عمران خان کے بیٹے شریک ہوں گے تو تحریک مزید کامیاب ہوگی، جنید اکبر
اشاعت کی تاریخ: 10th, July 2025 GMT
صدر پاکستان تحریک انصاف خیبر پختونخوا و رکن قومی اسمبلی جنید اکبر کا کہنا ہے کہ عمران خان کی کال پر احتجاجی تحریک کی تیاری مکمل ہے اور عمران خان کے بیٹوں کی شرکت سے تحریک کامیاب ہو گی۔
یہ بھی پڑھیں: خیبرپختونخوا حکومت ہمارے خلاف ہوچکی، ہم بے بس ہوگئے، جنید اکبر نے اپنی ہی حکومت کے خلاف بیان دے دیا
وی نیوز سے خصوصی گفتگو میں جنید اکبر نے عمران خان کی رہائی کے لیے احتجاجی تحریک کی تیاریوں، پارٹی امور اور عمران خان کے بیٹوں کی تحریک میں ممکنہ شرکت پر بات کی۔
’عمران خان کے خاندان یا بیٹوں سے کسی کا کوئی اختلاف نہیں‘جنید اکبر نے عمران خان کے بیٹوں اور بہنوں کی عمران خان کی رہائی کے لیے احتجاجی تحریک میں شرکت کے حوالے سے خبروں پر بات کرتے ہوئے کہا کہ یہ فیصلہ خان اور ان کے خاندان والے خود کریں گے۔
انہوں نے بتایا کہ عمران خان کی رہائی کے لیے سب کوششیں کر رہے ہیں اور ایسے میں خاندان کے افراد کی شرکت سے تحریک مزید مضبوط اور کامیاب ہو گی۔ انہوں نے کہا کہ ’پارٹی اراکین کو ایک دوسرے سے اختلافات ہوں گے لیکن عمران خان کے بیٹوں اور خاندان کے دیگر افراد سے کسی کا کوئی اختلاف نہیں اور ان کے آنے سے تحریک کامیاب ہو گی‘۔
جنید اکبر نے بتایا کہ انہیں ووٹ بھی عمران خان کے نام پر ملے ہیں اور خان کے لیے ہی لوگ نکلتے ہیں۔
جب جنید اکبر سے پوچھا گیا کہ آپ کو خصوصی طور پر پارٹی کو مضبوط کرنے اور احتجاجی تحریک کو فعال کرنے کے لیے لایا گیا تھا اور اب خان کے بیٹوں کی ممکنہ شرکت کیا آپ اور دیگر قائدین پر عدم اعتماد نہیں تو جنید اکبر کا کہنا تھا کہ خان کی رہائی کے لیے ورکرز سے لے کر قائدین تک سب سرگرم ہیں اور ان کے بیٹوں یا خاندان کے دیگر افراد کی شرکت سے کارکنان کا حوصلہ بلند ہوگا۔
انہوں نے خاندان کے افراد کی شرکت کو عدم اعتماد کے تاثر کو بھی رد کر دیا اور کہا کہ ان کی ممکنہ شرکت عدم اعتماد نہیں بلکہ تحریک کو مزید تیز اور کامیاب بنائے گی۔
’بیرسٹر سیف بھائی ہیں، بیانیے والی بات پر ناراض تھے‘جنید اکبر سے پارٹی میں اختلافات اور ترجمان خیبر پختونخوا حکومت بیرسٹر سیف کی جانب سے ان کے خلاف بیان پر پوچھا گیا تو ان کا کہنا تھا کہ بیرسٹر سیف سے ان کے کوئی اختلافات نہیں ہیں۔ انہوں نے کہا پارٹی بیانیے پر بات کی وجہ سے سیف ناراض ہوئے تھے۔
مزید پڑھیے: عمران خان کے بیٹے پاکستان آئے تو ان کا کیا انجام ہوگا؟ رانا ثنااللہ نے خبردار کردیا
انہوں نے کہا کہ ورکرز کو متحرک کرنے کے لیے ان کی حکومت گرانے والوں کے خلاف سخت بیانیے کی ضرورت ہے اور ایسے بیانیے کیسے کامیاب ہوں گے جب بیرسٹر سیف بیٹھے ہوں؟ انہوں نے مزید کہا کہ ’ہم عمران خان کی راہ پر چلتے ہیں، ڈرون حملوں کے خلاف ہیں جبکہ بیرسٹر سیف ڈرون کو درست قرار دیں گے تو بیانیہ کیسے چلے گا؟‘
جنید اکبر نے کہا کہ باقی بیرسٹر سیف سے ان کے کوئی اختلافات نہیں ہیں، وہ ان کے بھائی ہیں۔
’ریجن کی سطح پر مظاہرے اور ریلیاں نکالی جا رہی ہیں‘جنید اکبر نے عمران خان کی کال پر احتجاجی تحریک پر بھی بات کی اور کہا کہ خیبر پختونخوا میں تیاریاں جاری ہیں۔ انہوں نے بتایا کہ ریجن کی سطح پر اراکین اور قائدین کے ساتھ ملاقاتیں جاری ہیں اور اس وقت صوبے میں حلقہ وار احتجاج جاری ہے۔ انہوں نے کہا کہ گزشتہ روز ہزارہ ریجن کا دورہ کیا اور منتخب اراکین و قائدین سے ملاقات کی جبکہ ملاکنڈ اور دیگر ریجن کے اراکین سے بھی ملاقات ہو گی اور تیاریوں پر بات ہو گی۔ انہوں نے کہا کہ ’ہم اس وقت احتجاج پر ہیں، عمران خان نے مرحلہ وار احتجاج کا کہا ہے جو اس وقت جاری ہے‘۔
5 اگست کو کیا ہو گا، اسلام آباد مارچ یا جلسہ؟جنید اکبر نے کہا کہ اس وقت پارٹی احتجاج کی تیاریاں کر رہی ہے تاکہ احتجاجی تحریک کے لیے زیادہ سے زیادہ ورکرز نکالے جا سکیں۔ انہوں نے بتایا کہ ورکرز تیار ہیں اور فائنل کال عمران خان ہی دیں گے۔
انہوں نے کہا کہ ’احتجاج، جلسے، جلوس، ریلی، مارچ ان تمام مختلف آپشنز پر غور ہو رہا ہے تاہم حتمی اعلان عمران خان ہی کریں گے۔ انہوں نے مزید کہا کہ ہمارے پاس کئی آپشنز ہیں اس وقت پلان سامنے نہیں لائیں گے، خفیہ رکھیں گے‘۔
خیبر پختونخوا سے اس بار بڑی تعداد میں ورکرز نکلیں گے، ملک عدیل اقبالپی ٹی آئی خیبر پختونخوا کے سیکریٹری اطلاعات و رکن قومی اسمبلی ملک عدیل اقبال نے کہا کہ جنید اکبر پارٹی اور عمران خان کے ساتھ مخلص ہیں اور دن رات تحریک کو کامیاب بنانے کے لیے مصروف ہیں۔
مزید پڑھیں: عمران خان کے بیٹوں اور بہنوں کا تحریک میں شامل ہونا ان کا حق ہے، سلمان اکرم راجا
انہوں نے بتایا کہ عمران خان کے بیٹوں کی ممکنہ شرکت ان کا ذاتی فیصلہ ہو گا اور وہ شرکت کر سکتے ہیں۔
انہوں نے کہا کہ خیبر پختونخوا میں ورکرز متحرک ہیں اور اس بار بڑی تعداد میں نکلیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنید اکبر خیبر پختونخوا عمران خان کے بیٹوں کی احتجاج میں شرکت عمران خان کے بیٹے ملک عدیل اقبال.
ذریعہ
ذریعہ: WE News
کلیدی لفظ: جنید اکبر خیبر پختونخوا عمران خان کے بیٹے ملک عدیل اقبال عمران خان کے بیٹوں کی خان کی رہائی کے لیے انہوں نے بتایا کہ انہوں نے کہا کہ احتجاجی تحریک خیبر پختونخوا جنید اکبر نے عمران خان کی بیرسٹر سیف ممکنہ شرکت کامیاب ہو خاندان کے ہیں اور کے خلاف کی شرکت پر بات
پڑھیں:
حکومت کا بڑا ریلیف، الیکٹرک بائیکس پر سبسڈی اور بلاسود قرض کا اعلان
اسلام آباد(نیوز ڈیسک)وزیراعظم کے اپنا گھر پروگرام کے تحت اپنا ذاتی گھر حاصل کرنے کے خواہشمند شہریوں کے لیے بڑی پیش رفت سامنے آئی ہے۔ حکومت نے اعلان کیا ہے کہ پروگرام کے تحت کمرشل بینک اب تک 160 ارب روپے مالیت کے ہاؤسنگ قرضے منظور کر چکے ہیں جبکہ کامیاب درخواست گزاروں کو قرضوں کی فراہمی کا عمل بھی تیزی سے جاری ہے۔
یہ بات وزیر خزانہ کے مشیر عدنان پاشا نے کراچی میں منعقدہ فرسٹ انٹرنیشنل انشورنس کانفرنس سے خطاب کرتے ہوئے بتائی۔ انہوں نے کہا کہ وزیراعظم کا اپنا گھر پروگرام ملک میں تقریباً ایک کروڑ (10 ملین) گھروں کی کمی کو پورا کرنے کی جانب ایک اہم قدم ہے اور اس کے ذریعے کم آمدنی والے خاندانوں کو رعایتی شرائط پر اپنے گھر کا مالک بننے کا موقع فراہم کیا جا رہا ہے۔
عدنان پاشا نے بتایا کہ اس اسکیم کے تحت شہریوں کو صرف 5 فیصد رعایتی مارک اپ پر ہاؤسنگ قرض فراہم کیا جا رہا ہے جبکہ وزارت خزانہ اس منصوبے میں شامل بینکوں کے ممکنہ قرض نقصان کا 10 فیصد تک بوجھ خود برداشت کر رہی ہے۔ اس کے علاوہ حکومت پہلے 10 سال تک مارک اپ سبسڈی بھی فراہم کر رہی ہے تاکہ ہاؤسنگ فنانس زیادہ سے زیادہ سستا اور عوام کی پہنچ میں رہ سکے۔
انہوں نے کہا کہ حکومت کی کوشش ہے کہ زیادہ سے زیادہ مستحق خاندان اس سہولت سے فائدہ اٹھائیں، جس سے نہ صرف رہائشی مسائل میں کمی آئے گی بلکہ تعمیراتی شعبے، سیمنٹ، اسٹیل، ٹائلز، الیکٹریکل مصنوعات اور دیگر متعلقہ صنعتوں میں بھی معاشی سرگرمیوں کو فروغ ملے گا۔
اس موقع پر عدنان پاشا نے حکومت کے الیکٹرک موٹرسائیکل پروگرام پر بھی روشنی ڈالی۔ انہوں نے بتایا کہ حکومت آئندہ برسوں میں 20 لاکھ الیکٹرک موٹرسائیکلیں متعارف کرانے کا منصوبہ رکھتی ہے۔ ان کے مطابق پاکستان میں تقریباً 30 لاکھ رجسٹرڈ موٹرسائیکلیں ہر سال قریب 8 ارب ڈالر مالیت کا درآمدی پٹرول استعمال کرتی ہیں، جس سے نہ صرف قیمتی زرمبادلہ خرچ ہوتا ہے بلکہ ماحولیاتی آلودگی میں بھی اضافہ ہوتا ہے۔
انہوں نے کہا کہ حکومت شہریوں کو الیکٹرک بائیکس کی خریداری پر سبسڈی اور بلاسود فنانسنگ فراہم کر رہی ہے تاکہ ایندھن پر انحصار کم کیا جا سکے، تاہم ملک میں الیکٹرک بائیکس کی پیداوار اور سپلائی کے مسائل اب بھی موجود ہیں، جنہیں دور کرنے کے لیے اقدامات کیے جا رہے ہیں۔
عدنان پاشا نے زرعی شعبے کے حوالے سے بتایا کہ حکومت نے حال ہی میں زرخیزی اسکیم بھی متعارف کرائی ہے جس کے تحت 21 بینکوں پاکستان بینکس ایسوسی ایشن اور سپارکو کے تعاون سے کسانوں کو ڈیجیٹل زرعی قرضے فراہم کیے جا رہے ہیں۔ انہوں نے کہا کہ اس منصوبے میں سیٹلائٹ مانیٹرنگ اور ریئل ٹائم ڈیٹا کے ذریعے قرضوں کے استعمال کی نگرانی کی جائے گی تاکہ شفافیت کو یقینی بنایا جا سکے اور زرعی پیداوار میں اضافہ ہو۔
حکومتی حکام کے مطابق اپنا گھر پروگرام اور دیگر مالیاتی اسکیموں کا مقصد کم آمدنی والے طبقات کو سہولت فراہم کرنے معیشت کو متحرک کرنے، تعمیراتی سرگرمیوں کو فروغ دینے اور ملک میں پائیدار ترقی کی راہ ہموار کرنا ہے۔
مزید پڑھیں۔سرکاری ملازمین کی تنخواہوں کے بعد پنشن میں بھی اضافہ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی