بغیر اجازت حج کروانے پر 50 افراد گرفتار، 205 غیر مجاز عازمین بھی دھر لیے گئے
اشاعت کی تاریخ: 4th, June 2025 GMT
سعودی وزارت داخلہ نے اعلان کیا ہے کہ حج سیکیورٹی فورسز نے مکہ مکرمہ کے داخلی راستوں پر کارروائی کرتے ہوئے 15 غیر ملکی رہائشیوں اور 35 سعودی شہریوں کو گرفتار کیا ہے، جن پر بغیر اجازت ناموں کے 205 افراد کو حج کے لیے لانے کا الزام ہے۔
یہ بھی پڑھیں:حج 2025: پاکستانی عازمین کی منیٰ آمد اور اہم ہدایات
سعوی پریس ایجنسی (SPA) وزارت نے موسمی انتظامی کمیٹیوں کے ذریعے ان افراد، ان کے معاونین، اور بغیر اجازت آنے والوں کے خلاف انتظامی فیصلے جاری کیے۔ ان سزاؤں میں قید، ایک لاکھ سعودی ریال تک جرمانہ، مجرموں کے نام عوامی سطح پر جاری کرنا، اور غیر ملکیوں کو سزا مکمل ہونے کے بعد ملک بدر کرکے دوبارہ داخلے پر دس سال کی پابندی شامل ہے۔
وزارت نے عدالت سے درخواست کی ہے کہ ان گاڑیوں کو ضبط کر لیا جائے جنہیں بغیر اجازت افراد کو حج پر لانے کے لیے استعمال کیا گیا۔
علاوہ ازیں، بغیر اجازت حج کی کوشش کرنے والوں پر 20 ہزار ریال تک جرمانے کی سزا بھی مقرر کی گئی ہے۔
سعودی وزارت داخلہ کی اپیل:وزارت داخلہ نے تمام شہریوں اور رہائشیوں سے اپیل کی ہے کہ وہ حج کے ضوابط کی مکمل پابندی کریں تاکہ حجاج کرام کی سلامتی اور حج کے منظم انعقاد کو یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی پریس ایجنسی سعودی وزارتِ داخلہ غیرمجاز عازمین.ذریعہ: WE News
کلیدی لفظ: سعودی پریس ایجنسی سعودی وزارت داخلہ
پڑھیں:
لندن جانے والی ٹرین میں چاقو حملہ، 10 افراد زخمی، 2 گرفتار
ہفتے کی شام لندن جانے والی ایک ٹرین میں بڑے پیمانے پر چاقو سے حملے کے نتیجے میں 10 افراد زخمی ہو گئے، جن میں سے 9 کی حالت نازک بتائی جا رہی ہے۔ پولیس نے واقعے میں ملوث 2 مشتبہ افراد کو گرفتار کر لیا ہے۔
برطانوی ٹرانسپورٹ پولیس کے مطابق یہ ٹرین شمال مشرقی شہر ڈانکاسٹر سے لندن کے کنگز کراس اسٹیشن جا رہی تھی، یہ ایک مصروف راستہ ہے جس پر عام طور پر مسافروں کا ہجوم رہتا ہے۔
یہ بھی پڑھیے: امریکی ریاست مشی گن کے وال مارٹ اسٹور میں چاقو سے حملہ، 11 افراد زخمی
یہ افسوسناک واقعہ شام 7 بج کر 30 منٹ پر اس وقت پیش آیا جب ٹرین پیٹر بورو اسٹیشن سے روانہ ہوئی۔
عینی شاہدین کے مطابق ایک شخص بڑے چاقو کے ساتھ ٹرین میں داخل ہوا اور اچانک حملہ شروع کر دیا۔ ایک مسافر نے دی ٹائمز سے گفتگو میں بتایا کہ ہر طرف خون ہی خون تھا، لوگ بیت الخلا میں چھپنے کی کوشش کر رہے تھے جبکہ کچھ بھاگتے ہوئے ایک دوسرے پر گر رہے تھے۔
برطانوی ٹرانسپورٹ پولیس کے مطابق انسدادِ دہشت گردی پولیس بھی تحقیقات میں مدد کر رہی ہے تاکہ واقعے کے محرکات اور وجوہات کا تعین کیا جا سکے۔
یہ بھی پڑھیے: آسٹریلیا: چاقو حملے کا ایک اور واقعہ، 16 سالہ حملہ آور کو ہلاک کردیا
برطانوی وزیرِ اعظم کیئر اسٹارمر نے واقعے کو افسوسناک اور ہولناک قرار دیا۔ انہوں نے ایک بیان میں کہا، میری ہمدردیاں تمام متاثرہ افراد کے ساتھ ہیں، اور میں ہنگامی سروسز کے عملے کا شکریہ ادا کرتا ہوں جنہوں نے فوری کارروائی کی۔ علاقے میں موجود شہری پولیس کی ہدایات پر عمل کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا چاقو حملہ لندن
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری