پاک افواج نے بھارتی جارحیت کا منہ توڑ جواب دیتے ہوئے اس کے جنگی جنون کو خاک میں ملا دیا، صدر آزاد کشمیر
اشاعت کی تاریخ: 25th, May 2025 GMT
وفد سے ملاقات میں بیرسٹر سلطان کا کہنا تھا کہ بھارت ایک بزدل دشمن ہے جس نے رات کی تاریکی میں پاکستان پر حملہ کیا اور معصوم لوگوں کو رات کی تاریکی میں شہید کیا۔ اسلام ٹائمز۔ صدر آزاد کشمیر بیرسٹر سلطان محمود چوہدری نے کہا ہے کہ بھارت نے جنگی جارحیت کرتے ہوئے پاکستان کی سرحدوں کی خلاف ورزی کی اور حملہ آور ہوا۔ ہماری پاک افواج نے بھارت کی اس جارحیت کا منہ توڑ جواب دیا اور اُس کے جنگی جنون کو خاک میں ملایا۔ ہم پاک افواج کی اس کامیابی پر انہیں خراج تحسین پیش کرتے ہیں۔ ان خیالات کا اظہار صدر آزاد کشمیر بیرسٹر سلطان محمود چوہدری نے یہاں ایوان صدر کشمیر ہاؤس اسلام آباد میں چیئرمین ضلع کونسل میرپور راجہ نوید اختر گوگا، پولیٹیکل سیکرٹری ہمراہ صدر سکندر بیگ اور صدارتی کوارڈینیٹر چوہدری امجد محمود آرائیں سے ملاقات میں کیا۔ انہوں نے کہا کہ بھارت ایک بزدل دشمن ہے جس نے رات کی تاریکی میں پاکستان پر حملہ کیا اور معصوم لوگوں کو رات کی تاریکی میں شہید کیا۔ بھارت، پاک افواج کی طرف سے جوابی کارروائی سے بوکھلاہٹ کا شکار ہو گیا اور اُس نے لائن آف کنٹرول پر شہری آبادیوں کو بمباری کا نشانہ بنایا جس کے نتیجے میں شہریوں کی املاک کو نقصان پہنچا اور معصوم لوگ شہید ہوئے۔ پاک فوج اور پاک فضائیہ کی طرف سے جوابی کارروائی میں بھارت کو بری طرح شکست کا سامنا کرنا پڑا اور مودی سرکار کو اس وقت اپنے ملک کے اندر ہزیمت کا سامنا ہے۔ بھارت کی اس شکست پر بھارتی عوام نریندر مودی سے استعفیٰ کا مطالبہ کر رہی ہے۔
صدر بیرسٹر سلطان محمود چوہدری نے کہا کہ بھارت اب دفاعی پوزیشن پر آ چکا ہے اور ہم سب کو مل کر تمام سیاسی وابستگیوں سے بالا تر ہو کر مسئلہ کشمیر کے حل اور بھارتی جارحیت کو دنیا کے سامنے بے نقاب کرنے کے لئے اپنا کردار ادا کرنا ہو گا۔ امریکی صدر ڈونلڈ ٹرمپ کی طرف سے مسئلہ کشمیر پر ثالثی کی پیشکش ایک خوش آئند اقدام ہے جس کا ہم خیر مقدم کرتے ہیں اور امریکی صدر کی طرف ثالثی کی پیشکش کی وجہ سے مسئلہ کشمیر بین الاقوامی سطح پر ایک بار پھر اُجاگر ہوا ہے اور انٹرنیشنل کمیونٹی کی توجہ مسئلہ کشمیر پر مرکوز ہوئی ہے، اس لئے ہم سب کو مل کر بالخصوص اوورسیز کشمیریوں کو مسئلہ کشمیر کے حل اور بھارتی جنگی جارحیت کو بے نقاب کرنے کے لئے کمر بستہ ہونا پڑے گا تاکہ مودی کے ان مکروہ عزائم کو دنیا کے سامنے بے نقاب کیا جا سکے۔
صدر آزاد کشمیر بیرسٹر سلطان محمود چوہدری نے کہا کہ میرپور کے عوام کے مسائل کا حل اور تعمیر و ترقی ان کی اولین ترجیحات میں شامل ہیں اور مجھے یہ اعزاز حاصل ہے کہ میرپور کے عوام نے مجھے9 مرتبہ آزاد کشمیر قانون ساز اسمبلی کا رکن منتخب کیا یہ اعزاز آج تک کسی کے پاس نہیں ہے۔ صدر آزاد کشمیر بیرسٹر سلطان محمود چوہدری نے کہا کہ میرپور کے عوام کے جتنے مسائل ہیں وہ جلد حل کیے جائیں گے اور اس حوالے سے میں خود اپنی نگرانی میں میرپور کے عوام کے مسائل ترجیحی بنیادوں پر حل کراؤں گا اور اس سلسلے میں کوئی دقیقہ فروگزاشت نہیں رکھا جائے گا۔
ذریعہ: Islam Times
کلیدی لفظ: صدر آزاد کشمیر بیرسٹر سلطان محمود چوہدری نے بیرسٹر سلطان محمود چوہدری نے کہا رات کی تاریکی میں میرپور کے عوام مسئلہ کشمیر پاک افواج نے کہا کہ کہ بھارت کی طرف
پڑھیں:
کشمیریوں کےموقف کی تائید اور حمایت پر آذربائیجان حکومت اور عوام کا شکریہ،صدر آزاد جموں وکشمیر
سٹی 42:صدر آزاد جموں وکشمیربیرسٹر سلطان محمود چوہدری نے کہا ہے کہ آذربائیجان نے ہمیشہ کشمیری عوام کے موقف کی تائید اور حمایت کی ہے جس پرہم آذربائیجان کی حکومت اور عوام کا شکریہ ادا کرتے ہیں اور امید کرتے ہیں کہ آذربائیجان بین الاقوامی فورمز پر اقوام متحدہ کی قراردادوں کے مطابق کشمیری عوام کو اُن کا بنیادی حق خودارادیت دلوانے کے لئے اپنا کردار ادا کرتا رہے گا۔
ان خیالات کا اظہار صدر آزاد جموں وکشمیر بیرسٹر سلطان محمود چوہدری نے آج ایوان صدر کشمیر ہاؤس اسلام آباد میں آذربائیجان ٹی وی کی نمائندےکو ایک خصوصی انٹرویو دیتے ہوئے کیا۔ ان کا کہنا تھا کہ پاکستان اور بھارت کے درمیان مسئلہ کشمیر تقسیم برصغیر کے وقت سے چلتا آ رہا ہے جب 1947میں مقبوضہ کشمیر ایک مسلم اکثریتی ریاست تھی لیکن بھارت نے جبری طور پر مقبوضہ کشمیر پر اپنی فوجیں داخل کر کے مقبوضہ کشمیر پر قبضہ کر لیا،مسئلہ کشمیر اقوام متحدہ کے ایجنڈے پر ایک حل طلب مسئلہ ہے جو گزشتہ سات دہائیاں گزر جانے کے بعد بھی نامکمل ہے، پاکستان اور بھارت کے درمیان جنگ کی اصل وجہ مسئلہ کشمیر ہے جب تک مسئلہ کشمیر کا پرامن حل نہیں نکالا جاتا تو اُس وقت تک جنوبی ایشیاء پر جنگ کے بادل منڈھلاتے رہیں گے۔ حالیہ پاکستان اور بھارت کشیدگی کے دوران آذربائیجان نے بہت اہم کردار ادا کیا ہے۔
غزہ:اسرائیلی بمباری سےفلسطینی خاتون ڈاکٹر کے 9 بچے شہید
انہوں نے کہا کہ امریکہ، برطانیہ، سعودی عرب سمیت دیگر ممالک نے مل کر پاکستان اور بھارت کے درمیان شروع جنگ کو ٹھنڈا کیا اور سیز فائر کروایا، بھارت پہلگام میں ایک فالس فلیگ آپریشن کر کے اور اس کا الزام پاکستان پر لگا کر دنیا کی حمایت حاصل کرنا چاہتا تھا لیکن بھارت کا یہ پروپیگنڈہ ناکام ہو گیا اور ہماری پاک فوج نے بھارت کی جارحیت کا منہ توڑ جواب دیتے ہوئے اُس کے ناپاک عزائم کو خاک میں ملایا ہے۔
کوہ پیما سعد منور نے بھی دنیا کی بلند ترین چوٹی ماؤنٹ ایورسٹ سر کر کے پاکستان کا نام روشن کر دیا
اس موقع پر صدر آزاد جموں وکشمیر بیرسٹر سلطان محمود چوہدری نے کہا کہ آذربائیجان کے عوام نے ہمیشہ مسئلہ کشمیر پر کشمیری عوام کے موقف کی تائید کی ہے اور مسئلہ کشمیر کو اقوام متحدہ کی قراردادوں کے مطابق حل کیے جانے کی حمایت کی ہے جس پر پوری کشمیری قوم آذربائیجان کی حکومت اور عوام کی شکر گزار ہے۔
صدر آزاد جموں وکشمیر بیرسٹر سلطان محمود چوہدری نے کہا کہ امریکی صدر ڈونلڈ ٹرمپ نے مسئلہ کشمیر پر پاکستان اور بھارت کے درمیان ثالثی کی پیشکش کی ہے جس کا ہم خیر مقدم کرتے ہیں اور پاکستان اور بھارت کے درمیان مذاکرات میں کشمیری عوام کو بھی شامل کیا جائے کیونکہ مسئلہ کشمیر کے اصل اور اہم فریق کشمیری عوام ہی ہیں کیونکہ پاکستان اور بھارت دونوں ایٹمی طاقتیں ہیں اور دو جوہری قوتوں کے درمیان مسئلہ کشمیر ایک فلیش پوائنٹ ہے جب تک مسئلہ کشمیر کا اقوام متحدہ کی قراردادوں کے مطابق حل نہیں ہوتا تو جنوبی ایشیاء میں دیر پاامن و سلامتی کی کوئی ضمانت نہیں دی جا سکتی کیونکہ اس خطے کے امن سے دنیا کی سلامتی جڑی ہوئی ہے، لہذا ہم انٹرنیشنل کمیونٹی اور دنیا کے دیگر طاقتور ایوانوں سے اپیل کرتے ہیں کہ وہ آگے بڑھ کر مسئلہ کشمیر کو حل کرانے کے لئے اپنا کردار ادا کریں تاکہ یہ دیرینہ مسئلہ حل ہو سکے۔
پی ایس ایل 10 کا فائنل : لاہور قلندرز اور کوئٹہ گلیڈی ایٹرز آج مدمقابل ہوں گے
صدر آزادکشمیر بیرسٹر سلطان محمود چوہدری نے ایک سوال کا جواب دیتے ہوئے کہا کہ پاکستان کے چاروں صوبوں کی نسبت آزادکشمیر میں شرح خواندگی زیادہ ہے بالخصوص آزادکشمیر میں خواتین کی شرح خواندگی تناسب کے لحاظ سے سب سے زیادہ ہے اسی لیے آزادکشمیر میں خواتین معاشرے کی فلاح و بہبود اور ترقی کے لئے انتہائی احسن اور محنت سے اپنا کردار ادا کر رہی ہیں جس کی ایک بڑی وجہ یہ ہے کہ آزادکشمیر میں خواتین کو ایک سازگار ماحول میسر ہے۔
سرکاری ملازمین کو 30 مئی تک تنخواہ اور پنشن دینے کا فیصلہ
پاکستان نےبھارتی جارحیت اور جھوٹ کو بےنقاب کرنے کیلئے ڈوزیئرجاری کردیا