بھارتی اداکارہ کترینہ کیف کے ہاں بچے کی ولادت متوقع؟ بھارتی میڈیا نے پیدائش کا مہینہ بھی بتادیا
اشاعت کی تاریخ: 15th, September 2025 GMT
بالی ووڈ کی معروف اداکارہ کترینہ کیف اور ان کے شوہر اداکار وکی کوشل اپنے پہلے بچے کے منتظر ہیں۔
بھارتی میڈیا کے مطابق کترینہ کے ہاں اکتوبر یا نومبر میں ننھے مہمان کی آمد متوقع ہے۔ اگرچہ جوڑے نے اب تک باضابطہ اعلان نہیں کیا، تاہم ذرائع نے اس خبر کی تصدیق کی ہے۔
کترینہ کیف کی ممکنہ حمل کے حوالے سے کئی ماہ سے قیاس آرائیاں جاری تھیں، لیکن دونوں فنکاروں نے اس بارے میں کسی قسم کا بیان دینے سے گریز کیا۔
ان افواہوں کے بعد کترینہ کیف نے لائم لائٹ سے دوری اختیار کر لی تھی۔ ذرائع کے مطابق، بچے کی پیدائش کے بعد وہ طویل میٹرنٹی بریک لیں گی اور اپنی زندگی کا زیادہ وقت عملی طور پر ماں بننے پر مرکوز کریں گی۔
مزید پڑھیں: ’اتنا غرور کس چیز کا ہے‘، کترینہ کی زرین خان کو نظر انداز کرنے کی ویڈیو وائرل
دوسری جانب وکی کوشل نے کچھ عرصہ قبل اپنی فلم بیڈ نیوز کے ٹریلر لانچ کے دوران کترینہ کے حوالے سے پوچھے گئے سوال پر کہا تھا کہ جہاں تک خوشخبری کی بات ہے تو ہم خود یہ خبر سب سے پہلے مداحوں سے شیئر کریں گے، فی الحال اس خبر میں کوئی صداقت نہیں۔ ابھی بیڈ نیوز انجوائے کریں، جب ’گُڈ نیوز‘ آئے گی تو ہم ضرور بتائیں گے۔
یاد رہے کہ کترینہ کیف اور وکی کوشل دسمبر 2021 میں راجستھان کے 6 سینسز فورٹ برواڑہ میں شادی کے بندھن میں بندھے تھے۔ یہ شادی نہایت سادہ مگر یادگار تقریب تھی جس میں صرف قریبی رشتہ دار اور دوست شامل ہوئے تھے۔
مزید پڑھیں: غیر مصدقہ رپورٹنگ بند کریں، کترینہ کیف نے حمل کی افواہوں پر خاموشی توڑ دی
کام کے محاذ پر وکی کوشل حال ہی میں تاریخی فلم چھاوا میں نظر آئے جبکہ کترینہ کیف نے اپنی آخری فلم میری کرسمس میں وجے سیتھوپتی کے ساتھ اداکاری کے جوہر دکھائے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچہ، حمل بھارتی میڈیا کترینہ کیف وکی کوشل.
ذریعہ
ذریعہ: WE News
کلیدی لفظ: بچہ حمل بھارتی میڈیا کترینہ کیف وکی کوشل کترینہ کیف کترینہ کی وکی کوشل
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار