امارات میں پاکستانی سفارت خانے نے ماہرہ خان اور ہمایوں سعید کو ایوارڈز سے نواز دیا
اشاعت کی تاریخ: 29th, May 2025 GMT
یو اے ای(نیوز ڈیسک)شوبز انڈسٹری میں نمایاں خدمات سر انجام دینے پر متحدہ عرب امارات (یو اے ای) میں موجود پاکستانی سفارتی مشن نے اداکارہ ماہرہ خان اور ہمایوں سعید کو خصوصی ایوارڈز سے نواز دیا۔
ماہرہ خان اور ہمایوں سعید اس وقت اپنی آنے والی فلم ’لو گُرُو‘ کی بین الاقوامی پروموشن میں مصروف ہیں، اسی سلسلے میں وہ یو اے ای بھی گئے۔
فلم پروموشن کے دوران ہی یو اے ای میں موجود پاکستانی سفارت خان نے دونوں اداکاروں کے اعزاز میں تقریب کا انعقاد کیا اور اس دوران دونوں کو اعزازی ایوارڈز بھی پیش کیے گئے۔
ماہرہ خان نے انسٹاگرام پر اپنے اعزاز میں سفارت خانے کی جانب سے دی گئی دعوت کی تصاویر شیئر کرتے ہوئے پاکستانی سفارت خانے کا شکریہ بھی اداکیا۔
تقریب کے دوران یو اے ای میں موجود پاکستانی سفارتی مشن کے دیگر عملے کے ارکان سمیت معزز شخصیات نے بھی شرکت کی۔
تقریب کے دوران پاکستان میں یو اے ای کی سفیر فیصل نیاز ترمذی نے دونوں اداکاروں کو اعزازی شیلڈز بھی پیش کیں۔
تقریب سے خطاب کے دوران پاکستانی سفیر نے دونوں اداکاروں کی خدمات کو سراہتے ہوئے کہا کہ دونوں نے نہ صرف ٹیلی وژن بلکہ سینما انڈسٹری کی بحالی کے لیے بھی کردار ادا کیا۔
تقریب کے دوران سفارتی عملے اور دیگر شخصیات نے اداکاروں کے ساتھ تصاویر اور ویڈیوز بھی بنوائیں۔
ماہرہ خان اور ہمایوں سعید نے متحدہ عرب امارات سے قبل امریکا اور برطانیہ میں بھی فلم پروموشن کی متعدد تقریبات میں شرکت کی، جہاں سے ان کی ویڈیوز اور تصاویر وائرل ہوگئی تھیں۔
دونوں کی فلم ’لو گُرُو‘ عید الاضحیٰ پر ریلیز ہوگی، ان کی فلم کا مقابلہ فیصل قریشی اور سونیا حسین کی ہارر فلم ’دیمک‘ سے ہوگا۔
.ذریعہ: Daily Ausaf
کلیدی لفظ: ماہرہ خان اور ہمایوں سعید پاکستانی سفارت سفارت خان کے دوران یو اے ای
پڑھیں:
پشاور: تھانہ سی ٹی ڈی میں دھماکے کی رپورٹ تیار
پشاور میں یونیورسٹی روڈ پر تھانہ سی ٹی ڈی میں دھماکے کے واقعے سے متعلق محکمہ انسداد دہشت گردی نے رپورٹ تیار کر لی۔
رپورٹ کے مطابق صبح 7 بج کر 58 منٹ پر تھانہ سی ٹی ڈی کے مال خانے میں دھماکا ہوا، دھماکے سے تھانے کی عمارت کو شدید نقصان پہنچا، دھماکے میں ہیڈ کانسٹیبل بلال شہید اور 3 اہلکار زخمی ہوئے۔
محکمہ انسداد دہشت گردی کی رپورٹ میں بتایا گیا کہ زخمی پولیس اہلکاروں میں کانسٹیبل زیت اللّٰہ، مدثر اور محمد ایاز شامل ہیں، زخمی پولیس اہلکاروں کی حالت خطرے سے باہر ہے۔
رپورٹ کے مطابق مال خانے میں 2025 میں ملزمان سے برآمد ہونے والی اشیاء رکھی گئی تھیں، مال خانے میں 2 کلوگرام بارود، 23 دستی بم اور 7 گرینیڈ لیور موجود تھے۔
محکمہ انسداد دہشت گردی کی رپورٹ میں کہا گیا کہ مال خانے میں 60 رائفلیں اور 10 کلوہائی ایکسپلوسیو اور 2 خودکش جیکٹس موجود تھیں۔ 42 الیکٹرک، 10 نان الیکٹرک ڈیٹونیٹرز، ایک آر پی جی شیل اور ایک آئی ای ڈی ڈیوائس موجود تھی۔
رپورٹ میں کہا گیا کہ مال خانے میں پرائما کورڈ، سیفٹی فیوز، بیٹریاں اور الیکٹرک تاریں رکھی گئی تھیں۔
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا