سندھ میں کارکردگی صفر ہے، کراچی کا کوڑا تو اٹھائیں، عظمیٰ بخاری کا شرجیل میمن کو جواب
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پنجاب کی وزیر اطلاعات عظمیٰ بخاری کاکہنا ہے کہ اگر سندھ میں واقعی اچھا سسٹم لے آئے ہیں تو شاباش، اب کراچی کا کوڑا تو اٹھا لیں، متکبر وہ لوگ ہیں جو دو دو اور تین تین بار اقتدار انجوائے کر چکے ہیں مگر کارکردگی کا گراف مسلسل نیچے جا رہا ہے۔
سندھ کے صوبائی وزیر اطلاعات شرجیل میمن کے بیان پر سخت ردعمل دیتے ہوئے عظمیٰ بخاری نے کہا کہ وزیراعلیٰ پنجاب مریم نواز پاکستان کی تاریخ کی پہلی خاتون وزیراعلیٰ ہیں جنہوں نے عاجزی، انکساری اور خدمت کو اپنی حکومت کی بنیاد بنایا ہے، یہی ان کی مقبولیت کی اصل وجہ ہے۔
انہوں نے کہا کہ مریم نواز کی کارکردگی سے متاثر ہو کر سندھ کے عوام بھی ان کے طرز حکمرانی کے دیوانے ہو چکے ہیں اور یہی شرجیل میمن کا اصل مسئلہ ہے۔
وزیراطلاعات پنجاب نے مزید کہا کہ سندھ کے وزرا کو پنجاب کی فکر چھوڑ کر اپنے صوبے پر توجہ دینی چاہیے، جہاں بار بار اقتدار حاصل کرنے کے باوجود عوام بنیادی سہولیات سے محروم ہیں، پنجاب میں مضبوط بلدیاتی نظام مسلم لیگ (ن) نے پہلے بھی دیا اور آئندہ بھی دے گی، ہمیں کسی باہر بیٹھے مشیر یا تبصرہ نگار کی ضرورت نہیں۔
عظمیٰ بخاری نے طنزیہ انداز میں کہا کہ “اگر واقعی سندھ میں سب کچھ اچھا ہو رہا ہے تو کم از کم کراچی کی صفائی ہی کروا دیں۔”
واضح رہےکہ کراچی میں عید الاضحیٰ کے بعد صفائی کی صورت حال انتہائی تشویشناک بنی ہوئی ہے، شہر کے مختلف علاقوں میں جگہ جگہ کچرے کے ڈھیر اور قربانی کے جانوروں کی باقیات اب تک پڑی ہیں، جن سے تعفن اٹھ رہا ہے اور بیماریاں پھیلنے کا خدشہ بڑھ گیا ہے۔
شہریوں کا کہنا ہے کہ سندھ سالڈ ویسٹ مینجمنٹ بورڈ کے دعوے صرف کاغذی ثابت ہوئے، کئی علاقوں میں صفائی کی گاڑیاں اور عملہ نظر ہی نہیں آیا، عوام نے مطالبہ کیا ہے کہ سندھ حکومت کراچی کے شہریوں کے ساتھ سوتیلا سلوک بند کرے اور فوری طور پر صفائی کے انتظامات بہتر بنائے جائیں۔
.
ذریعہ
ذریعہ: Jasarat News
کلیدی لفظ: کہا کہ
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا