سندھ بھر میں 7 روزہ انسداد پولیو مہم کا آغاز
اشاعت کی تاریخ: 26th, May 2025 GMT
کراچی سمیت سندھ بھر میں آج سے انسداد پولیو مہم کا آغازہوگا، 7 روزہ انسداد پولیو مہم یکم جون تک جاری رہے گی۔
ایمرجنسی آپریشن سینٹر کے مطابق کراچی میں 20 لاکھ سے زائد بچوں کو پولیو ویکسین کے قطرے پلانے کا ہدف مقرر کیا گیا ہے، سندھ بھر میں 80 ہزار سے زائد تربیت یافتہ پولیو ورکرز بچوں کوانسداد پولیوکے قطرے پلائیں گے۔
سندھ بھر میں انسداد پولیو ٹیموں کی سیکیورٹی کے لیے 25 ہزار سے زائد اہلکار تعینات ہوں گے، کراچی میں 19 ہزار سے زائد پولیو ورکرز مہم کا حصہ ہوں گے، انسداد پولیومہم میں کراچی میں 6 ہزار سے زائد سیکیورٹی اہلکار تعینات ہوں گے۔
واضح رہے کہ رواں سال پاکستان میں اب تک پولیو کے 10کیس رپورٹ ہوئے ہیں،جن میں سے 4 کیس سندھ سے رپورٹ ہوئے، ایمرجنسی آپریشن سینٹر نے والدین سے اپیل ہے کہ وہ اپنے 5 سال تک کی عمر کے بچوں کو پولیو سے حفاظت کے قطرے ضرور پلوائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسداد ایمرجنسی آپریشن سینٹر پولیو پولیو ورکرز پولیو ویکسین سندھ قطرے کراچی.
ذریعہ
ذریعہ: WE News
کلیدی لفظ: ایمرجنسی آپریشن سینٹر پولیو پولیو ورکرز پولیو ویکسین کراچی انسداد پولیو
پڑھیں:
مردان قتل کیس: ملزمان مغوی بچوں کو چارسدہ روڈ پر چھوڑ کر فرار، تحقیقات جاری
مردان میں خاتون سمیت 3 افراد کے بہیمانہ قتل کے مقدمے میں اہم پیشرفت سامنے آئی ہے، جہاں واردات کے بعد مقتولین کے 2 بچوں کو ساتھ لے جانے والے ملزمان بچوں کو چارسدہ روڈ پر چھوڑ کر فرار ہو گئے۔
میڈیا رپورٹس کے مطابق مردان کے علاقے شیخ ملتون میں گزشتہ روز پیش آنے والے افسوسناک واقعے میں مسلح ملزمان نے خاتون سمیت 3 افراد کو قتل کر دیا تھا۔ واردات کے بعد ملزمان مقتولین کے 2 کمسن بچوں اور گاڑی کو بھی اپنے ساتھ لے گئے تھے، جس پر علاقے میں شدید خوف و ہراس پھیل گیا تھا۔
یہ بھی پڑھیں:مردان، خواجہ سرا کو چھری کے وار سے قتل کردیا گیا
پولیس حکام کا کہنا ہے کہ بعد ازاں ملزمان دونوں بچوں کو چارسدہ روڈ پر چھوڑ کر نامعلوم مقام کی جانب فرار ہو گئے۔ بچوں کے محفوظ مل جانے پر اہل خانہ نے اطمینان کا اظہار کیا ہے، تاہم ملزمان تاحال قانون کی گرفت میں نہیں آ سکے۔
پولیس کے مطابق واقعے کے مختلف پہلوؤں سے تحقیقات کی جا رہی ہیں اور ملزمان کی گرفتاری کے لیے سرچ آپریشن اور چھاپوں کا سلسلہ جاری ہے۔ تفتیشی ٹیمیں شواہد اکٹھے کرنے کے ساتھ ساتھ ملزمان کے فرار کے راستوں کا بھی سراغ لگا رہی ہیں۔
یہ بھی پڑھیں:پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
حکام کا کہنا ہے کہ قتل کی اس واردات کے محرکات اور پس منظر کا جائزہ لیا جا رہا ہے جبکہ واقعے میں استعمال ہونے والی گاڑی اور دیگر شواہد کی مدد سے ملزمان تک پہنچنے کی کوشش کی جا رہی ہے۔ پولیس نے امید ظاہر کی ہے کہ جدید تفتیشی ذرائع اور دستیاب شواہد کی مدد سے ملزمان کو جلد گرفتار کر لیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
قتل مردان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ