اسرائیل اور امریکہ برطانیہ کی ناجائز اولاد ہیں، ڈاکٹر معراج الہدی صدیقی
اشاعت کی تاریخ: 25th, May 2025 GMT
سکھر میں تربیتی اجتماع سے خطاب کرتے ہوئے سینئر رہنما جماعت اسلامی پاکستان نے کہا کہ بھارت نے پہلگام حملے کے نصف گھنٹے بعد ہی پاکستان پر الزام عائد کر دیا، 7 مئی کو 9 مقامات کو نشانہ بنایا تاہم پاکستانی ہوا باز شاہینوں نے اللہ کی مدد اور فضل و کرم سے جوابی وار کرکے مودی کے غرور کا بت پاش پاش کردیا۔ اسلام ٹائمز۔ جماعت اسلامی پاکستان کے سنیئر مرکزی رہنما ڈاکٹر معراج الہدی صدیقی نے کہا ہے کہ اسرائیل اور امریکہ برطانیہ کی ناجائز اولاد ہیں، عالمی منظر نامہ بتا رہا ہے کہ اہل غزہ کا عزم و حوصلہ اسرائیلی جارحیت کو شکست فاش سے دوچار کرکے رہے گا۔ ان خیالات کا اظہار انہوں نے مسجد بیت المکرم دارلعلوم تفہیم القرآن سکھر میں جماعت اسلامی ضلع سکھر کے دو روزہ تربیتی اجتماع سے خطاب کرتے ہوئے کیا۔ ڈاکٹر معراج الہدی نے مزید کہا کہ بھارت نے پہلگام حملے کے نصف گھنٹے بعد ہی پاکستان پر الزام عائد کر دیا، 7 مئی کو 9 مقامات کو نشانہ بنایا تاہم پاکستانی ہوا باز شاہینوں نے اللہ کی مدد اور فضل و کرم سے جوابی وار کرکے مودی کے غرور کا بت پاش پاش کر دیا۔
ڈاکٹر معراج الہدی صدیقی نے مزید کہا کہ پاکستان کے شیر دشمن پر ٹوٹ پڑے اور بھارت کے تین میں سے دو ائیربیس سسٹم تباہ کر کے بھارتی آپریشن سندور کو تندور بنا ڈالا اور انہوں نے بھارت کو دھول چٹا دی۔ سینئر رہنما جماعت اسلامی پاکستان نے کہا کہ آپریشن بنیان المرصوص اللہ کی نصرت اور قومی تائید حاصل تھی جو کامیابی کا باعث بنی۔ انکا کہنا تھا کہ بھارت پاکستان میں دہشتگردی میں ملوث ہے، خضدار میں معصوم بچوں کو بھارت نے نشانہ بنایا۔ انہوں نے کہا کہ پاکستان کو دنیا بھر میں کامیاب ریاست کہا جارہا ہے۔
ذریعہ: Islam Times
کلیدی لفظ: ڈاکٹر معراج الہدی جماعت اسلامی نے کہا کہا کہ
پڑھیں:
قابضین کی نابودی کا واحد راستہ مقاومت ہے، جہاد اسلامی
اپنے ایک جاری بیان میں جہاد اسلامی کا کہنا تھا کہ اگر لبنان کی عظیم قوم اور حزب الله اپنی استقامت و شجاعت کا مظاہرہ نہ کرتی تو کبھی بھی یہ فتح مبین ان کے حصے میں نہ آتی۔ اسلام ٹائمز۔ فلسطین کی مقاومتی تحریک "جهاد اسلامی" نے لبنان کی آزادی اور عیدِ مزاحمت کی 25ویں سالگرہ پر ایک جاری بیان کے ذریعے مبارک باد دی۔ بیان میں کہا گیا کہ ہم اپنی مقاومتی و لبنانی برادر قوم کو اسرائیل کے چنگل سے اپنے جنوبی علاقوں کی آزادی کی 25ویں سالگرہ پر مبارک پیش کرتے ہیں۔ اگر لبنان کی عظیم قوم اور حزب الله اپنی استقامت و شجاعت کا مظاہرہ نہ کرتی تو کبھی بھی یہ فتح مبین ان کے حصے میں نہ آتی۔ جہاد اسلامی نے کہا کہ ہم اس موقع کی مناسبت سے اعلان کرتے ہیں کہ ہمیں اس بات پر مکمل بھروسہ ہے کہ اپنے وطن کی حفاظت و خودمختاری اور قابضین کی نابودی، مقاومت کے ذریعے ہی ممکن ہے۔ واضح رہے کہ پچیس سال قبل آج ہی کے دن یعنی 25 مئی 2025ء کو لبنانیوں کی بے دریغ مقاومت کے نتیجے میں قابض صیہونی فورسز جنوبی علاقوں سے رات کے اندھیرے میں بھاگنے پر مجبور ہوئی۔
قبل ازیں 6 جون 1982ء کو قابض فورسز نے یہ کہہ کر جنوبی لبنان پر حملہ کر دیا کہ یہاں سے اسرائیل کے خلاف کارروائیاں ہوتی ہیں۔ اس دوران صیہونی فوج نے بیروت کی جانب پیش قدمی شروع کر دی وہاں پر موجود فلسطینی مہاجر کیمپ کا محاصرہ کر لیا۔ اسرائیل نے اس حملے کے دوران صابرہ اور شتیلا میں شرمناک حد تک قتل عام کیا۔ اس جارحیت کے بعد دنیا بھر میں اسرائیل کے خلاف غصے کی لہر دوڑ گئی۔ عوام مقاومت کے باعث صیہونی فوج کو بیروت سے پیچھے ہٹنا پڑا۔ تاہ اسرائیل نے جنوبی لبنان میں پڑاو ڈال لیا۔ تاہم حزب الله کی 18 سالہ بے مثال مزاحمت کے نتیجے میں اسرائیل کو 25 مئی کی شب کو ذلت آمیز طور سے بھاگنا پڑا۔
پی آئی اے کا لاہور سے پیرس براہ راست فلائٹ آپریشن شروع کرنے کا فیصلہ