اسلام کبھی ختم نہیں ہوگا، علمائے کرام اور دینی رہنما دین کا جھنڈا لے کر کھڑے ہیں اسے کبھی نہیں گرنے دیں گے، جاوید ہاشمی
اشاعت کی تاریخ: 27th, May 2025 GMT
جے یو آئی (س) کے زیراہتمام منعقدہ سیمینار سے خطاب کرتے ہوئے سینیئر سیاستدان کا کہنا تھا کہ دہشت گردی اورملک کے خلاف سازشوں کو ناکام بنانے کے لیے تمام دینی سیاسی جماعت متحد ہو جائیں، حکومت بھی تمام کو ساتھ لے کر چلے اور قومی متفقہ لائحہ عمل اختیار کرے۔ اسلام ٹائمز۔ جمعیت علمائے اسلام (س) کے زیراہتمام جامع مسجد رشیدیہ رشید آباد میں منعقدہ فتح مبین پاکستان سیمینار سے خطاب میں مرکزی امیر مولانا عبدالحق ثانی نے کہا کہ اکابر کی سرپرستی میں ملک میں اسلامی نظام کے نفاذ کے لیے جدوجہد جاری رہے گی، قران و سنت کی بالادستی کے لیے تمام جماعتوں کے ساتھ مل کر کام کرنے کے لیے تیار ہیں، ملک میں غیر شرعی قانون سازی خصوصا کم عمری شادی کا بل کسی صورت قبول نہیں، مولانا عبدالحق ثانی نے مزید کہا کہ پاکستان نے بھارت کو شکست سے دوچار کر کے پاکستان کا وقار بلند بلند کیا، ہم افواج پاکستان کو خراج تحسین پیش کرتے ہیں۔ انہوں نے کہا کہ پاکستان کا مقدر اسلامی نظام ہے، اس کے نفاذ کے لیے تمام جماعتوں کی مشترکہ جدوجہد کی ضرورت ہے۔
سیمینار کی صدارت قاری سعید احمد رحیمی نے کی جبکہ جاوید ہاشمی، سید کفیل شاہ بخاری، مفتی عامر محمود، ایوب مغل، حاجی عبد الواحد، حاجی رشید احمد نقشبندی مہمان خصوصی تھے، حافظ عبدالشکور ربانی، حافظ طارق محمود ضیا نے کلام پیش کیا، سینیئر سیاستدان جاوید ہاشمی نے خطاب کرتے ہوئے کہا کہ کفریہ طاقتیں خصوصا بھارت نے حال ہی میں مدارس و مساجد پر حملہ کر کے سمجھا کہ اسلام اور مدارس ختم ہو جائیں گے مگر یہ ان کی بھول ہے، اسلام کبھی ختم نہیں ہوگا، علمائے کرام اور دینی رہنما دین کا جھنڈا لے کر کھڑے ہیں اسے کبھی نہیں گرنے دیں گے، جاوید ہاشمی نے مزید کہا کہ دہشت گردی اور ملک کے خلاف سازشوں کو ناکام بنانے کے لیے تمام دینی سیاسی جماعت متحد ہو جائیں، حکومت بھی تمام کو ساتھ لے کر چلے اور قومی متفقہ لائحہ عمل اختیار کر ے۔
جے یو آئی کے مرکزی جنرل سیکرٹری سید یوسف شاہ نے کہا جمیعت علمائے اسلام( س) ملک میں قران و سنت کے نفاذ کے لیے تمام دینی جماعتوں کے ساتھ مل کر جدوجہد جاری رکھے گی، ملکی استحکام اور دوبارہ جارحیت پر دشمن کو پھر منہ توڑ جواب دینے کے لیے افواج پاکستان اور فیلڈ مارشل کے ساتھ کھڑے ہیں، قائد حرار مولانا سید کفیل شاہ بخاری اور جے یو آئی کے رہنما مفتی عامر محمود نے مولانا سمیع الحق شہید، مولانا حامد الحق حقانی شہید کو خراج عقیدت پیش کرتے ہوئے کہا کہ اکابر شہدا کا مشن جاری رہے گا، سید کفیل شاہ بخاری نے کہا کہ حضرت مولانا عبدالحق رحم اللہ علیہ ان علما میں شامل تھے جنہوں نے ملک و متفقہ آئین دیا، خانوادہ حقانی کی قربانیوں کو فراموش نہیں کیا جا سکتا، بھارت کا غرور خاک میں ملانے پر افواج پاکستان کو شاندار الفاظ میں خراج تحسین پیش کیا اور کہا کہ جنگ افواج پاکستان نے صرف بھارت سے ہی نہیں امریکہ اسرائیل سے بھی لڑی ہے اور انہیں شکست دی ہے، فیلڈ مارشل کو مبارکباد پیش کرتے ہیں۔
ذریعہ
ذریعہ: Islam Times
کلیدی لفظ: افواج پاکستان جاوید ہاشمی کے لیے تمام کہا کہ نے کہا
پڑھیں:
فلک جاوید اور صنم جاوید کےخلاف ٹویٹ کیس کی سماعت ملتوی
(شاہین عتیق) فلک جاوید اور صنم جاوید کےخلاف ریاست کے خلاف ٹویٹ کیس کی سماعت دس ستمبر تک ملتوی ہوگئی۔
ایڈیشنل سیشن جج نصرت صدیقی نے فلک جاوید اور صنم جاوید کے کیس کی سماعت کی،عدالت میں اس بار بھی صنم جاوید کو جیل سے لاکر پیش نہیں کیا گیا جبکہ فلک جاوید کو عدالت میں پیش کیا گیا۔
عدالت میں نیشنل کرائم ایجنسی ایف آئی اے نے درخواست دی کہ دونوں کے کیس کی سماعت جیل میں کی جاے،عدالت نے درخواست کو خارج کر تے ہوے قرار دیا کہ یہ کام ہوم ڈیپارٹمنٹ کا ہے ان سے رابطہ کریں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
عدالت میں ایف آئی اے نے صنم جاوید اور فلک جاوید کے خلاف چالان پیش کر رکھا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع