اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے
اشاعت کی تاریخ: 28th, October 2025 GMT
پشاور کی احتساب عدالت نے اپر کوہستان مالیاتی اسکینڈل میں گرفتار ملزم کو 13 روزہ جسمانی ریمانڈ پر نیب کے حوالے کردیا۔
احتساب جج امجد ضیاء نے ملزم کو 13 روزہ جسمانی ریمانڈ پر نیب کے حوالہ کیا، تفتیشی افسر نے کہا کہ ملزم نصیرالدین بابر پولیس میں سب انسپیکٹر ہے، ملزم اپر کوہستان اسکینڈل میں ملوث ہے۔
تفتیشی افسر نے مؤقف اپنایا کہ ملزم کے قبضے سے کروڑوں روپے برآمد ہوئے، ملزم پر 6 کروڑ روپے سے زائد رقم غبن کرنے کا الزام ہے۔
تفتیشی افسر نے استدعا کی کہ ملزم سے تفتیش کی ضرورت ہے، جسمانی ریمانڈ دیا جائے، عدالت نے تفتیشی افسر کی استدعا منظور کردی۔
عدالت نے ملزم کو 13 روزہ جسمانی ریمانڈ پر نیب کے حوالے کردیا۔
.ذریعہ: Express News
کلیدی لفظ: روزہ جسمانی ریمانڈ پر نیب کے تفتیشی افسر
پڑھیں:
رواں برس 1131 پولیس مقابلے ؛ 15 پولیس اہلکار شہید 108 زخمی ؛484 ملزم ہلاک
سٹی 42: پنجاب پولیس کا صوبہ بھر میں مبینہ پولیس مقابلوں کا سلسلہ بدستور جاری ہے ۔
پولیس ریکارڈ کے مطابق رواں سال کے پہلے 9 ماہ کے دوران مختلف اضلاع میں 1131 مبینہ پولیس مقابلے ہوئے۔پولیس مقابلوں کے دوران 15 پولیس اہلکار شہید، 108 زخمی ہوئے۔
مبینہ پولیس مقابلوں کے نتیجے میں مجموعی طور پر 484 ملزمان ہلاک ہوئے۔پولیس کی جوابی کارروائی کے دوران 738 ملزمان زخمی ہوئے۔
مختلف اضلاع میں مبینہ پولیس مقابلوں کے نتیجے میں 741 ملزموں کو گرفتار کیا گیا۔ہلاک اور گرفتار ملزمان قتل، اقدام قتل، اجتماعی زیادتی اور پولیس مقابلوں میں مطلوب تھے۔ملزم ڈکیتی، اغواء برائے تاوان، سمیت دیگر سنگین وارداتوں میں بھی مطلوب تھے۔
لیسکو کی جانب سے سنگل فیز اسمارٹ میٹر کی قیمت مقرر
مریم نواز کا لندن ہائیکورٹ میں مقدمہ جیتنے پر چینل نے معافی مانگ لی