قومی ٹیم کا ٹیسٹ فارمیٹ میں ہیڈکوچ کون ہو؟ وسیم اکرم نے بتادیا
اشاعت کی تاریخ: 27th, May 2025 GMT
قومی ٹیم کے سابق کپتان وسیم اکرم نے پاکستانی ٹیسٹ ٹیم کے ہیڈکوچ کیلئے نئے نام کی حمایت کردی۔
کراچی میں ایک تقریب سے خطاب کرتے ہوئے سابق کپتان و سوئنگ کے سلطان وسیم اکرم نے کہا کہ پاکستان سپر لیگ (پی ایس ا یل) کے 10ویں ایڈیشن اور قومی ٹیم کے مستقبل کے کوچنگ سیٹ اپ پر اپنی رائے کا اظہار کیا۔
سابق کرکٹر نے کہا کہ قومی ٹیسٹ ٹیم کی کوچنگ کیلئے یونس خان بطور بیٹنگ کوچ ایک اچھا آپشن ہیں، وہ بطور کوچ نوجوان کھلاڑیوں کی ذہنیت کو تبدیل کرنے میں مدد کرسکتے ہیں۔
واضح رہے کہ پاکستان کرکٹ بورڈ (پی سی بی) نے سابق آسٹریلوی فاسٹ بولر جیسن گلیسپی کی رخصتی کے بعد عاقب جاوید کو ریڈ بال کوچ مقرر کیا تھا۔
دوسری جانب پی سی بی نے حال ہی میں سابق فاسٹ بولر کو ڈائریکٹر آف ہائی پرفارمنس نامزد کردیا تھا جبکہ مائیک ہیسن کو پاکستان کی وائٹ بال ٹیم کا ہیڈکوچ بنایا تھا۔
قومی ٹیم کے ہیڈ کوچ کے طور پر مائیک ہیسن کی پہلی اسائنمنٹ بنگلادیش کے خلاف 3 میچوں کی ٹی20 ہوم سیریز ہے، جو 28 مئی سے یکم جون تک شروع ہوگی۔
Post Views: 4.ذریعہ: Daily Mumtaz
پڑھیں:
صحیح وقت کا انتخاب کر رہی ہوں، عماد وسیم کی اہلیہ کا مبہم پیغام
پاکستان کرکٹ ٹیم کے سابق آل راؤنڈر عماد وسیم ان دنوں سوشل میڈیا انفلوئنسر نائلہ راجا کے ساتھ مبینہ تعلقات اور ازدواجی زندگی کے معاملات کے باعث سرخیوں میں آ گئے ہیں۔
نائلہ راجا نے ان خبروں کی تردید کرتے ہوئے کہا کہ ان کا کرکٹر سے کوئی ذاتی تعلق نہیں اور سوشل میڈیا پر پھیلائی جانے والی تمام افواہیں بے بنیاد ہیں۔ عماد وسیم اس معاملے پر خاموشی اختیار کیے ہوئے ہیں جبکہ ان کی اہلیہ ثانیہ اشفاق سوشل میڈیا پر مبہم پیغامات جاری کر رہی ہیں جس کے بعد ان کی علیحدگی کی خبریں زور پکڑ رہی ہیں۔
ثانیہ اشفاق نے اپنی حالیہ انسٹاگرام پوسٹ میں لکھا کہ خاموشی کو رضامندی نہ سمجھا جائے اور نہ ہی ثبوتوں کی کمی، میں صرف سوچ سمجھ کر صحیح وقت کا انتخاب کر رہی ہوں۔
View this post on Instagram
A post shared by @sannia_ashfaq2
ثانیہ اشفاق نے اس سے قبل بھی انسٹاگرام پر اپنے بیٹے کی تصویر شیئر کرتے ہوئے لکھا تھا کہ میں نے تمہیں 9 ماہ تک تنہا اپنی کوکھ میں رکھا، اللہ مجھے آگے کے سفر کے لیے مزید طاقت دے، زایان۔ ان کی اس پوسٹ کے بعد صارفین یہ کہتے نظر آئے کہ دونوں میں علیحدگی ہو چکی ہے اس لیے اس پوسٹ میں عماد وسیم کا کہیں بھی ذکر موجود نہیں ہے۔
View this post on Instagram
A post shared by @sannia_ashfaq2
واضح رہے کہ ثانیہ اشفاق نے عماد وسیم کے ساتھ اپنی تمام تصاویر بھی ڈیلیٹ کر دی ہیں۔ البتہ عماد کے اکاؤنٹ پر اب بھی اہلیہ کے ساتھ تصاویر موجود ہیں اور دونوں ایک دوسرے کو فالو کر رہے ہیں۔
صارفین کے مطابق عماد وسیم کی اہلیہ نے انسٹاگرام پر اپنی بائیو پر درج معلومات بھی تبدیل کر دی ہیں۔ پہلے وہاں پر عماد وسیم کی اہلیہ لکھا ہوا تھا، مگر اب ان کی بائیو میں صرف عنایا عماد اور ریان عماد کی ماما لکھا ہوا ہے۔
یہ بھی پڑھیں: ماڈل کے ساتھ مبینہ تعلقات، عماد وسیم اور اہلیہ نے راہیں جدا کر لیں؟
یاد رہے کہ اس سے قبل عماد وسیم کی ایک افغان لڑکی کے ساتھ تصاویر بھی سوشل میڈیا پر وائرل ہوئی تھیں، کرکٹر اور افغان خاتون کے درمیان واٹس ایپ پر ہونے والی چیٹ کا مبینہ اسکرین شاٹ بھی سامنے آیا تھا جس میں عماد وسیم مبینہ طور پر اس خاتون کو شادی کی پیشکش کر رہے ہیں۔ عماد وسیم نے خاتون کے تمام الزامات کی تردید کرتے ہوئے کہا تھا کہ ان تصاویر کو فوٹو شاپ کی مدد سے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ثانیہ اشفاق عماد وسیم عماد وسیم تعلقات نائلہ راجا
سکیورٹی خدشات کے باعث شمالی اورجنوبی وزیرستان میں ایک بار پھر کرفیو نافذ