ملک بھر میں انسداد اسمگلنگ کریک ڈاؤن؛ 19 کروڑ سے زائد مالیت کی منشیات برآمد
اشاعت کی تاریخ: 26th, May 2025 GMT
راولپنڈی:
ملک بھر میں اسمگلنگ کے خلاف جاری آپریشنز کے دوران 19 کروڑ سے زائد مالیت کی منشیات برآمد کرلی گئی۔
ترجمان کے مطابق انسداد منشیات فورس (اے این ایف) نے ملک کے مختلف شہروں میں منشیات کی اسمگلنگ کے خلاف بڑا کریک ڈاؤن کرتے ہوئے مجموعی طور پر 9 کامیاب کارروائیاں کیں، جن میں 10 ملزمان کو گرفتار کر لیا گیا۔ ان کارروائیوں میں برآمد کی گئی منشیات کی مجموعی مالیت 19 کروڑ 14 لاکھ روپے سے زائد بتائی گئی ہے۔
کراچی کے علاقے کورنگی میں ایک کوریئر آفس سے نیوزی لینڈ بھیجے جانے والی کنسائمنٹ کی تلاشی کے دوران کھیلوں کے سامان میں مہارت سے چھپائی گئی 850 گرام آئس برآمد کی گئی۔
اسی طرح کراچی ایئرپورٹ پر سعودی عرب کے شہر ریاض جانے والے 2 مسافروں کے سامان کی چیکنگ کے دوران پشاوری چپلوں میں چھپائی گئی 548 گرام چرس پکڑی گئی اور دونوں ملزمان کو موقع پر گرفتار کر لیا گیا۔
علاوہ ازیں شیر شاہ موٹر وے ٹول پلازہ، مظفر گڑھ کے قریب ایک گاڑی سے 12 کلوگرام چرس اور 4800 مشکوک مائع سے بھری بوتلیں برآمد ہوئیں، جب کہ کوٹ عبد المالک انٹرچینج، موٹروے ٹول پلازہ پر ایک گاڑی سے 5 کلوگرام آئس پکڑی گئی، جہاں سے 2 ملزمان کو گرفتار کیا گیا۔
اُدھر اسلام آباد کے قریب سنجانی ٹول پلازہ پر ایک ٹرک کے خفیہ خانوں سے 3.
اسلام آباد میں فیملی کورٹ کے قریب بیلہ روڈ G-10 پر ایک گاڑی سے 2.4 کلوگرام چرس برآمد کی گئی جب کہ بلوچستان کے ضلع کوئٹہ میں ہزار گنجی کے پہاڑی علاقے میں اسمگلنگ کے لیے چھپائی گئی 256 کلوگرام مارفین بھی برآمد ہوئی۔
تمام گرفتار ملزمان کے خلاف انسداد منشیات ایکٹ کے تحت مقدمات درج کر کے قانونی کارروائی شروع کر دی گئی ہے، جب کہ تحقیقات کا دائرہ مزید وسیع کیا جا رہا ہے تاکہ اس منظم نیٹ ورک کے دیگر عناصر کو بھی قانون کی گرفت میں لایا جا سکے۔
ترجمان اے این ایف نے واضح کیا ہے کہ منشیات کے خلاف زیرو ٹالرنس پالیسی پر عمل کرتے ہوئے یہ کارروائیاں مستقبل میں بھی جاری رہیں گی۔
ذریعہ: Express News
کلیدی لفظ: کلوگرام چرس ایک گاڑی سے کے خلاف کے قریب لیا گیا پر ایک
پڑھیں:
1 کروڑ 23 لاکھ روپے سے زائد گیس کے بل نے اللہ دتہ کی نیندیں اُڑا دیں
ایک کروڑ 23 لاکھ روپے سے زائد کے گیس بل نے شہری کی نیندیں اُڑا دیں تاہم سوئی ناردرن گیس کمپنی نے اپنی غلطی تسلیم کرلی۔
تفصیلات کے مطابق سوئی ناردرن گیس کمپنی نے راولپنڈی کےشہری کی نیندیں اُڑا دیں ، دھمیال کے رہائشی کو1 کروڑ 23 لاکھ روپےسےزائدکا بل بھیج دیا،
متاثرہ اللہ دتہ راجہ سوئی گیس کے دفتر پہنچ گیا اور کہا محکمہ سوئی گیس والے کہتے ہیں بل ہرصورت اداکرنا ہوگا، ایک کروڑ 23 لاکھ روپےگیس کابل کیسے ادا کروں گا، 4 ماہ کا بل ادا نہ کرنے پر ایک کروڑ 23لاکھ کابل بھیج دیا گیا۔
ترجمان کا کہنا تھا کہ متاثرہ صارف کے بل کا کیس محکمے کے نوٹس میں آیا ہے، چھان بین جاری ہے، بظاہر اعداد و شمار کمپیوٹر کی غلطی لگتی ہے، متاثرہ صارف کا بل صحیح کر کے نیا بل جاری کیا جائے گا۔
بعد ازاںسوئی ناردرن حکام نے بھاری بھر کم بل جاری کرنے کی غلطی تسلیم کر لی۔
سوئی ناردرن حکام نےمتاثرہ شہری کا بل درست کرکے نیا بل جاری کردیا، صارف اللہ دتہ راجہ کو 40 ہزار240 روپے کا نیا بل جاری کیا گیا۔
حکام نے کمپیوٹرکی غلطی قرا ردے کرنیا بل جاری کیا ، بل کی عدم ادائیگی پر گزشتہ ماہ متاثرہ شہری کا کنکشن منقطع کیا گیا تھا۔
یوم عاشور: ملک بھر میں 4836 جلوس، 5480 مجالس، سکیورٹی ہائی الرٹ