پیٹرول و دیگر اشیا: کیا اب کیش خریداری پر زیادہ پیسے ادا کرنے ہوں گے؟
اشاعت کی تاریخ: 2nd, June 2025 GMT
وفاقی حکومت 2025-26 کے بجٹ میں نقد لین دین کی حوصلہ شکنی اور فیول اسٹیشنز، ریٹیل اور دیگر خدمات پر پیٹرول، ڈیزل خریدنے کے لیے ڈیجیٹل ادائیگیوں کو فروغ دینے کے لیے دوہری قیمتوں کا تعین اور ٹیکس عائد کرے گی۔
یہ بھی پڑھیں: پاکستان میں ڈیجیٹل ادائیگی کے لیے ’گوگل والٹ‘ کا اجرا
حکومت کی طرف سے مطلع کردہ پیٹرولیم قیمتوں کا اطلاق صرف ڈیجیٹل ادائیگیوں پر ہوگا۔ فیول اسٹیشنوں پر نقد لین دین پر ایک لیٹر پر 2،3 روپے اضافی بھرنے پڑیں گے۔
تمام فیول اسٹیشنوں پر لازمی ہوگا کہ وہ کیش کے ساتھ کیو آر کوڈز، کارڈ مشینیں اور موبائل ادائیگی کے آپشنز صارفین کو فراہم کریں۔
بجٹ تنخواہ دار افراد کے لیے انکم ٹیکس میں ایک سے ڈیڑھ فیصد پوائنٹس کی کمی کرے گا۔
مزید پڑھیے: خردہ فروش ڈیجیٹل لین دین سہولیات مربوط کریں، ایف بی آر
ڈیجیٹل لین دین اسٹینڈرڈ 18 فیصد جنرل سیلز ٹیکس (جی ایس ٹی) کے تابع ہوں گے جب کہ نقد پر مبنی لین دین پر اضافی 2 فیصد جی ایس ٹی لگے گا۔ تمام درآمد کنندگان اور مینوفیکچررز کو اس قیمت کا اطلاق اپنے خوردہ فروشوں اور سپلائرز پر کرنا ہوگا۔
ایک قانونی تقاضہ متعارف کرایا جائے گا جس میں ہر کاروبار کو سائز سے قطع نظر نقد اور ڈیجیٹل ادائیگی دونوں کے اختیارات پیش کرنے کی ضرورت ہوگی۔ مہنگی POS مشینوں کی ضرورت سے بچنے کے لیے کیو آر کوڈز کے ذریعے ڈیجیٹل ادائیگیوں کی سہولت مہیا کی جائے گی۔
مزید پڑھیں: اسلام آباد ایئرپورٹ نے مسافروں کی شکایات کے ازالے کے لیے کیو آر کوڈ متعارف کرادیا
توقع ہے کہ اس نئی پالیسی سے غیر دستاویزی لین دین پر زیادہ لاگت آئے گی اور ہر کسی کو ٹیکس نیٹ میں آنے کی ترغیب دی جائے گی۔
دوہری قیمتوں کا طریقہ کار اس کوشش کی حمایت کرے گا اور پیٹرولیم کی فراہمی اور فروخت کا پتا لگانے کی صلاحیت کو بہتر بنائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈیجیٹل پیمینٹ کیش ادائیگی کیش پیمنٹ.ذریعہ: WE News
کلیدی لفظ: ڈیجیٹل پیمینٹ کیش ادائیگی کیش پیمنٹ ڈیجیٹل ادائیگی لین دین کے لیے
پڑھیں:
ملک میں چینی کی قیمت 210 روپے فی کلو تک پہنچ گئی
فائل فوٹوادارہ شماریات کے جاری کردہ دستاویزات کے مطابق ایک ہفتے میں سرگودھا میں چینی کی فی کلو قیمت میں 23 روپے تک کا اضافہ ریکارڈ کیا گیا جبکہ کراچی اور حیدرآباد میں چینی کی فی کلو قیمت میں 5 روپے تک اضافہ ہوا۔
دستاویز کے مطابق ملک میں چینی کی زیادہ سے زیادہ فی کلو قیمت 210 روپے تک پہنچ گئی، جبکہ کراچی اور سرگودھا میں چینی 200 روپے فی کلو تک فروخت ہو رہی ہے۔
اسلام آباد اور راولپنڈی میں بھی چینی کی زیادہ سے زیادہ فی کلو قیمت 200 روپے تک ہے، حیدرآباد میں چینی کی فی کلو قیمت 190 روپے سے بڑھ کر 195 روپے ہوگئی۔
ادارہ شماریات کے مطابق گزشتہ ایک ہفتے میں چینی کی اوسط فی کلو قیمت میں 12 پیسے کی معمولی کمی ہوئی، جس کے بعد ملک میں چینی کی اوسط فی کلو قیمت 188 روپے 69 پیسے ریکارڈ کی گئی۔
گزشتہ ہفتے تک ملک میں چینی کی اوسط فی کلو قیمت 188 روپے 81 پیسے تھی، جبکہ ایک سال قبل یہی قیمت 132 روپے 47 پیسے فی کلو تھی۔
پاکستان کا بھارت سے ملنے والی اپنی فضائی حدود 2 روز کیلیے بند کرنے کا فیصلہ