پاکستان نے آئندہ مہم جوئی کی تواسے تباہ کر دیں گی،مقبوضہ کشمیرکے کٹھ پتلی لیفٹیننٹ گورنر کی بڑھک
اشاعت کی تاریخ: 25th, May 2025 GMT
سری نگر:مقبوضہ کشمیرکے کٹھ پتلی لیفٹیننٹ گورنر منوج سنہا نے بڑھک لگائی ہےکہ اگر پاکستان نے آئندہ کوئی بھی مہم جوئی کی کوشش کی، تو ہماری مسلح افواج اسے تباہ کر دیں گی۔
ایک تقریب سے خطاب میں انہوں نے شکست خوردہ بھارتی افواج کاحوصلہ بڑھاتے ہوئے کہاکہ ہماری افواج جرات مندہیں ۔انہوں نے کہا کہ حکومت دہشت گردی کے خاتمے کے لیے پرعزم ہے۔ انہوں نے کہا کہ پاکستان کو وارننگ دی جا چکی ہے، اگر اس نے آئندہ کوئی بھی مہم جوئی کی کوشش کی، تو ہماری مسلح افواج اس ریاست کو تباہ کر دیں گی۔لیفٹیننٹ گورنر نے جات برادری اور معاشرے کے تمام طبقات کے افراد سے اپیل کی کہ وہ قومی ہم آہنگی کو درپیش بڑھتے ہوئے چیلنجز کے مقابلے میں متحد ہو جائیں۔
ذریعہ: Daily Mumtaz
پڑھیں:
بھارت پاکستان میں دہشتگرانہ کارروائیوں کی حمایت اور مالی معاونت کر رہا ہے،ڈی جی آئی ایس پی آر لیفٹیننٹ جنرل احمد شریف چوہدری
لاہور ( طیبہ بخاری سے ( ڈی جی آئی ایس پی آر، لیفٹیننٹ جنرل احمد شریف چوہدری نے کہا ہے کہ ریاستی سرپرستی میں ہونیوالی دہشتگردی کو بھارت نے ایک پالیسی کے طور پر پاکستان کے خلاف اپنایا ہوا ہے۔بھارت کے یہ مذموم عزائم پاکستان کی سلامتی بالخصوص بلوچستان کو غیر مستحکم کرنے کی منظم سازش ہے۔ بھارت پاکستان میں دہشتگرانہ کارروائیوں کی حمایت اور مالی معاونت کر رہا ہے۔
انہوں نے ان خیالات کا اظہار ’’الجزیرہ‘‘ ٹی وی چینل کو خصوصی انٹرویو میں کیا ۔ ’’الجزیرہ ٹی وی‘‘ کے مطابق ڈی جی آئی ایس پی آر کا یہ ردِ عمل گزشتہ ماہ وزیرستان بم دھماکے بعد سامنے آیا۔حملے کی ذمہ داری فتنہ الخوارج(طالبان) نے قبول کی تھی، دھماکے میں 16 فوجی جوان شہید جبکہ 20 سے زائد افراد زخمی ہوئے تھے۔پاکستان کا واضح مؤقف ہے کہ ان حملوں میں بھارت براہ راست ملوث ہے۔ بھارت پاکستان میں دہشتگرانہ کارروائیوں کی حمایت اور مالی معاونت کر رہا ہے۔
’’آئین سپریم ہے ‘‘قائمہ کمیٹی داخلہ کے اجلاس میں ارکان کے درمیان دلچسپ مکالمہ
ڈی جی آئی ایس پی آر نے’’ الجزیرہ ‘‘ٹی وی چینل کو انٹرویو دیتے ہوئے کہا کہ "خارجیوں کی اصطلاح حالیہ دنوں میں پاکستانی فوج اور میڈیا میں وسیع پیمانے پر استعمال ہو رہی ہے۔خوارج کی اصطلاح ان مسلح گروہوں کے لیے استعمال کی جا رہی ہے جو ریاست اور فوج پر حملے کرتے ہیں۔موجودہ فتنہ الخوارج اس گمراہ نظریئے کا تسلسل ہے، جو مسلمانوں کو اپنے گمراہ عقیدے کے تحت قتل کرتے آئے ہیں۔اسلام میں جہاد یا قتال کا اختیار صر ف ریاست کے پاس ہے، کسی فرد ، تنظیم یا گروہ کو اختیار نہیں،فتنہ الخوارج کا اسلام، انسانیت ، پاکستان یا پاکستانی روایات سے کوئی تعلق نہیں۔فتنہ الہندوستان کی اصطلاح پاکستان میں ان دہشتگردوں کے لیے استعمال ہوتی ہے جنہیں بھارت کی حمایت حاصل ہے۔
ایئر چیف مارشل ظہیر احمد بابر سے ترک وزیر دفاع کی زیرقیادت اعلیٰ سطح وفد کی ملاقات
ڈی جی آئی ایس پی آر نے یہ بھی کہا کہ فتنہ الہندوستان خاص طور پر صوبہ بلوچستان میں ملک کو غیر مستحکم کرنے کے لیے سرگرم ہیں،پاکستان نے اسلامی ریاست کے خلاف کسی بھی جارحیت کو علاقائی استحکام کے لیے خطرہ قرار دیا ہے۔بھارت سیاسی قیادت متعدد مواقع پر پاکستان میں دہشتگردی کی پشت پناہی کا اعتراف کر چکی ہے۔بھارتی سرپرستی میں ہونے والی دہشتگرد ی کے نیٹ ورک کا ماسٹر مائنڈ اجیت دوول ہے ۔امریکہ اور کینیڈا سمیت کئی ممالک بھارتی ریاستی دہشتگردی کا اعتراف کر چکے ہیں۔
الجزیرہ ٹی وی کے مطابق ڈی جی آئی ایس پی آرنے اسرائیل کی جارحیت کا نشانہ بننے والے ایران کے لیے پاکستان کی سیاسی اور سفارتی حمایت کا اعادہ کیا۔
اوورسیز پاکستانیوں نے ترسیلات زر ملک بھیجنے کے گزشتہ تمام ریکارڈ توڑ ڈالے
ڈی جی آئی ایس پی آر کا انٹرویو کے آخر میں یہ کہنا تھا کہ پاکستان کا ایٹمی پروگرام مکمل طور پر محفوظ ہے، کوئی بھی ہمارے ایٹمی پروگرام کو نشانہ بنانے کی جرأت نہیں کر سکتا۔پاکستان ایک ذمہ دار اور ڈکلئیرڈ ایٹمی طاقت ہے، پاکستان کی جوہری صلاحیت ناقابل تسخیر ہے۔یہ پاکستان کی دفاعی صلاحیتوں اور موجودہ علاقائی توازن پر اعتماد کی عکاسی کرتا ہے۔
مزید :
بھارت کا پاکستان پر حملہ خطے کو غیرمستحکم کرنے کی کوشش تھی، وزیراعظم کا ای سی او اجلاس سے خطاب