بانی سے مشاورت کے بعد چیف الیکشن کمشنر کی تعیناتی معاملے کا جواب دیا جائے گا: بیرسٹر گوہر
اشاعت کی تاریخ: 5th, June 2025 GMT
چیئرمین پاکستان تحریکِ انصاف (پی ٹی آئی) بیرسٹر گوہر—فائل فوٹو
چیئرمین پاکستان تحریکِ انصاف (پی ٹی آئی) بیرسٹر گوہر کا کہنا ہے کہ بانیٔ پی ٹی آئی سے مشاورت کے بعد چیف الیکشن کمشنر اور الیکشن کمیشن حکام کی تعیناتی کے معاملے کا جواب دیا جائے گا۔
’جیو نیوز‘ سے خصوصی گفتگو کرتے ہوئے چیئرمین پاکستان تحریکِ انصاف (پی ٹی آئی) بیرسٹر گوہر نے کہا کہ وزیرِ اعظم شہباز شریف نے پاک بھارت کشیدگی کے دوران مجھ سے رابطہ کیا تھا۔
ان کا کہنا ہے کہ پاکستان تحریکِ انصاف پاکستانی افواج اور قوم کے شانہ بشانہ کھڑی ہے، وزیرِ اعظم نے کہا تھا کہ بات چیت ہونی چاہیے اور بات چیت کے دروازے کھلے ہیں، ہم نے اس کے جواب میں کہا ہے کہ حکومت سے کوئی رابطہ نہیں ہو گا۔
چیئرمین پاکستان تحریک انصاف (پی ٹی آئی) بیرسٹر گوہر نے کہا کہ بانیٔ پی ٹی آئی کی سزاؤں کی معطلی سے متعلق امید ہے کہ عید سے دو دن قبل کوئی مثبت پیشرفت ہوگی۔
بیرسٹر گوہر نے کہا کہ بانیٔ پی ٹی آئی نے واضح کیا کہ اسٹیبلشمنٹ سے بات چیت کے لیے دروازے کھلے ہیں، الیکشن کمیشن کی تعیناتی کا معاملہ ایک آئینی مسئلہ ہے، اس معاملے پر وزیرِ اعظم کا یہ دوسرا خط ہے۔
انہوں نے کہا کہ الیکشن کمیشن کے ممبران 25 فروری کو مدتِ ملازمت مکمل کر چکے، بانیٔ پی ٹی آئی سے مشاورت کے بعد اس معاملے کا جواب دیا جائے گا، اس حوالے سے تین تین نام اپوزیشن لیڈر اور وزیرِ اعظم پارلیمانی کمیٹی کو بھیجیں گے۔
بیرسٹر گوہر نے یہ بھی کہا کہ چیف الیکشن کمشنر اور ممبران کے ناموں پر ہم نے آپس میں مشاورت بھی کی ہے، امید ہے کہ عید کے فوری بعد الیکشن کمیشن سے متعلق معاملہ مکمل ہو جائے گا۔
.
ذریعہ
ذریعہ: Jang News
کلیدی لفظ: بیرسٹر گوہر نے پاکستان تحریک الیکشن کمیشن پی ٹی ا ئی جائے گا
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار