پشاور میں سڑک بند، وزیراعلیٰ سہیل آفریدی کی پیدل چلتے ہوئے اسکول کے بچوں سے ہاتھ ملاتے ویڈیو وائرل
اشاعت کی تاریخ: 30th, October 2025 GMT
وزیراعلیٰ خیبرپختونخوا سہیل آفریدی کی ایک ویڈیو سوشل میڈیا پر وائرل ہو رہی ہے، جس میں انہیں سڑک بند ہونے کی وجہ سے پشاور کی سڑکوں پر پیدل چلتے دیکھا جا سکتا ہے۔
ویڈیو میں دیکھا جا سکتا ہے کہ وزیراعلیٰ سہیل آفریدی راستے میں بس میں سوار اسکول کے بچوں سے ملاقات کرتے ہیں اور انہیں سلام کرتے ہیں۔ اس کے علاوہ وہ رکشے اور ٹیکسی ڈرائیورز سے بھی خوش اخلاقی سے ملتے نظر آئے۔
وزیر اعلیٰ سہیل آفریدی پشاور کی سڑکوں پر عوام میں گھل مل گئے
وزیر اعلیٰ کی سکول کے بچوں سے ملاقات pic.
— Ahmad Hassan Bobak (@ahmad__bobak) October 30, 2025
سوشل میڈیا صارفین نے اس ویڈیو پر مختلف تبصرے کیے اور وزیراعلیٰ کے عوامی انداز پر اپنے خیالات کا اظہار کیا۔ محمد شہزاد خان نے لکھا کہ وزارت اعلی کی کرسی چلانا سہیل آفریدی سے سیکھیں۔ ان کا کہنا تھا کہ جب عوام سے اٹھ کر آپ وزیراعلی بن جاتے ہیں تو عوام میں جانا پہلی اور آخری ترجیح ہوتی ہے۔
وزارت اعلی کی کرسی چلانا سہیل آفریدی سے سیکھے????
جب عوام سے اٹھ کر آپ وزیراعلی بن جاتے ہو تو عوام میں جانا اسکی پہلی اور آخری ترجیخ ہوتی ہے !! pic.twitter.com/ERBA0W6ZP3
— Mohammad Shehzad Khan (@MShehzadSpeaks) October 30, 2025
خرم اقبال نے کہا کہ عوام کے منتخب وزیراعلیٰ عوام میں ایسے نکل پڑتے ہیں۔
عوام کے منتخب وزیراعلیٰ عوام میں ایسے نکل پڑتے ہیں، پشاور میں سڑک بند ہونے پر سُہیل آفریدی پیدل ہی اسمبلی کی طرف نکل پڑے، راستے میں اسکول کے بچوں سے ملے، رکشے، ٹیکسی ڈرائیورز سے سلام کرتے رہے۔۔!! pic.twitter.com/yNS3JUPQdz
— Khurram Iqbal (@khurram143) October 30, 2025
جہاں سہیل آفریدی کے حامی صارفین ان کی تعریف کرتے نظر آئے وہیں مخالفین نے انہیں آڑے ہاتھوں لیتے ہوئے کہا کہ خیبرپختونخوا میں ڈرامے بازیاں ختم ہونے کا نام نہیں لے رہیں، صوبے میں 11 سال سے یہی ناٹک چل رہا ہے اورسہیل آفریدی بھی اسی نقش قدم پر چل پڑے ہیں۔ ان کا کہنا تھا کہ ہم سمجھ رہے تھے کہ یہ دوسروں سے مختلف ہوگا مگر انہوں نے ہمیں غلط ثابت کیا۔
خیبرپختونخوا میں ڈرامہ بازیاں ہیں کہ ختم ہونے کا نام نہیں لے رہی، صوبے میں 11 سال سے یہی ناٹک چل رہا ہے،
سہیل آفریدی بھی اسی نقش قدم پر چل پڑے ہیں
ہم سمجھ رہے تھے کہ یہ دوسروں سے مختلف ہوگا مگر انہوں نے ہمیں غلط ثابت کیا pic.twitter.com/B1YCYBZO4q
— Irfan Khan (@irfijournalist) October 30, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی خیبرپختونخوا سہیل آفریدی سہیل آفریدی ویڈیو وائرل عمران خان
ذریعہ
ذریعہ: WE News
کلیدی لفظ: پی ٹی ا ئی خیبرپختونخوا سہیل ا فریدی
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی