار ملزم حوالہ ہنڈی اور غیر قانونی کرنسی ایکسیچنج میں ملوث ہے، ملزم کے قبضے سے 55 ہزار امریکی ڈالر برآمد ہوئے اور گرفتار ملزم بغیر لائسنس کرنسی ایکسچینج کا کاروبار کر رہا تھا۔
انہوں نے بتایا کہ موبائل فونز اور حوالہ ہنڈی اور غیر قانونی ایکسچینج سے متعلق شواہد برآمد کر لیے گئے، ملزم برآمد ہونے والی کرنسی کے حوالے سے حکام کو مطمئن نہ کر سکا۔
ترجمان نے کہا کہ اس حوالے سے تفتیش شروع کر دی گئی ہے، ملزم کے دیگر ساتھیوں کی گرفتاری کے لیے چھاپے مارے جا رہے ہیں۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے