جسارت کے کارکنان کے اعزاز میں پر تکلف باربی کیو نائٹ کا خصوصی اہتمام
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹا ف رپورٹر)پرنٹ میڈیا کی تاریخ میں نیا اقدام، روزنامہ جسارت کراچی کی انتظامیہ کی جانب سے کارکنان کے اعزاز میں پر تکلف باربی کیو نائٹ( دعوت طعام) کا خصوصی اہتمام کیا گیا، کارکنان کے تواضع کے لیے دعوت طعام میں باربی کیو، بیف کڑھائی، نمکین لسی اور دیگر اقسام کے کام و دھن کا انتظام کیا گیا تھا۔ عید الالضحیٰ کے تیسرے روز جسارت کے کارکنا ن کے تواضع کے لیے باربی کیو نائٹ کا خصوصی اہتمام کیا گیا ہے،باربی کیو نائٹ کی تقریب میں روزنامہ جسارت کراچی کے چیف آپریٹنگ آفیسر (سی او او)سید طاہر اکبر،ڈپٹی ڈائریکٹر مارکیٹنگ جسارت فاضل نقوی،روزنامہ امت کے ایگزیکٹو ایڈیٹر احتشام سعید قریشی (پاشا) روزنامہ آغاز کے چیف رپورٹر اعجاز لودھی،لانڈھی ٹائون کے سابق ٹائون ناظم محمد شاہد،ضلع شرقی کے نائب قیم کامران چشتی سمیت جسارت کے کارکنوں نے بڑی تعداد میں شرکت کی ہے۔دعوت طعام میں جسارت کے کارکنوں سمیت دیگر اخبارات اور گلشن اقبال ٹاون سے تعلق رکھنے والے کونسلر اور دیگر نے بڑی تعداد میں شرکت کی ہے۔جسارت انتظامیہ کی جانب سے کارکنان کے اعزاز میں پر تکلف باربی کیو نائٹ کا خصوصی اہتمام کیاگیا، تقریب میں روزنامہ جسارت کراچی کے چیف آپریٹنگ آفیسر سید طاہر اکبر ودیگر کاگروپ فوٹو
.ذریعہ: Jasarat News
کلیدی لفظ: کا خصوصی اہتمام باربی کیو نائٹ کارکنان کے جسارت کے
پڑھیں:
الخدمت کا غزہ مہاجرین کیلئے القدس اور مصر سمیت مختلف ممالک میں قربانی کا اہتمام
لاہور:الخدمت فاؤنڈیشن نے عیدالاضحیٰ کے موقع پر فلسطینی مہاجرین سے اظہار یک جہتی کرتے ہوئے القدس اور ویسٹ بینک سمیت مصر، اردن اور لبنان میں دو ہزار 915 جانور قربان کیے اور گوشت فلسطینی مہاجرین، یتامیٰ، بیواؤں اور مستحقین تک پہنچایا گیا۔
الخدمت فاؤنڈیش کی جانب سے جاری اعلامیے کے مطابق فلسطین کے مہاجرین کے لیے گوشت کی بڑی مقدار کو پراسیس کر کے ٹن پیک میں محفوظ کیا گیا ہے جو سرحد کھلتے ہی غزہ کے اندر بھیجا جائے گا۔
اعلامیے میں کہا گیا کہ الخدمت فاؤنڈیشن پاکستان کے صدر ڈاکٹر حفیظ الرحمان نے گزشتہ برس کی طرح اس سال بھی مصر میں موجود غزہ مہاجرین کے ساتھ عید منائی اور انہوں نے فلسطینی زخمیوں کی اسپتال میں تیمارداری کی، یتیم بچوں کے ساتھ عید فیسٹیول میں شرکت کی، تحائف اور امدادی سامان تقسیم کیا اور مہاجر خاندانوں کو قربانی کا گوشت فراہم کیا۔
ڈاکٹر حفیظ الرحمان نے بتایا کہ الخدمت کے تحت اس سال مصر، اردن، لبنان، القدس اور ویسٹ بینک میں 1600 بڑے اور 1315 چھوٹے جانوروں کی قربانی کی گئی۔
انہوں نے الخدمت فاؤنڈیشن کے زیر کفالت بچوں کی رہائش گاہ "الخدمت ٹاور" کا بھی دورہ کیا، جہاں انہوں نے باہمت بچوں کو عید کی مبارک باد دی اور تحائف پیش کیے۔
قبل ازیں قاہرہ میں غزہ سے تعلق رکھنے والے ایک ہزار مہاجر خاندانوں کے اعزاز میں تقریب کا انعقاد بھی کیا گیا۔
الخدمت فاؤنڈیشن نے پاکستان میں بھی چاروں صوبوں، آزاد کشمیر اور گلگت بلتستان کے مختلف اضلاع میں 10 ہزار جانوروں کی قربانی کی جہاں الخدمت کی مرکزی، ریجنل اور ضلعی ٹیموں کے ساتھ ملک بھر میں ہزاروں رضاکار اس مہم کا حصہ بنے اور لاکھوں مستحقین تک قربانی کا گوشت پہنچایا۔
ڈاکٹر حفیظ الرحمان نے کہا کہ عید دوسروں کو خوشیوں میں شریک کرنے کا نام ہے، الخدمت کے رضاکاروں نے اپنی عید کی خوشیاں مستحقین کے لیے وقف کیں، جس پر میں انہیں خراج تحسین پیش کرتا ہوں۔
ہماری معاشی خود انحصاری کا دارومدار سستی بجلی اور زراعت پر ہے: وزیراعظم