کراچی میں چھری کے وار سے بیوی اور بچے کو قتل کر کے شہری کی خودکشی کی کوشش
اشاعت کی تاریخ: 4th, June 2025 GMT
شہر قائد کے علاقے سرجانی ٹاؤن مبینہ طور پر شوہر نے بیوی اور بیٹے کو قتل کردیا، ملزم نے خود بھی خودکشی کی اور اُسے تشویشناک حالت میں اسپتال منتقل کردیا گیا۔
ایکسپریس نیوز کے مطابق سرجانی ٹاؤن کریمی چورنگی یوسف گوٹھ میں گھر سے ماں اور بیٹے کی لاشیں ملیں جس میں خاتون کا گلا کٹا ہوا تھا جبکہ بیٹا مردہ حالت میں پایا گیا جس کی موت کو تعین نہیں ہوسکا۔
گھر سے مقتولہ کا شوہر شدید زخمی حالت میں ملا جس کا گلا کٹا ہوا تھا، مقتولہ 3 بچوں کی ماں تھی جبکہ گھر میں موجود دونوں بیٹیوں کو اہل محلہ نے اپنی حفاظتی تحویل میں لیکر چچا کے حوالے کر دیا۔
پولیس نے جائے وقوعہ سے ملنے والا تیز دھار آلہ (چھری) اپنے قبضے میں لیکر ماں اور بیٹے کی لاشوں کو ضابطے کی کارروائی کے لیے عباسی شہید اسپتال منتقل کیا جبکہ شدید زخمی شخص کو عباسی شہید اسپتال سے بعدازاں سول اسپتال منتقل کر دیا گیا۔
ماں اور بیٹے کی لاشیں ملنے کی اطلاع پر علاقہ مکینیوں کی بڑی تعداد ان کے گھر جمع ہوئی۔
ترجمان ڈسٹرکٹ ویسٹ پولیس کے مطابق سرجانی ٹاؤن کریمی چورنگی کے قریب گھر سے ملنے والی خاتون کی لاش کو 35 سالہ ثنا اور بیٹے کو 10 سالہ محمد علی کے نام سے شناخت کیا گیا جبکہ گھر سے شدید زخمی حالت میں ملنے والے کی شناخت 42 سالہ فیصل ولد صغیر الدین کے نام سے ہوئی جو کہ مقتولہ کا شوہر اور بچے کا والد ہے۔
ترجمان کے مطابق جائے وقوعہ سے ملنے والا آلہ قتل تیز دھار آلہ (چھری) پولیس نے قبضے میں لے لی ہے جبکہ کرائم سین یونٹ کو طلب کر کے جائے قوعہ سے شواہد حاصل کیے گئے ہیں۔
ایس ایس پی ڈسٹرکٹ ویسٹ طارق الہی مستوئی کے مطابق اب تک کی تحقیقات کے مطابق قوی امکان ہے کہ مقتولہ ثنا کے مضروب شوہر فیصل نے مبینہ طور پر بیوی اور بیٹے کو قتل کیا ہے، مقتولہ ثنا کی 2 نوعمر بیٹاں ایمل اور بریرہ گھر میں موجود تھیں۔
بچیوں نے پولیس کو بتایا کہ وہ رات 10 اور ڈھائی بجے سوئیں تھی جبکہ روز صبح 10 سے 11 بجے تک سو کر اٹھ جاتے ہیں لیکن آج ساڑھے چار بجے تک سوتے رہے جس سے شبہ ہے کہ انھیں نشہ آور دوا دی گئی تھی۔
پولیس نے اہل محلہ اور علاقہ مکینوں کے بیانات قلمبند کیے اور فوری طور پر دہرے قتل کی وجہ کا تعین نہیں ہو سکا جس کی پولیس مزید چھان بین کر رہی ہے۔
ایس ایچ او سرجانی محمد علی شاہ نے بتایا کہ بیوی اور بیٹے کو مبینہ قتل کے بعد خود کو گلے پر تیز دھار سے وار کرنے والے شدید زخمی مقتولہ کے شوہر فیصل کی حالت تشویشناک ہے جبکہ فوری طور پر مقتول بیٹے کی وجہ موت کا تعین نہیں ہو سکا تاہم پوسٹ مارٹم رپورٹ آنے کے بعد ہی موت کی وجہ کا معلوم ہو سکے گا۔
اس حوالے سے علاقہ مکینوں نے بتایا بیوی اور بیٹے کو قتل کر کے اقدام خودکشی کرنے والا شدید زخمی فیصل کی علاقے میں ہارڈویئر کی دکان تھی، ڈیڑھ سال قبل کرایے پر مکان لیا تھا جبکہ گھر میں موجود بچیوں کے چیخ و پکار پر علاقہ مکین جمع ہوئے اور فوری طور پر پولیس کو اطلاع دی۔ مکینوں نے بتایا کہ مذکورہ گھر سے کبھی لڑائی جھگڑے کی کوئی آواز نہیں سنی ۔
.
ذریعہ
ذریعہ: Express News
کلیدی لفظ: حالت میں کے مطابق بیٹے کی گھر سے کو قتل
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم