‘دعا کے پاپا’ نے سوشل میڈیا سے آمدنی کی حیران کُن تفصیلات بتادیں
اشاعت کی تاریخ: 14th, June 2025 GMT
اسلامی روایات کو مد نظر رکھتے ہوئے فیلمی وی لاگنگ سے مشہور ’دعا کے پاپا’ عرف ارشد نے سوشل میڈیا سے غیرمعمولی آمدنی کی حیران کُن تفصیلات بتادیں۔
پاکستان کے دیہی علاقے سے تعلق رکھنے والے ارشد اپنے فیملی کانٹنٹ کے سبب انتہائی مختصر عرصے میں آج نہ صرف پاکستان بلکہ دنیا بھر کے یوٹیوبرز میں نمایاں مقام حاصل کر چکے ہیں۔
ارشد اپنے وی لاگ میں تین بچوں بڑی بیٹی زینب، چھوٹا بیٹا محمد اور ایک تیسری بیٹی دعا کیساتھ روز مرہ کی روٹین شیئر کرتے ہیں جبکہ اس دوران انہوں نے اپنی اہلیہ کے پردے کا بھی خاص خیال رکھا ہوا ہے اور شاید یہی وجہ ہے کہ کسی بھی بےحیائی کے کانٹنٹ سے گزیز کرنا انکے مداحوں کے دلوں کوخوب بھاتا ہے۔
ارشد نے حال ہی میں نجی ٹی وی کے پوڈکاسٹ شو میں شرکت کی، جہاں انہوں نے اپنی آمدنی اور برانڈ پروموشنز کے حوالے سے کھل کر بات کی۔
انہوں نے بتایا کہ وہ اپنی اہلیہ اور بچوں کے ہمراہ دل کو چھو لینے والے ویڈیوز بناتے ہیں، پورا خاندان ایک ٹیم کے طور پر کام کرتا ہے، جس کی جھلک ان کے ہر ویڈیو میں نمایاں طور پر دیکھی جا سکتی ہے۔
پوڈکاسٹ میں گفتگو کرتے ہوئے ارشد نے بتایا کہ وہ ایک برانڈ کی پروموشنل ویڈیو بنانے کے 15 لاکھ روپے چارج کرتے ہیں، یہ ویڈیو بعد ازاں اُن کے تمام سوشل میڈیا پلیٹ فارمز یعنی یوٹیوب، فیس بک اور ٹک ٹاک پر شیئر کی جاتی ہے۔
اُنہوں نے مزید بتایا کہ اگر کسی برانڈ کو صرف کسی ایک مخصوص پلیٹ فارم پر پروموشن کروانی ہو تو اس کا علیحدہ معاوضہ ہوتا ہے جوکہ نسبتاً کم ہوتا ہے۔
ارشد نے کہا کہ وہ اپنی آمدنی اور چارجز چھپانے میں یقین نہیں رکھتے اور صاف گوئی سے سب کچھ بتاتے ہیں تاکہ دوسرے نئے کنٹینٹ کریئیٹرز بھی حقیقت سے باخبر رہیں۔
اُن کا کہنا تھا کہ وہ ہر ماہ کم از کم 8 سے 10 برانڈ پروموشنز کرتے ہیں، جو اُن کے لئے ایک باقاعدہ ذریعہ معاش بن چکا ہے۔
View this post on InstagramA post shared by Muhammad Arshad (@arshadreels)
ارشد نے مزید بتایا کہ وہ صرف پیسہ کمانے کے لیے کسی بھی برانڈ کے ساتھ کام نہیں کرتے، بعض اوقات وہ چھوٹے کاروباروں کے لیے مفت پروموشن بھی کرتے ہیں تاکہ انہیں سہارا ملے، اس کے علاوہ انہوں نے کچھ ایسے برانڈز کی ویڈیوز بھی ڈیلیٹ کی ہیں جو اسرائیل کی حمایت کرتے ہیں۔
ارشد کی اس صاف گوئی اور اصول پسندی کو سوشل میڈیا صارفین کی جانب سے خوب سراہا جا رہا ہے۔
سوشل میڈیا صارفین کا کہنا ہے کہ ارشد نہ صرف ایک اچھے کنٹینٹ کریئیٹر ہیں بلکہ ایک باشعور اور ذمے دار پاکستانی بھی ہیں جو اپنے پلیٹ فارم کو مثبت مقاصد کے لیے استعمال کر رہے ہیں۔
Post Views: 4.
ذریعہ
ذریعہ: Daily Mumtaz
کلیدی لفظ: سوشل میڈیا کرتے ہیں بتایا کہ انہوں نے
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع